Oongangala dhiininga aasita
Omwaalu gwoongeleka gwa londo pombanda
Gumwe gwomaahwahwameki yomauwanawa gaakwashigwana moRundu okwa pula epangelo opo li kutheko oongaku nokukondolola oongeleka dhoka tadhi kengelele oshigwana unene aakiintu.
Patrick Kashera okwa ningi aniwa omapekaapeko na okwa mono kutya oongeleka dhimwe otadhi kwatelwa komeho koongangala dhiininga aasita nokuhupa paliko okupitila mekengelelo lyoshigwana.
Pahapu dhe omwaalu gwoongeleka ogwa londa unene moRundu noyendji yomiilyo yoongeleka dhoka aakiintu.
“Ondi na omaiyuvo kutya epangelo lyetu olya pumbwa okuninga oshindji opo ku kondololwe oongeleka. Ongundu onene yoongangala omo yi li moka tayi gongele iimaliwa okuza moshigwana. Oopresenda 95 dhaakiintu moongeleka dhoka otaya kengelelwa,” Kashera a popi.
Kashera okwa popi kutya okwa talelepo oongeleka dhili ndatu moTumweneni moRundu, Tuhingireni Cuma oshowo ehala lyiyekelwahi moNdama.
“Aantu otaya ende owala taya dhingoloka moongeleka moka ya fa taya kunu pethimbo taya galikana. Gumwe otashi vulika wu dhilaadhile kutya kaye li nawa momitse ihe aantu mboka kaye na uunkundi washa.”
Okwa popi kutya oongeleka dhoka odhi na woo iinyangadhalwa ya kehe esiku neipulo oli li mpaka kutya aakwanegongalo mboka ohaya fudha po uunake.
Kashera okwa popi woo kombinga yonkalo yimwe ndjoka a mono omasiku ngaka, sho omusita a pula aakwanegongalo opo ya tondoke oku ka gandja ongala ya fa taya ningi edhigathano nomukiintu gumwe okwiihatapo ihe okwa thikamapo nokutsikila okutondoka.
Okwa holola kutya iinima yi li ngaaka otashi vulika yi ka holole uupyakadhi esiku limwe.
Okwa tsikile kutya aasita otaya ningile omatilitho aakwanegongalo opo kaya lopote iinima mbyoka tayi holoka moongeleka moka, kutya ngele oye yi lopota otaya thigwa.
“Omusita aluhe ota ningile aantu omatilitho opo kaya ndaadhe mongeleka nongele oyeshi ningi aniwa oteya thingi...omolwashike to thingi omuntu ngele ngoye omulumentu gwaKalunga na owushi shoka to ningi kutya oshaKalunga?” Kashera a pula.
Hugunina okwa pula woo uulongelwe waasita moNamibia na okwa pula aasita yoshili ando ya kale ngaa nuulongwele wodiploma muuteyolohi nenge odegree.
Pahapu dhe omwaalu gwoongeleka ogwa londa unene moRundu noyendji yomiilyo yoongeleka dhoka aakiintu.
“Ondi na omaiyuvo kutya epangelo lyetu olya pumbwa okuninga oshindji opo ku kondololwe oongeleka. Ongundu onene yoongangala omo yi li moka tayi gongele iimaliwa okuza moshigwana. Oopresenda 95 dhaakiintu moongeleka dhoka otaya kengelelwa,” Kashera a popi.
Kashera okwa popi kutya okwa talelepo oongeleka dhili ndatu moTumweneni moRundu, Tuhingireni Cuma oshowo ehala lyiyekelwahi moNdama.
“Aantu otaya ende owala taya dhingoloka moongeleka moka ya fa taya kunu pethimbo taya galikana. Gumwe otashi vulika wu dhilaadhile kutya kaye li nawa momitse ihe aantu mboka kaye na uunkundi washa.”
Okwa popi kutya oongeleka dhoka odhi na woo iinyangadhalwa ya kehe esiku neipulo oli li mpaka kutya aakwanegongalo mboka ohaya fudha po uunake.
Kashera okwa popi woo kombinga yonkalo yimwe ndjoka a mono omasiku ngaka, sho omusita a pula aakwanegongalo opo ya tondoke oku ka gandja ongala ya fa taya ningi edhigathano nomukiintu gumwe okwiihatapo ihe okwa thikamapo nokutsikila okutondoka.
Okwa holola kutya iinima yi li ngaaka otashi vulika yi ka holole uupyakadhi esiku limwe.
Okwa tsikile kutya aasita otaya ningile omatilitho aakwanegongalo opo kaya lopote iinima mbyoka tayi holoka moongeleka moka, kutya ngele oye yi lopota otaya thigwa.
“Omusita aluhe ota ningile aantu omatilitho opo kaya ndaadhe mongeleka nongele oyeshi ningi aniwa oteya thingi...omolwashike to thingi omuntu ngele ngoye omulumentu gwaKalunga na owushi shoka to ningi kutya oshaKalunga?” Kashera a pula.
Hugunina okwa pula woo uulongelwe waasita moNamibia na okwa pula aasita yoshili ando ya kale ngaa nuulongwele wodiploma muuteyolohi nenge odegree.
Comments
Namibian Sun
No comments have been left on this article