Oondjodhi yohango ya tsu molwa omayambidhidho gAanamibia

"Ondumbo," "Aapopepi," "Uumbanda" – ngoka gamwe gomomaiuvo ga hololwa koshig-wana sha landula ehokololo kombinga yaafuko yokOhangwena mboka iikutu yawo yohango nuulinga wa yakwa mokambashu kawo mEenhana, iiwike iishonashona kesiku lyohango yawo.Yalwe oya ti endhindhiliko kutya ohango nayi kale– ashike ku Andreheid Albin naSakaria Ferdinand, kapwa li omadhiladhilo gokukaleka ohango yawo ye yi thaneka nale nale. Ferdi-nand okwa fatulula kutya, shi ikolela komuthigululwakalo gwAawambo, ohango ihayi kala nenge yu undulilwe komeho, kutya oketompelo lini. “Nonande wu silwe omuvali gwoye pamuthigululwakalo gwetu, ohango oyi na okudhana. Iinima ya yakwa oshike? Ando otwa hokana natango.”Iinima oya yakwa po uusiku womasiku 13 okupendukila 14 Auguste. Ookalyamupombo oya yaka iinima yohango yongushu konyala N$17,000, mwa kwatelwa uulinga, iikutu niikulya ya nuninwa ohango kombinga adhihe mbali, opolisi ya ti.Ookomenda kepandja lyaNamibian Sun koFacebook odhindji odhaasheki mboka ya limbil-ilwa uukwashili wehokololo lyaafuko – nonando ongawo, Aasamaria aanamutimahenda moshilongo ashihe oya hangana okukwashilipaleka kutya aafuko oya hokana.OmakwathoOmakwatho oga gandjwa, sigo omEtitatu lyoshiwike sha zi ko, aafuko oya pewa oofeyi mbali, ooshuta ndatu dhombushiki, okahema nokambamba kokankumbi komekolo koka-kadhona, ongala yomufuko, okofa yomufuko niipumbiwanima, omuteleki itaa futwa, nii-maliwa ayihe kumwe N$16 000 nasha, iikulya yaayenda yawo, noshowo ootenda niipundi.Aafuko oya lombwela wo kutya ope na omuthaneki te ke ya thaneka esiku lyohango, oshikuki, oshuta yokankumbi kokamati, oohema dhaakulupe, iimaliwa yomahooli mohauto ndjoka tayi fala aafuko kongeleka. Ongombe nayo oya gandjwa wo.Oshikwawo, aafuko ootenda dhawo dha longekidhwa nawa odhe ya tegelela. Otaa hokana konima yokukala pamwe oomvula heyali. Oya hokana paveta kumangestrata mumvogu. Ferdinand omugameni gwomaliko kEenhana, omanga Albin iha longo.Elongelokalunga otali ningilwa mongeleka yOmupanda Gospel Church momukunda Ongung-ila moshikandjohogololo Okaku, mEtitano, 30 Auguste, noondjila adhihe otadhi taalele kOndobe oku ka tyapula.MEtitatu, Ferdinand okwa holola olupandu lwawo kAanamibia molwa ohole nomakwatho nomayambidhidho.“Katu na iitya nomatumbulo shili. Shika osha ningwa ongoshikumitha kutse. Okuza kon-dungu yomitima dhetu, otwa pandula kehe gumwe ngoka e tu kwatha nomolwa ohole ya hololele aayeni. Esimano nali pewe Kalunga,” Ferdinand a ti nepandulo pethimbo lyegandjo lyomagano lya ningwa ku komanda gwopolisi moshitopolwa shaHangwena Komufala Otil-lie Kashuupulwa opamwe namayola gwondoolopa yEenhana Omri-Onn Kavandje.Ombepo yuumwayinathana (one Namibia, one nation)Kashuupulwa okwa ti olopota yuufuthi woofeyi dhaafuko oya li tayi yemateke, nokwa pula aapolisi “yaa thige emanya lya londa kekwawo” sigo okofa ya monika.Okwa ti nonando ya ningi oonkambadhala nolukongo lwa kwata miiti, inaa vula okumona okofa ya yakwa po.“Ohole yetu ongAanamibia onde yi pandula. Otu na uukumwe nosho oshiwanawa. Natu imange kumwe nokutsikila okuholathana ongoshigwana. Shoka twa ningile mbaka yaali opo ya tsikile nohango yawo otashi pandulwa shili,” Kashuupulwa a ti. Kavandje, ngoka ombelewa ye ya gandja N$3 000 okupitila mOshiketha shamayola, shoka sha totelwa okuyambidhidha aakalimo mboka taa nyengwa, okwa pandulile Aanamibia mwaashoka ti ithana ombepo yuumwayinathana "Ubuntu.”“Ngele owa tala kushoka oshigwana she ya ningile mokathimbo okashona kowala, noye shi ningile aantu yaa ye ya shi nenge inaa tsakanena nawo nale. Ngele otatu vulu okukala nokwiihumbata mombepo yuumwayinathana (One Namibia, One Nation), otatu yi kokule,” okwa ti.

Oondjodhi yohango ya tsu molwa omayambidhidho gAanamibia

Comments

Namibian Sun 2025-09-18

Please login to leave a comment

Oondjodhi yohango ya tsu molwa omayambidhidho gAanamibia

Comments

Namibian Sun 2025-09-18

Please login to leave a comment

Login