Oomiliyona dhanuninwa oshilimbo shetumbaleko lyaKutako
Onkalo yopaliko pethimbo lyopoloyeka ndjoka tayi limbililike
Epangelo olya tseyitha tali ka longitha omwaalu gwoomiliyona dhontumba mokutungapo oshilimbo shesimaneko lyependa Hosea Kutako oshowo ongulu yoondjokonona moshitopolwa shaMaheke.
Nonando oshimaliwa sha nuninwa etungo lyewendo lyependafule Hosea Kutako osha tambulwako, okwa holoka omapulo kutya ethimbo lyokutula miilonga opoloyeka ndjoka inali wapala.
Epangelo olyiikalekela oshimaliwa sha thika poomiliyona 18 dhoka tadhi ka tunga opoloyeka ndjoka moshikakomvula sho 2022/23 omanga oomiliyona heyali tadhi ka longithwa moshikakomvula 2023/24 noomiliyona hetatu otadhi ka longithwa moshikakomvula 2024/25.
Amushanga gwongundu yoNational Unity Democratic Organisation, Josef Kauandenge okwa taaambako etulo miilonga lyopoloyeka ndjoka ihe okuuvite kutya otayi tulwa miilonga pethimbo ndyoka oshilongo sha taalela onkalo yopaliko ya dhigupala.
“Gumwe ota dhilaadhila kutya omolwa onkalo yopaliko ndjoka twalaaalela na otuli muyo, omalongekidho goludhi ndoka naga kalekwe manga. Ondi wete woo oomiliyona 224 dha nuninwa omalweendo niimaliwa mbyoka oya londa pombanda noopresenda 40 okuyeleka nomvula ya piti,” a popi ngaaka ta pula epangelo kutya oshike lya talako dhi na oshilonga unene.
Nonando ongaaka okwa taambako iilonga tayi longwa okutumbaleka Kutako, ta popi kutya okwa dhana onkandangala onene mekondjelomanguluko yaNamibia.
Omuleli gwongundu yoPopular Democratic Movement, McHenry Venaani okwa popi kutya Kutako okwa dhana onkandangala onene mekondjelomanguluko lyoshilongo.
Nonando ongaaka Venaani naye okwa popi kutya ethimbo inali wapala ihe okwa popi kutya Omupesidende Hage Geingob okwa dhidhilike kutya ina tumbaleka Kutako noshilimbo shoka shongushu yoomiliyona 18 osha simana.
Egandjo lyiilonga
Ta popile opoloyeka ndjoka, omupopiliko gwomupresidende, Alfredo Hengari okwa popi kutya opoloyeka ndjoka otayi ka gandja iilonga nongushu koshitopolwa shaMaheke, moka tayi tungwa.
“Opoloyeka yoHosea Kutako Shrine and Memorial Homestead oya gandja iilonga yili 50 kAaNamibia pethimbo lyoshitopolwa shoka sha tungwa. Oshilimbo shoka oshowo ongulu yoondjokonona ndjoka otayi ka gandja oompito momatalelepo koshikandjohogololo shaAminius,” Hengari a popi.
Epangelo olyiikalekela oshimaliwa sha thika poomiliyona 18 dhoka tadhi ka tunga opoloyeka ndjoka moshikakomvula sho 2022/23 omanga oomiliyona heyali tadhi ka longithwa moshikakomvula 2023/24 noomiliyona hetatu otadhi ka longithwa moshikakomvula 2024/25.
Amushanga gwongundu yoNational Unity Democratic Organisation, Josef Kauandenge okwa taaambako etulo miilonga lyopoloyeka ndjoka ihe okuuvite kutya otayi tulwa miilonga pethimbo ndyoka oshilongo sha taalela onkalo yopaliko ya dhigupala.
“Gumwe ota dhilaadhila kutya omolwa onkalo yopaliko ndjoka twalaaalela na otuli muyo, omalongekidho goludhi ndoka naga kalekwe manga. Ondi wete woo oomiliyona 224 dha nuninwa omalweendo niimaliwa mbyoka oya londa pombanda noopresenda 40 okuyeleka nomvula ya piti,” a popi ngaaka ta pula epangelo kutya oshike lya talako dhi na oshilonga unene.
Nonando ongaaka okwa taambako iilonga tayi longwa okutumbaleka Kutako, ta popi kutya okwa dhana onkandangala onene mekondjelomanguluko yaNamibia.
Omuleli gwongundu yoPopular Democratic Movement, McHenry Venaani okwa popi kutya Kutako okwa dhana onkandangala onene mekondjelomanguluko lyoshilongo.
Nonando ongaaka Venaani naye okwa popi kutya ethimbo inali wapala ihe okwa popi kutya Omupesidende Hage Geingob okwa dhidhilike kutya ina tumbaleka Kutako noshilimbo shoka shongushu yoomiliyona 18 osha simana.
Egandjo lyiilonga
Ta popile opoloyeka ndjoka, omupopiliko gwomupresidende, Alfredo Hengari okwa popi kutya opoloyeka ndjoka otayi ka gandja iilonga nongushu koshitopolwa shaMaheke, moka tayi tungwa.
“Opoloyeka yoHosea Kutako Shrine and Memorial Homestead oya gandja iilonga yili 50 kAaNamibia pethimbo lyoshitopolwa shoka sha tungwa. Oshilimbo shoka oshowo ongulu yoondjokonona ndjoka otayi ka gandja oompito momatalelepo koshikandjohogololo shaAminius,” Hengari a popi.
Comments
Namibian Sun
No comments have been left on this article