Ookanesela ya lombwelwa ya shunithe iimaliwa yepangelo
Sankwasa a futiha ookansela dhaKunene
Ominista yomayambulepo goondoolopa niitopolwa yokuushayi Sankwasa James Sankwasa okwa lombwele omunashipundi osho wo iilyo ayihe yelelo lyoshitopolwa shaKunene kutya otaya ka landulwa paumwene oshoka epangelo olya kanitha oshimaliwa omolwa okwaa iutha kwawo kowina kelombwelo lyuuministeli ndyoka lya li lya tindi euliko lyomunambelewa omunkuluntu gwoshitopolwa George Kamseb.
Momasiku 30 Kotomba, ompangu yopombanda oya li ya tindi eutho lyomomumvo 2021 lyelelo lyoshitopolwa shaKunene ndyoka lya li tali lalakanene okuulikulula Kamseb onga omunambelewa omukuluntu goshitopolwa.
Oshipotha shoka sha li sha patululwa kuSankwasa, moka Kamseb oye e li omutamanekwa gotango, omunashipundi gokomitiye yelelo lyoshitopolwa - Western Muharukua – onga omutamanekwa omutiyali osho wo elelo lyoshitopolwa shaKunene onga omutamanekwa omutitatu.
Ompangu oya tindi okutaambako eutho lyelelo lyoshitopolwa lyomasiku 31 Mei 2021 no ya gandja elombwelo opo ompito ndjoka yiilonga yi shunununeno muule womasiku omi- 30 ngaashi tashi uthwa kontotwaveta yomalelo giitopolwa yomumvo 1992.
Ompangu oya tokola wo elelo lyoshitopolwa shaKunene li fute iifuta yopaveta yaSankwasa osho wo aakalelipo ye yopaveta noshipotha osha manithwa thiluthilu.
Minista okwa nongele elongittho lyoshimaliwa lyaali paveta
Ombapila yomasiku ga-06 Novomba ndjoka ya li ya nyolelwa Muharukua, Sankwasa okwa tsu omuthindo kutya elelo lyoshitopolwa olya idhimbike elombwelo lyuuministeli ndyoka lya li lya gandjwa kohi yontompolwa onti- 23(1) yontotwaveta yomalelo giitopolwa, ndjoka tayi utha kutya euliko lyomunambelewa omukuluntu goshitopolwa na li ningwe mekwatathano naminista osho wo pamulandu gokatendo oka-40 no ka-41 kekotampango.
Nonando kwa gandjwa omalombwelo ogendji okuza muMei 2021, opo euliko ndika li shunithwe monima, elelo lyoshitopolwa anuwa olya tsikile okufuta Kamseb omauwanawa gomalweendo nonando ta ku fofodholwa kutya ina longa nale kee li mOpuwo moka e na ando okulongela.
Sankwasa okwa ti oofuto dhika odha talika ko onga elongitho lyoshimaliwa inaa li pitikwa ongaashi tashi uthwa kontotwaveta yomomumvo 1991 yi na sha niimaliwa yepangelo nonkene oshinima shika oshili ompinge noveta.
Okwa londodha kutya ontompolwa onti-11 yontotwaveta oyo tuu ndjoka oya gandja uuthemba opo iimaliwa mbyoka ya longithwa shaa li paveta yi galulwe kwaamboka ye na mo sha mekano lyoshimaliwa osho tuu sho.
Okwa nyola: “ Etokolo lyompangu yopombanda olye shi yeleka kutya eutho lya li lya ningwa kelelo lyoshitopolwa Kunene momasiku omi-31 Mei 2021 ita li pitikwa na ita li landulwa nandenande”.
Okwe shi yeleke a ti: “Omolwa wa ndopa okulonga iilonga yoye onga omunashipundi osho wo elelo alihe lyoshitopolwa, omu shishi kutya omusamane Kamseb omwe mu yambapaleka shaa li pauyuuki."
Iimaliwa otayi ka pulwa konima yomahoogololo
Sankwasa okwa ti omunashipundi osho wo iilyo ayihe yelelo lyoshitopolwa otaa ka landulwa paumwene omolwa oshimaliwa shoka epangelo lya kanitha sha etwa kelelo ndyoka inaa li iutha kelombwelo lyopaveta.
Okwa tsu omuthindo kutya nonando ookasensela ye li kiipundi ngaashingeyi oya kala inaa ya galukila moombelwa konima yomahoogololo gaaleli yiitopolwa noyiilando gomasiku omi-26 Novomba, epangelo ita li ya etha, oli na okupula ko iimaliwa yalyo ku yo.
Okwa tsikile wo nokugandja elombwelo komunambelewa omukuluntu guuministeli owo tuu mboka a longe pamwe naanambelewa haya ungaunga noonzo dhoshimaliwa opo ya yalule iimaliwa ayihe ya lomgithwa okuza momasiku omi-31 Mei 2021 yo ya gandje omwaalu kookansela mboka ya gumwa koshinima shika opo yi ilongekidhile okushunitha ko iimaliwa mbyoka.
Minista okwa gandja wo elombwelo opo elelo lyoshitopolwa li ulike omunambelewa omukuluntu ta kwathele goshitopolwa omanga esiku lyo-01 Novomba inaa li thika. Ita shi kolekwa ngele elombwelo lye ndika olya tulwa ngaa miilonga oshoka Kamseb naMuharukua ayehe ina ya monika ya tye ko sha.
Onziililo yomananathano
Momumvo 2021, ominista onkulu yomayambulepo giilando niitopolwa yokuushayi Erastus Uutoni naye okwa li wo a ninga etokolo kutya eulikululo lyaKamseb ka li li paveta. muOctober 2021, Uutoni okwa li a patulula oshipotha mompangu yopombanda tashi tamaneke naKamseb, elelo lyoshitopolwa nomunashipundi gokomitiye yelelo lyoshitopolwa pethimbo ndyoka Hendrik Gaobaeb opo eutho lyelelo lyomasiku omi-31 Mei 2021 li ekelwehi, ye Kamseb kaa ulikululwe ihe ompito ndjoka yiilonga yi shunununemo.
Kamseb okwa li a ulikwa tango muKotomba 2008 oshikako shuule yoomvula ntano shoka konima sha ka gwedhelwa sigo omo-2018. Okwa li wo a kuthwa miilonga pakathimbo muKotomba 2016 uule woomvula mbali e na ondjambi ye ya gwana po, omolwa omalundilo ge na sha nomalweendo inaa ga pitikwa, okuya mefudho inaa pewa eziminino osho wo okugwedhela ootendela ndhoka dha kwisha shaa li pa pitikilo lyelelo lyoshitopolwa.
Lwanima okwa li a lopota oshinima shika kukomufala gwaaniilonga noshipotha she osha li sha ekelwahi omolwa okwaaiyutha kwe koompango dhompangu, okwa li a kambadhala okushununa mo oshipotha she, ndele eindilo ndika olya li lya ndopa.
Okangundumutima kelelo lyoshitopolwa oka li ka ulikulula Kamseb momasiku 31 Mei 2021 uule woomvula mbali anuwa ngele iimaliwa mbyoka ta pula a futwe kelelo ite yi pula we.
Pethimbo ndyoka Uutoni okwa li a yamukula a ti eulikululo ka lya li paveta nolya li ompinge nomauthompango gontotwaveta yomalelo giitopolwa osho wo ndjoka yekuto lyaaniilonga yepangelo. Ta gwedha po tati elelo ka lya li lya pula epitikilo ngaashi tashi uthwa koveta.
- [email protected]
Momasiku 30 Kotomba, ompangu yopombanda oya li ya tindi eutho lyomomumvo 2021 lyelelo lyoshitopolwa shaKunene ndyoka lya li tali lalakanene okuulikulula Kamseb onga omunambelewa omukuluntu goshitopolwa.
Oshipotha shoka sha li sha patululwa kuSankwasa, moka Kamseb oye e li omutamanekwa gotango, omunashipundi gokomitiye yelelo lyoshitopolwa - Western Muharukua – onga omutamanekwa omutiyali osho wo elelo lyoshitopolwa shaKunene onga omutamanekwa omutitatu.
Ompangu oya tindi okutaambako eutho lyelelo lyoshitopolwa lyomasiku 31 Mei 2021 no ya gandja elombwelo opo ompito ndjoka yiilonga yi shunununeno muule womasiku omi- 30 ngaashi tashi uthwa kontotwaveta yomalelo giitopolwa yomumvo 1992.
Ompangu oya tokola wo elelo lyoshitopolwa shaKunene li fute iifuta yopaveta yaSankwasa osho wo aakalelipo ye yopaveta noshipotha osha manithwa thiluthilu.
Minista okwa nongele elongittho lyoshimaliwa lyaali paveta
Ombapila yomasiku ga-06 Novomba ndjoka ya li ya nyolelwa Muharukua, Sankwasa okwa tsu omuthindo kutya elelo lyoshitopolwa olya idhimbike elombwelo lyuuministeli ndyoka lya li lya gandjwa kohi yontompolwa onti- 23(1) yontotwaveta yomalelo giitopolwa, ndjoka tayi utha kutya euliko lyomunambelewa omukuluntu goshitopolwa na li ningwe mekwatathano naminista osho wo pamulandu gokatendo oka-40 no ka-41 kekotampango.
Nonando kwa gandjwa omalombwelo ogendji okuza muMei 2021, opo euliko ndika li shunithwe monima, elelo lyoshitopolwa anuwa olya tsikile okufuta Kamseb omauwanawa gomalweendo nonando ta ku fofodholwa kutya ina longa nale kee li mOpuwo moka e na ando okulongela.
Sankwasa okwa ti oofuto dhika odha talika ko onga elongitho lyoshimaliwa inaa li pitikwa ongaashi tashi uthwa kontotwaveta yomomumvo 1991 yi na sha niimaliwa yepangelo nonkene oshinima shika oshili ompinge noveta.
Okwa londodha kutya ontompolwa onti-11 yontotwaveta oyo tuu ndjoka oya gandja uuthemba opo iimaliwa mbyoka ya longithwa shaa li paveta yi galulwe kwaamboka ye na mo sha mekano lyoshimaliwa osho tuu sho.
Okwa nyola: “ Etokolo lyompangu yopombanda olye shi yeleka kutya eutho lya li lya ningwa kelelo lyoshitopolwa Kunene momasiku omi-31 Mei 2021 ita li pitikwa na ita li landulwa nandenande”.
Okwe shi yeleke a ti: “Omolwa wa ndopa okulonga iilonga yoye onga omunashipundi osho wo elelo alihe lyoshitopolwa, omu shishi kutya omusamane Kamseb omwe mu yambapaleka shaa li pauyuuki."
Iimaliwa otayi ka pulwa konima yomahoogololo
Sankwasa okwa ti omunashipundi osho wo iilyo ayihe yelelo lyoshitopolwa otaa ka landulwa paumwene omolwa oshimaliwa shoka epangelo lya kanitha sha etwa kelelo ndyoka inaa li iutha kelombwelo lyopaveta.
Okwa tsu omuthindo kutya nonando ookasensela ye li kiipundi ngaashingeyi oya kala inaa ya galukila moombelwa konima yomahoogololo gaaleli yiitopolwa noyiilando gomasiku omi-26 Novomba, epangelo ita li ya etha, oli na okupula ko iimaliwa yalyo ku yo.
Okwa tsikile wo nokugandja elombwelo komunambelewa omukuluntu guuministeli owo tuu mboka a longe pamwe naanambelewa haya ungaunga noonzo dhoshimaliwa opo ya yalule iimaliwa ayihe ya lomgithwa okuza momasiku omi-31 Mei 2021 yo ya gandje omwaalu kookansela mboka ya gumwa koshinima shika opo yi ilongekidhile okushunitha ko iimaliwa mbyoka.
Minista okwa gandja wo elombwelo opo elelo lyoshitopolwa li ulike omunambelewa omukuluntu ta kwathele goshitopolwa omanga esiku lyo-01 Novomba inaa li thika. Ita shi kolekwa ngele elombwelo lye ndika olya tulwa ngaa miilonga oshoka Kamseb naMuharukua ayehe ina ya monika ya tye ko sha.
Onziililo yomananathano
Momumvo 2021, ominista onkulu yomayambulepo giilando niitopolwa yokuushayi Erastus Uutoni naye okwa li wo a ninga etokolo kutya eulikululo lyaKamseb ka li li paveta. muOctober 2021, Uutoni okwa li a patulula oshipotha mompangu yopombanda tashi tamaneke naKamseb, elelo lyoshitopolwa nomunashipundi gokomitiye yelelo lyoshitopolwa pethimbo ndyoka Hendrik Gaobaeb opo eutho lyelelo lyomasiku omi-31 Mei 2021 li ekelwehi, ye Kamseb kaa ulikululwe ihe ompito ndjoka yiilonga yi shunununemo.
Kamseb okwa li a ulikwa tango muKotomba 2008 oshikako shuule yoomvula ntano shoka konima sha ka gwedhelwa sigo omo-2018. Okwa li wo a kuthwa miilonga pakathimbo muKotomba 2016 uule woomvula mbali e na ondjambi ye ya gwana po, omolwa omalundilo ge na sha nomalweendo inaa ga pitikwa, okuya mefudho inaa pewa eziminino osho wo okugwedhela ootendela ndhoka dha kwisha shaa li pa pitikilo lyelelo lyoshitopolwa.
Lwanima okwa li a lopota oshinima shika kukomufala gwaaniilonga noshipotha she osha li sha ekelwahi omolwa okwaaiyutha kwe koompango dhompangu, okwa li a kambadhala okushununa mo oshipotha she, ndele eindilo ndika olya li lya ndopa.
Okangundumutima kelelo lyoshitopolwa oka li ka ulikulula Kamseb momasiku 31 Mei 2021 uule woomvula mbali anuwa ngele iimaliwa mbyoka ta pula a futwe kelelo ite yi pula we.
Pethimbo ndyoka Uutoni okwa li a yamukula a ti eulikululo ka lya li paveta nolya li ompinge nomauthompango gontotwaveta yomalelo giitopolwa osho wo ndjoka yekuto lyaaniilonga yepangelo. Ta gwedha po tati elelo ka lya li lya pula epitikilo ngaashi tashi uthwa koveta.
- [email protected]
Comments
Namibian Sun
No comments have been left on this article