Onda kwatele komadhidhilo gokwiikutha omwenyo molwoondjo - Ngurare
Omuprima Elijah Ngurare nena okwa hokolola kombinga yomashongo a tsakanekele monkalamwenyo ye – oshinima shoka sha pumba okuningwa kaaleli yetu – okwa holola kutya okwa ale i ikuthe omwenyo pethimbo ndjoka a li muupyakadhi woshimaliwa.
Metumwalaka ndjoka a nyola koFacebook mEtitano, Ngurare okwa ti okwa li moondjo nayi okuza mo2015 nomo2019, sho ombaanga ya ale yi mu kuthe egumbo lye nohauto ye. Pethimbo ndjoka, okwa li ta dhiladhila okwiikutha omwenyo opo ofamili ye yi mone okamaliwa taka zi komahangano gomakwashipaleko (goasulansi).
"Edhiladhilo ndjoka lyokwiikutha omwenyo olye ya mo momadhiladhilo gandje nedhiladhilo kutya ofamili yandje otayi ka mona okamaliwa kandje taka zi komahangano gomakwashilipaleko notaye ke ka longitha mokufuta oondjo dhaantu adhihe nkwiikwatha woo," okwa ti.
Ngurare ota pandula kutya okwa hupu molweyambidhidho nomakwatho a pewa kaakwanezimo nokoohailwa pethimbo ndjoka lyuudhigu.
“Omolwomakwatho ga zi kwaakwanezimo, kookuume nokoohailwa ooyakwetu, osha ningi oshipu okusinda omadhiladhilo ngoka...Otundji yomutse ohatu adhika kuudhigu wopashimaliwa nosigo onena otandi futu natango oondjo dhaantu,” okwe shi koleke.
Ombepo yomaikuthomwenyo
Eimatulo lyomwenyo ndika olye etwa konkundana onkunkutu yeikuthomwenyo lyaalongi yatatu moshitopolwa shaHangwena methimbo lyoshiwike shimwe. Gumwe gwomaalongi mbaka okwa holola kutya okwa li e na uudhigu wopashimaliwa e shi nyola momukanda ngoka a thigi po.
Ngurare okwa longitha ompito ndjoka mokwiindila Aanamibia ya taalelwa komashongo ga faathana: “Kukehe ngoka ngoka e niwe komadhiladhilo gokwiikutha omwenyo, alikana ino ikutha omwenyo. Kondja kondjitha omutondi, kwa li uusiku onaku shi nuudhigu mboka etau hulu po. Okukala momwenyo okwaanawa noonkondo, unene tuu kaakwanezimo shaa wu li po oshi li nawa.”
Okwi indile epangelo nomahangano gopaumwene ga longele kumwe nokukandula po omukundu nguka gwoshimaliwa gwa dhigupalela oshigwana shetu. “Natu tuleni uukuni kumwe opo tu kwatheni nokuhupitha mboka ye li muudhigu woshimaliwa. Atuheni, nda dhiladhila epangelo noshowo omahangano gopaumwene.”
Metumwalaka ndjoka a nyola koFacebook mEtitano, Ngurare okwa ti okwa li moondjo nayi okuza mo2015 nomo2019, sho ombaanga ya ale yi mu kuthe egumbo lye nohauto ye. Pethimbo ndjoka, okwa li ta dhiladhila okwiikutha omwenyo opo ofamili ye yi mone okamaliwa taka zi komahangano gomakwashipaleko (goasulansi).
"Edhiladhilo ndjoka lyokwiikutha omwenyo olye ya mo momadhiladhilo gandje nedhiladhilo kutya ofamili yandje otayi ka mona okamaliwa kandje taka zi komahangano gomakwashilipaleko notaye ke ka longitha mokufuta oondjo dhaantu adhihe nkwiikwatha woo," okwa ti.
Ngurare ota pandula kutya okwa hupu molweyambidhidho nomakwatho a pewa kaakwanezimo nokoohailwa pethimbo ndjoka lyuudhigu.
“Omolwomakwatho ga zi kwaakwanezimo, kookuume nokoohailwa ooyakwetu, osha ningi oshipu okusinda omadhiladhilo ngoka...Otundji yomutse ohatu adhika kuudhigu wopashimaliwa nosigo onena otandi futu natango oondjo dhaantu,” okwe shi koleke.
Ombepo yomaikuthomwenyo
Eimatulo lyomwenyo ndika olye etwa konkundana onkunkutu yeikuthomwenyo lyaalongi yatatu moshitopolwa shaHangwena methimbo lyoshiwike shimwe. Gumwe gwomaalongi mbaka okwa holola kutya okwa li e na uudhigu wopashimaliwa e shi nyola momukanda ngoka a thigi po.
Ngurare okwa longitha ompito ndjoka mokwiindila Aanamibia ya taalelwa komashongo ga faathana: “Kukehe ngoka ngoka e niwe komadhiladhilo gokwiikutha omwenyo, alikana ino ikutha omwenyo. Kondja kondjitha omutondi, kwa li uusiku onaku shi nuudhigu mboka etau hulu po. Okukala momwenyo okwaanawa noonkondo, unene tuu kaakwanezimo shaa wu li po oshi li nawa.”
Okwi indile epangelo nomahangano gopaumwene ga longele kumwe nokukandula po omukundu nguka gwoshimaliwa gwa dhigupalela oshigwana shetu. “Natu tuleni uukuni kumwe opo tu kwatheni nokuhupitha mboka ye li muudhigu woshimaliwa. Atuheni, nda dhiladhila epangelo noshowo omahangano gopaumwene.”
Comments
Namibian Sun
No comments have been left on this article