Omupresidente omukulu gwoNeka ta tilitha okufutitha

Oshimpaga shehangano lyoNamibian Exile Kids Association (Neka) ndyoka lya topoka osha ti oya dhiladhila okukondjitha uukwashili womupresidente omupe Kadiva Hamutumwa.Hamutumwa okwa sindana momahogololo giilyo yoNeka mOsoondaha pethimbo lyoshigongi sha ningilwa mOtjiwarongo, a dhenge mo omupresidente Rauna Amutati nomawi 125 komawi 4. Sacky Nendongo okwa hogololwa onga omupevi presidente omupe omanga Elizabeth Shimwafeni okwa hogololwa amushan ga ndjai.Momapulapulo gopangodhi noNamibian Sun mOmaandaha, Amutati okwa ti oshimpaga shehangano, nangame nda kwatelwa mo, inatu taamba ko uukwashili wehogololo lyaHamutumwa. Ota ti otaa ka kundathana nooahende yawo ya konakone uukwashili womahogololo.Okwa fatulula kutya, ongomupresidente gwehangano, okwa zimbula oshigongi mOsoondaha nokonima okwa ka kundana owala kutya omahogololo oga ningwa nomupresidente omupe okwa hogololwa. Amutati namushanga ndjai nale gwoNeka Mao Angula oyi iteka mo moshigongi.“Onda zimbula oshigongi manga omahogololo inaga ningwa. Ope na okangundu kontumba hoka ka tokola okuya komeho nomahogololo. Onda zi mo moshigongi noku tokola okukaleka omahogololo. Onde ku uva owala omahogololo oga ningwa,” okwa ti.Okulandula elombwelo Amutati okwa konene uukwashili womahogololo.“Otwa pumbwa okutala uukwashili nokupula," okwa ti, okwa gwedha po: “ Otwa pumbwa natango okutala ngele iizemo yomahogololo oyi li paveta."Okwa ti okwa landula elombwelo lyamushanga ndjai gwoSwapo Sophia Shaningwa, a kaleke oshigongi molwa okwaa uvathana kwa lunda.Konima sho Amutati nAngula ya yi, iilyo itano yokomitiye pitithi yoNeka ya kala moshigongi oya tsikile noshigongi. Oya tokola okupula aaulikwakalelipo ngele oya hala okutsikila niikundathanwa nenge oshigongi nashi pite mo.“Oyendji yomaaulikwakalelipo oya tokola ya tsikile niikundathanwa ngaashi yi li. Pamilandu dhehangano, ngele omupresidente, ngoka oye omukuutumbithi gwoshigongi, ngele ita vulu okuholoka moshigongi molwa uuwehame nenge I iteke, omupevi -presidente ota vulu okutsikila ko newiliko lyoshigongi. Naashika osho sha ningwa mpaka. Oshigongi otashi ka tsikila ngele omwaalu gwa pumbiwa okuninga omatokolo gwa gwana po,” onzo oya lombwele Namibian Sun.Hamutumwa okwa holoka koshigongi onga omupevi -presidente gwoNeka.Aapopepi otaa holola kutya aaulikwakalelipo ya za miitopolwa 12 yomiitopolwa 14 oya thigala moshigongi, konyala aaulikwakalelipo 20 yo Kavango Uuzilo naKavango Uuninginino oyi iteka moshigongi.Shaningwa I idhopo moMontuwafo ya nyolelwa Amutati, Hamutumwa nAngula, Shaningwa okwi indile ongundu yayatatu ya kwatathane naaulikwakalelipo opo okwaa tsa kumwe ku ze po, ku longelwe kumwe, nokuyanda okutopoka muungundu, shoka ta ti otashi shunitha monima iilonga.“Iikonga yomahogololo geni iiwinayi pethimbo ndika , sho ku na owala oomwedhi dhimwe dhimwe komahogololo, otayi ka kwatela mo Ongundu yoSwapo nokuguma nayi iikonga yomahogololo gongundu. Moonkundathana dhetu na[Pohamba] Shifeta nane yatatu, onde mu pe omayele, ongamushanga ndjai gwongundu yeni yopapolitika, mu undulile komeho omahogololo geni, shika osho olunza lwokwaatsa kumwe kweni ... nomu tsikile owala nomalundululo geni gopakotampango niikumungu yilwe,” okwa ti.Aaulikwakalelipo yoNeka oyu uvite kutya shaashi ehangano lyawo ka li na epambathano lyopambelewa noSwapo, Shaningwa ke na uuthemba wokwiidhopa miikumungu yawo noku kaleka oshigongi. Neka okwa ningi eindilo a kale nepambathano lyopambelewa noSWAPO , ihe oya lombwela ya lundulule omilandu dhimwe mekotampango. Okonima owala yekotampango lya lundululwa lya tuminwa natango Swapo opo ongundu tayi tala eindilo lyepambathano lyopambelewa . Omalundululo gekotampango oga ningwa mehuliloshiwike ndika moshigongi notaga ka tuminwa mbala Swapo, aapopepi ya ti.Shaningwa naHamutumwa ongodhi dhawo kadha li mombepo pethimbo oshifo tashi nyanyangidhwa.Ya pitiOshigongi osha tamekele onga oshigongi shokomumvo nosha lundulukile moshigongi shomahogololo.Fillemon Wise Immanuel, okwa li a pewa oshinakugwanithwa shoku eta po ekotampango epe lyoNeka noku li kwatakanitha nekotampango lyOngundu yoSwapo, okwa pandula omukalo gwe enda nawa.Okwa ti ekotampango epe olya taambiwa ko, pwaa na ekondjitho.Odokumente oya shainwa kiilyo iikulu yokomitiye pitithi yopashigwana naapresidente yopaitopolwa yi tulwe miilonga mbala.Omahogololo gaanambelewa aape, mwa kwatelwa aakomeho yane niilyo yongundumutima, oga ningwa mewiliko lyekotampango epe.- tuyeimo@namibiansun.com

Omupresidente omukulu gwoNeka ta tilitha okufutitha

Comments

Namibian Sun 2025-07-03

Please login to leave a comment

Omupresidente omukulu gwoNeka ta tilitha okufutitha

Comments

Namibian Sun 2025-07-03

Please login to leave a comment

Login