Omupresidende okwa lelepeke ethimbo lyiilonga yaNoa

Omupresidende Netumbo Nandi-Ndaitwah okwa lelepeke ethimbo lyiilonga lyOmukuluntuwiliki gwOkomisi yOshikandjo shokukondjitha Uulingilingi (ACC) Paulus Noa noomwedhi mbali opo a wilike elunduluko netaambathano lyiilonga kuuwiliki uupe tawu ya mehangano.Egwedhelo ndika olye ya pethimbo Noa a li e na okuya moshipundi shevululuko konima sho a longo ongomukuluntuwiliki gwotango noye awike gwACC okuza sho ehangano lya totwa mo-2006. Sho a koleke eholokopo ndika koshikundaneki shoNamibian Sun metiyali, Noa okwa popi kutya okwa li a longekidha nale oku thiga po ombelewa sho Ombelewa yOmupresidende ye mu tseyithile etokolo lyayo."Openzela yandje inayi tameka natango. Ondi li natango mombelewa uule woomwedhi dhontumba," osho a popi. "Sho nda li pokuya potundi 17:00, ontumwafo oya zi kOmupresidende tayi indile ndje ndi kale mo oomwedhi mbali dha gwedhwa po. Shika osho ku longekidhidha nawa etaambathano lyiilonga nOmukuluntuwiliki omupe a ulikwa," osho a gwedha ko. Elelepeko ndyoka lyokoonyegenyege dhethimbo olya nuninwa okukwashilipaleka etaambathano lyiilonga momukalo gu li melandulathano kumukuluntu gwO-Financial Intelligence Centre, Bryan Eiseb, ngoka euliko lye ongomukuluntuwiliki a landula ko gwACC lya ziminwa koparliamende omwedhi gwa zi ko. Noa, ngoka e na ngashingeyi oomvula 62, okwa ulikwa lwotango ongomukuluntuwiliki gwACC mo-2006 nokwa ka longo uule woomvula omi-20. Esiku lye lyokuya mopenzela pambelewa okwa li 31 Juuli. Okwa hokololwa kutya okuza sho ACC a patulula omiyelo dhayo, oya shangitha omanyenyeto 7 503.Mwaangoka, omanyenyeto 3 459 oga tindwa molwaashoka oga monika ga kwatela mo omampatano gopaumwene, iinima yomuuwiliki womoombelewa nenge oontamanana dhi li pondje yoondjila nomilandu dhehangano.Iipotha ya gwedhwa po 4 044 oya ningilwa omakonakono. Momapulilo nehangano lyoNamibian Sun omwedhi gwa zi ko, Noa okwa popi kutya iipotha 2 812 oya manithwa omakonakono gayo, manga iipotha 92 tayi tegelele omatokolo kuhahenendjayi gwOmpangu (Prosecutor General). Sha kolekwaOmupopiliko gwOmupresidende, Jonas Mbambo, okwa koleke eholokepo ndika, ta popi kutya Eiseb ota ka taamba iilonga momasiku 1 Kotoba manga Noa ta longo ongomukuluntundjayi gwopokathimbo."Elongekidho ndika otali ke mu pitika a manithe iinakugwanithwa mbyoka ya li hupa melelo lye lyonale," osho Mbambo a popi. “Opo ku kwashilipalekwe etsikilo lyiilonga muuwiliki neyokomeho mehangano mokathimbo hoka koomwedhi mbali, Nandi-Ndaitwah okwa ulike Paulus Noa, omukuluntundjayi ngoka ta zi mo, a longe ongomukuluntuwiliki gwopokathimbo," osho Mbambo a gwedha ko.Muule wethimbo lyiilonga yaNoa, okomisi oya totopo iitopolwa ya pyokoka yomakonakono, elongo lyaakwashigwana nekandeko lyuulingilingi, omakonakono gopaunongononi, lyuuyelele nekondjitho lyegwayitho lyoshimaliwa shomiyonena.Oombelewa dhomiitopolwa nadho odha patululwa mOshana, mOtjozondjupa, moKavango East nomErongo.Oshiwike shika, ACC okwa tseyitha euliko lyiipundi iinene yaali: omukonakonikuluntu Oberty Inambao ongomukuluntuwiliki gwopokathimbo gwomakonakono, naJustine Kanyangela ongomukuluntuwiliki gwopokathimbo.Eiseb okwa tegelelwa a taambe ko ehangano li li momathiminiko taga indjipala gokumanitha omakonakono giipotha iinene, mwa kwatelwa mbyoka ya kwatathana noshipotha shuulingilingi shoFishrot.

Omupresidende okwa lelepeke ethimbo lyiilonga yaNoa

Comments

Namibian Sun 2026-08-07

Please login to leave a comment

Omupresidende okwa lelepeke ethimbo lyiilonga yaNoa

Comments

Namibian Sun 2026-08-07

Please login to leave a comment

Subscription Required to Access Content ×

Login

Subscription Required to Access Content