Omuniilonga omukulu gwaBH, Vilho te mu lundilile onkambadhala yedhipago
• BH ota pula a futwe N$500 000
molwenyateko lyedhina lye
Omuniilonga omukulu gwaBenjamin Hauwanga, Toivo Simeon, a tseyika nawa nedhina Vilho Potgieter, ota ti okwa hupu moshiponga shokudhipagelwa moAngola, edhipago ndjoka lyu unganekwa kaapopepi nomuhona gwe nale.
Hauwanga, a tseyika nawa nedhina BH, ota futitha Potgieter N$500 000 molwomapopyo taga nyateke edhina lye.
Okufutithwa huka okwe ya molwuukwatwamawi 6 wu li mOshiwambo mboka wa andjaganekwa koWhatsApp nokomapandja galwe gopankalathano mo2024.
BH ota nyenyeta kutya uukwatamawi owu na uuyelele wa puka notau ehameke, mboka tau lalakanene okunyateka edhina lye.
Omunangeshefa ota ti omapopyo taga ehameke oga ningilwa owina momvula yomahogololo medhina lyopolitika, opo ga nyateke edhina lye nolyongeshefa ye.
Onkambadhala yedhipago
Nonande Vilho a nyolelwa omukanda opo a gandje ombili nokulombwela oshigwana kutya omapopyo ge kage goshili, Vilho anuwa okwa ndopa nokwa tindi okwiiyutha komalombwelo ngoka.
Mokuyamukula kwe paveta mOmpangu yoPombanda yaVenduka momasiku 14 Mai, Vilho okwa ti uupyakadhi owe ya sho BH e tumu a ye koLuanda, opo a ka sinde nokuthaneka etungo lyongushu.
Vilho okwa ti, shoka osha li ompangela ndjoka ta ti oya vala onkambadhala yedhipago konima yokuuva aapopepi naBH taya kundathana kombinga yokudhipaga omukwiita Omuangola General Angelo Paca.
Ota ti kutya BH naapopepi naye oyendji moAngola oye mu kutha opaspota ye sho a thiki moAngola.
Vilho okwa tumbula kutya Captain Gabriel, General Maria Joao Chavez, naMajor General Xavier oye mu kutha opaspota ye miineya taya ti otaye ke ningila eindilo lyokupewa uuthemba wokulongela moshilongo shoka.
Okwa ti wo kutya iilonga (opoloyeka) kaya li yoshili ishewe BH okwe mu thigi moLuanda inee mu futa noshikwawo kee na opaspota ye.
Shi ikolela kuye, okuuvu oonkundathana dhaCaptain Gabriel nomuntu gulwe nkene taye mu heke opo e ye poluhayela yoye mu ‘dhime ko'.
“Oya ti oya pumbwa ya ningithe ndje ndi ze mo metungo... oshoka inandi pulakena ko komahiyo agehe gokuza mo metungo.
Onda dhimbulula kutya ope na sha sha puka,” Vilho a holola momukanda gwe gwopaveta.
BH okwa kalelwa po komunaveta Kadhila Amoomo, omanga Linus Mokhatu oye ahende gwaPotgieter.
Oshipotha shika oshi li momake gOmupanguli Boas Usiku. [email protected]
Hauwanga, a tseyika nawa nedhina BH, ota futitha Potgieter N$500 000 molwomapopyo taga nyateke edhina lye.
Okufutithwa huka okwe ya molwuukwatwamawi 6 wu li mOshiwambo mboka wa andjaganekwa koWhatsApp nokomapandja galwe gopankalathano mo2024.
BH ota nyenyeta kutya uukwatamawi owu na uuyelele wa puka notau ehameke, mboka tau lalakanene okunyateka edhina lye.
Omunangeshefa ota ti omapopyo taga ehameke oga ningilwa owina momvula yomahogololo medhina lyopolitika, opo ga nyateke edhina lye nolyongeshefa ye.
Onkambadhala yedhipago
Nonande Vilho a nyolelwa omukanda opo a gandje ombili nokulombwela oshigwana kutya omapopyo ge kage goshili, Vilho anuwa okwa ndopa nokwa tindi okwiiyutha komalombwelo ngoka.
Mokuyamukula kwe paveta mOmpangu yoPombanda yaVenduka momasiku 14 Mai, Vilho okwa ti uupyakadhi owe ya sho BH e tumu a ye koLuanda, opo a ka sinde nokuthaneka etungo lyongushu.
Vilho okwa ti, shoka osha li ompangela ndjoka ta ti oya vala onkambadhala yedhipago konima yokuuva aapopepi naBH taya kundathana kombinga yokudhipaga omukwiita Omuangola General Angelo Paca.
Ota ti kutya BH naapopepi naye oyendji moAngola oye mu kutha opaspota ye sho a thiki moAngola.
Vilho okwa tumbula kutya Captain Gabriel, General Maria Joao Chavez, naMajor General Xavier oye mu kutha opaspota ye miineya taya ti otaye ke ningila eindilo lyokupewa uuthemba wokulongela moshilongo shoka.
Okwa ti wo kutya iilonga (opoloyeka) kaya li yoshili ishewe BH okwe mu thigi moLuanda inee mu futa noshikwawo kee na opaspota ye.
Shi ikolela kuye, okuuvu oonkundathana dhaCaptain Gabriel nomuntu gulwe nkene taye mu heke opo e ye poluhayela yoye mu ‘dhime ko'.
“Oya ti oya pumbwa ya ningithe ndje ndi ze mo metungo... oshoka inandi pulakena ko komahiyo agehe gokuza mo metungo.
Onda dhimbulula kutya ope na sha sha puka,” Vilho a holola momukanda gwe gwopaveta.
BH okwa kalelwa po komunaveta Kadhila Amoomo, omanga Linus Mokhatu oye ahende gwaPotgieter.
Oshipotha shika oshi li momake gOmupanguli Boas Usiku. [email protected]
Comments
Namibian Sun
No comments have been left on this article