OmukwaSwapo ngoka i ipumu mumwe nomukwatakanithi a popi
Omulumentu okwa ti aawiliki oya li ya hala a mwene
The unemployed father, whose filmed physical confrontation with a Swapo coordinator at Mix on Saturday went viral, says he is fed up with empty promises.
OmukwaSwapo nomuvali gwaanona yahamano Moses Andjene, ngoka a kapula omukwatakanithi gwoshitayi shoSwapo Bonifatius Munango mOlyomakaya moshigongi shongundu kolukanda lwoMix, ota ti oshiluluma okumona aawiliki yongundu taa igidha oslogana ‘Ngashingeyi iilonga’ omanga pu na owala uundhindhiliko uushona wiilonga mbyoka moshigwana.
Mix, olukanda lwa hepa, otalu adhika oshinano shookilometa o21 kuumbangalantu wOvenduka. Olukanda olwa lukilwa Omundowishi Heiner Mix, ngoka a pitika aantu ya tule mofaalama ye yuunene wuupale wetanga lyokoompadhi (oohecta) 50 momimvo dhomilongo hetatu nasha (1980). Konima yeso lyaMix mo1999, olukanda olwa koko oshoka ope na omuposi.
Mo2006 enanathano lyethimbo ele lyopaveta nolyopapolitika olya tameke konima sho okampani yaminista gwegameno Frans Kapofi ya landa po ehala noya li ya hala aakalimo ya tembuke. Aakalimo yomoMix oyi indile epangelo li ya tululule.
Monkambadhala ya talika ko yopapolitika, epangelo olya landa po ofaalama muNovemba 2010, ku na ashike iiwike iyali komahogololo gopaitopolwa, nolya uvaneke okweeta ehumo komeho. Moomvula dhopo2020 oku uka komeho epangelo olya tseyithile oshigwana ethaneko lyokweeta ehumo komeho moMix. Mokati koopoloyeka dhehumo komeho omwa li yeandjaganeko lyomeya netungo lyuundjugo nokutunga okapangelo noshitaasi shopolisi.
Omanga euvaneko lyeandjaganeko lyomeya olya gwanithwa, Mix natango ke na okapangelo, oskola noshitaasi shopolisi.
Aakalimo yomoMix ohaa futu olefa yoN$25 okuya kOvenduka ya ka mone omayakulo ogendji, noshowo oodola 25 okushuna koluhepo lwawo koMix.
“Owu na okukala wu na oodola N$50, ihe ndjoka olefa owala yopokati kaMix noshitaasi shokunwethela omahooli shaMonte Cristo. Natango owu na okukala wu na oodola N$13 dha gwedhwa po dhoku ya mondoolopa mOshilando– tu ka tule oshimaliwa kuukalata wetu womeya – noodola N$13 oonkwawo dhokugalukila koMonte Cristo hoka to ka kwatela olefa yokoMix,” Andjene a lombwele Namibian Sun ohela.
OmukwaSwapo gwashili, okwa ti okwa li moshigongi shongundu moMix, moka oshilyo shongundumutima yoSwapo Tobie Aupindi a popitha oshigwana.
Ashike oshipopiwa shangoloneya gwaKhomas Laura McLeod-Katjirua osha geyitha Andjene.
“Ondi ipula, ongoshilyo shongundu, kutya omolwashike haa kala nokwiigidha‘ngashingeyi iilonga’ omanga moshigwana kamu na endhindhiliko lyiilonga (lyeitulomo) mbyoka,” okwa ti.
“Konima sho nda pula omapulo ngoka, onda lombwelwa ndi ye kegumbo, nonda tindi. Otwa pumbwa owala okukala moshigongi ngele tatu komona komutse nokuhakela omake? Omolwashike inaatu pitikwa tu pule aaleli yetu nokukwashilipaleka otaa longo moshili,” okwa ti.
“Ano, onde mu kapula owala (Munango) oshoka okwa li ta gumu ndje kolutu sigo okagala kandje ka gu ko komutse. Nopo nee nde mu yamukula noku mu kapula. Oye shi mpoka handi zi. Inandi tila okumangwa po.”
Okwa ti aanambelewa yoSwapo ohaye ya koMix uuna ku na omahogololo, ihe konima yomahogololo, ohaa kana po nokugaluka owala ngele omahogololo ga landula ko ge ya. “Otatu popi noolye, ngele ihaye ya po mpaka,” Andjene, omukalimo gwomoMix oomvula 24, a pula.
Tate nguka kee na iilonga okwa holola nkene uunona wawo hau mono iihuna okuya koskola.
“Otwa tula po euvathano naaniihauto ya fale uunona wetu koskola, ihe ngele owa ndopa okufuta komaandelo gomwedhi, ohaa tindi okufala uunona woye koskola. Ngaye OmukwaSwapo ndu ukilila, ondi na okakalata okape kuukwashilyo hoka nde ka pewa mo2023, ihe ngashingeyi otandi lombwelwa nandi ye kegumbo oshoka otandi konene iinima yimwe? Aawe, itandi shi zimine shoka.”
Okwa yeleke aanambelewa yongundu nomupambele(omulumentu) he ya a kolwa kegumbo nokwa hala okuuvikiwa mu kehe oshikundathanwa.
Andjene okwa taukile muMuni gwaVenduka, ta ti naa ete omayakulo gokutula oshimaliwa kuukalata womeya popepi. “Otaa vulu wo ku oku tu talela po lumwe momwedhi, opo tu tule ko oshimaliwa kuukalata wetu, peha lyokufuta olefa dhondilondilo. Katu na iilonga.”
Andjene, ngoka a yambukile komukunda Omufito wEelo mOmbalanhu, okwa ti uulonga wanathangwa moMix, ngaashi wokukomba oopate, ohau pewa aantu ya za pondje yolukanda peha lyokukutha aakalimo yaa na iilonga. Kombinga yaangoka ta ka hogolola muNovemba, okwa ti: “ Ehogololo lyandje oshiholekwa shandje.”
Mix, olukanda lwa hepa, otalu adhika oshinano shookilometa o21 kuumbangalantu wOvenduka. Olukanda olwa lukilwa Omundowishi Heiner Mix, ngoka a pitika aantu ya tule mofaalama ye yuunene wuupale wetanga lyokoompadhi (oohecta) 50 momimvo dhomilongo hetatu nasha (1980). Konima yeso lyaMix mo1999, olukanda olwa koko oshoka ope na omuposi.
Mo2006 enanathano lyethimbo ele lyopaveta nolyopapolitika olya tameke konima sho okampani yaminista gwegameno Frans Kapofi ya landa po ehala noya li ya hala aakalimo ya tembuke. Aakalimo yomoMix oyi indile epangelo li ya tululule.
Monkambadhala ya talika ko yopapolitika, epangelo olya landa po ofaalama muNovemba 2010, ku na ashike iiwike iyali komahogololo gopaitopolwa, nolya uvaneke okweeta ehumo komeho. Moomvula dhopo2020 oku uka komeho epangelo olya tseyithile oshigwana ethaneko lyokweeta ehumo komeho moMix. Mokati koopoloyeka dhehumo komeho omwa li yeandjaganeko lyomeya netungo lyuundjugo nokutunga okapangelo noshitaasi shopolisi.
Omanga euvaneko lyeandjaganeko lyomeya olya gwanithwa, Mix natango ke na okapangelo, oskola noshitaasi shopolisi.
Aakalimo yomoMix ohaa futu olefa yoN$25 okuya kOvenduka ya ka mone omayakulo ogendji, noshowo oodola 25 okushuna koluhepo lwawo koMix.
“Owu na okukala wu na oodola N$50, ihe ndjoka olefa owala yopokati kaMix noshitaasi shokunwethela omahooli shaMonte Cristo. Natango owu na okukala wu na oodola N$13 dha gwedhwa po dhoku ya mondoolopa mOshilando– tu ka tule oshimaliwa kuukalata wetu womeya – noodola N$13 oonkwawo dhokugalukila koMonte Cristo hoka to ka kwatela olefa yokoMix,” Andjene a lombwele Namibian Sun ohela.
OmukwaSwapo gwashili, okwa ti okwa li moshigongi shongundu moMix, moka oshilyo shongundumutima yoSwapo Tobie Aupindi a popitha oshigwana.
Ashike oshipopiwa shangoloneya gwaKhomas Laura McLeod-Katjirua osha geyitha Andjene.
“Ondi ipula, ongoshilyo shongundu, kutya omolwashike haa kala nokwiigidha‘ngashingeyi iilonga’ omanga moshigwana kamu na endhindhiliko lyiilonga (lyeitulomo) mbyoka,” okwa ti.
“Konima sho nda pula omapulo ngoka, onda lombwelwa ndi ye kegumbo, nonda tindi. Otwa pumbwa owala okukala moshigongi ngele tatu komona komutse nokuhakela omake? Omolwashike inaatu pitikwa tu pule aaleli yetu nokukwashilipaleka otaa longo moshili,” okwa ti.
“Ano, onde mu kapula owala (Munango) oshoka okwa li ta gumu ndje kolutu sigo okagala kandje ka gu ko komutse. Nopo nee nde mu yamukula noku mu kapula. Oye shi mpoka handi zi. Inandi tila okumangwa po.”
Okwa ti aanambelewa yoSwapo ohaye ya koMix uuna ku na omahogololo, ihe konima yomahogololo, ohaa kana po nokugaluka owala ngele omahogololo ga landula ko ge ya. “Otatu popi noolye, ngele ihaye ya po mpaka,” Andjene, omukalimo gwomoMix oomvula 24, a pula.
Tate nguka kee na iilonga okwa holola nkene uunona wawo hau mono iihuna okuya koskola.
“Otwa tula po euvathano naaniihauto ya fale uunona wetu koskola, ihe ngele owa ndopa okufuta komaandelo gomwedhi, ohaa tindi okufala uunona woye koskola. Ngaye OmukwaSwapo ndu ukilila, ondi na okakalata okape kuukwashilyo hoka nde ka pewa mo2023, ihe ngashingeyi otandi lombwelwa nandi ye kegumbo oshoka otandi konene iinima yimwe? Aawe, itandi shi zimine shoka.”
Okwa yeleke aanambelewa yongundu nomupambele(omulumentu) he ya a kolwa kegumbo nokwa hala okuuvikiwa mu kehe oshikundathanwa.
Andjene okwa taukile muMuni gwaVenduka, ta ti naa ete omayakulo gokutula oshimaliwa kuukalata womeya popepi. “Otaa vulu wo ku oku tu talela po lumwe momwedhi, opo tu tule ko oshimaliwa kuukalata wetu, peha lyokufuta olefa dhondilondilo. Katu na iilonga.”
Andjene, ngoka a yambukile komukunda Omufito wEelo mOmbalanhu, okwa ti uulonga wanathangwa moMix, ngaashi wokukomba oopate, ohau pewa aantu ya za pondje yolukanda peha lyokukutha aakalimo yaa na iilonga. Kombinga yaangoka ta ka hogolola muNovemba, okwa ti: “ Ehogololo lyandje oshiholekwa shandje.”
Comments
Namibian Sun
No comments have been left on this article