Omukiintu a tindilwa eifutilemo molwa omahepeko nokupika omuAngola goomvula 15

Omukiintu gomimvo 62 omukali mo gomOshikoto ota ku hokololwa olundji a panga omuniilonga iikulya nomulongitha onga omupika megumbo lye.

Selma Daniel (62) okwa li a tindilwa obooloha Omaandaha sho a li a holoka mompangu yamagesrata mOndangwa omolwa ta tamanekelwa a piki omunona omukadhona omuAngola goomvula ntano osho wo okumuningila onyanya.

Daniel okwa taalela iipotha ngaashi okundjondjela aantu moshilongo, okutaaguluka oveta tayi gamene aanona osho wo iipotha oyindji yomahepeko gaanona, okuninga omuntu onyanya nokumulya okapondamusita.

Iilonga mbika yuupika osho wo okuninga omuntu onyanya otaku hokololwa ya ningilwa momukunda Oshiyagaya moshikandjohogololo Onyaanya moshitopolwa Oshikoto.

Ompangu oya nothelwa ko kutya Daniel omunona nguka okwa kala nokumuhepeka okuza pokati komumvo 2025, konima omunona sho ta tameke okulonga megumbo lye onga omukalele.

Nakuninga oshihakanwa ngaashingeyi okuli ta mono epango moshipangelo shepangelo, nolundji okwa li a tindilwa iikulya, a longithwa shandoongi kofola ye oha lala pevi shopeleki shaana omweelo.

Ompangu oya tseyithilwa wo kutya omunona olundji okwa kala nokudhengwa nomupini ye nondjambi ndjoka a li u uvanekelwa ta kala ta pewa komwedhi yooN$500 shi valelwe e yi tye meho.

Omweeti gweehokolola Wisdom Ndakondja ina popila omufekelwa a pewe obooloha molwa omakonakono ngoka gi ipyakidhilwa nago natango sho itashi kala wo muuwanawa wuuyuuki.

Omupanguli Lydia Kambonde okwa ti Daniel na ka patelwe manga mokakuma kopolisi kOkatope noshipotha osha li dha undulilwa komasiku 19 Auguste manga ta ku ningwa omakonakono gogwedhwa po gopolisi ye a mone wo ompito yokumona omukalelipo gopaveta.

Daniel initially indicated she would represent herself but later decided to apply for legal aid after Kambonde cautioned her that, if convicted, the offences carry severe penalties, including a fine of up to N$1 million or a prison sentence of up to 30 years.

Daniel petameko okwa li tati otekiipopila yemwene ihe okwa ka lundulula lwanima kutya ota ka ninga eindilo lyomakwatho gopaveta konima Kambonde a li a mu kumagidha kutya okwa monika ondjo moshipotha shika oshinene, ota ka futithwa oondola dhi thike lwopomiliona yimwe nenge a ye mondholongo uule woomvula omilongo ndatu.

Okwa ti ye oha sile oshimpwiyu aanona aashona nomukuluntu gumwe onkene na pewe ompito yokwiifutila mo. Kambonde okwa ti na tule mo eindilo lyobooloha lyopambelewa.

Ehokololo etilithi

Oshikoya shika osheya puuyelele konima okavido ka li ka taambwathanwa komalungula koFacebook kuJohannes John, taka ulike aanamukunda taa pulaapula nakuninga oshihakanwa ngoka a li i iyaka megumbo lyaDaniel.

Okwa lombwele mboka ya li po kutya megumbo lyomugandji gwiilonga ye okwe yamo pwa pita omvula ngaashingeyi.

“Ohandi longo mepya,” omunona ta ti ngaaka mokavidio, ta gwedha po tati ina mona nale ondjambi ye nkene a tamekele iilonga.

Okwa lombwele aanamukunda ta ti: “ Ohandi longo ndaana oluthuwo, onda hala okushuna kegumbo”.

Okwa gwedha po ta ti: “Onda zi kegumbo ndi ye ndi longe. Aakuluntu yandje oye shi shi kutya onda ka konga iilonga ihe kaye shi onkalo moka ndili.”