Ompangu ya ekelehi etokolo lyaminista mekondjelo lyevi naELCIN mOngediva

Ompangu yopombanda mOvenduka oya li ya dhenge pomutima uuministeli womayambulepo giilando niitopolwa yokuushayi, sho ya tindi eindilo lyawo lyokuindika ongeleki onkwaluuteli moNamibia (Evangelical Lutheran Church in Namibia (ELCIN) yi lande iipambu yomavi itatu mOngwediva.Etokolo ndika olya li lya ningwa mo 2022 pethimbo Erastus Uutoni a li ta kwatele komeho uuministeli mbuka.Etokolo ndyoka lya li lya gandjwa momasiku 17 Apiilil, omupehatokolihapu Reinhard Tötemeyer okwa tokola kutya minista gopethinmbo lyoka okwa li a yi pondje yoonkondo dhoka a pewa sho a li ta kambala okuthiminikila ongeleki moonkundathana osho wo okuhiya ngka e li ompinge nelanditho lyevi moonkundathana odho tuu dhoka.Omananathano oge na sha nomavi goonomola 6230, 6231 osho wo 6232 ngoka taga adhika mOngwediva Extension 2, mpoka ELCIN a kala e na osikola, endiki lyiigongi nongeshefa yegumbo lyaayenda oku za mo-1926.The Ongwediva Town Council had intended to sell the land to the church through a private transaction, but a resident, Raimo Angula, objected.Elelo lyondoolopa yaNgwediva olya li nedhiladhilo lyokulanditha po evi kongeleki meukililo inaa pu ningwa omatseyitho gopaipindi gamangulukila kehegumwe ihe omukalimo gwedhina Raimo Angula okwa li e shi tindi.Angula otati evi ndyoa okwe li thigulula kuhe nongeleki oye li tula molugumbo pwaa na epetikilo.muSeptemba 2022, uuministeli owa li wa taamba ko eindilo lyaAngula okutinda oshinima shika.Ashike, peha lyokuzimina nenge okutinda elanditho lyevi ngaashi tashi uthwa koveta, minista okwa li a gandja elombwelo kuAngula opo a pewe epitikilo a tule mo eindilo lyevi yemwene.Shi na sha nevi mpoka pwa tungwa ongeshefa yoondunda dhaayenda, minista okwa li a gandja elombwelo kongeleki naAngula ya uvathane omanga inaa ya shuna ko kuye.Etokolo lya ekelwahiTötemeyer ota ti minista okwa li a kutha etokolo li li kondje yoonkondo dhiilonga ye.Omutokolihapu okwa fatulula kutya kohi yoveta tayi wilike omalelo giilando yomomumvo 1992, minista oku na ashike omahogololo gatatu uuna kwa ningwa eindilo lyokutinda elanditho lyevi: okuzimina elanditho lyevi, okutinda elanditho lyevi nenge a gandje elombwelo opo evi ndyoka li landithwe po momukalo gwamangulukila kehegumwe.Omutokolihapu okwa ti wo: “ Oveta inayi gandja oonkondo kuminista a pitike ngoka e li ompinge nelanditho lyevi a mone ompito a ninge eindilo lyoshipambu shevi nenge a gandje elombwelo opo mboka ya gumwa koshinima shoka ya ninge euvathanotsokumwe.”Onkene ompangu oya tindi dhoka dha li tadhi popiwa kaakalelipo yopaveta yaminista tayi ti etokolo lye okwa li tali vulu okugandja kupitithwe oteendela, tayi ti wo kutya mombaapila ya minista ina mu longithwa oshitya “oteendela.”Ompangu oya nongele wo kutya minista okwa li a tindi elanditho lyoshipambu shevi shonomola Erf 6230, nonando ka pwa li ngoka e li ompinge nelanditho lyasho.Onkene omutokolihapu okwa tokola kutya minista ke na oonkondo oku yam o olunyala moshinima shoshipambu shevi ndyoka.Molwaashoka minista okwa li a gandja omalombwelo kondje yoveta, go oge li mumwe, ompangu oya ekelehi omatokolo ge agehe.Naku tamekululweOmpangu yopombanda oya gandja wo elombwelo kelelo lyondoolopa yaNgwediva li tamekulula oshinima shika okuza ketameko.Elelo olya pewa omasiku omi-30 okukala lya tula mo etseyitho lyopashigwana noli landule oveta ngaashi naanaa shi na okuningwa.Nonando ELCIN a sindana po oshipotha shika, ompangu inayi gandja elombwelo kuminista a fute iifuta yopaveta yongeleki.Mongaashingeyi, ongeleki otayi tsikile okukala nevi ndyoka omanga oshinima shika tashi tamekululwa.Hahende Appolus Shimakeleni okwa li a kalela po ELCIN.-kenya@nmh-hub.com.na

Ompangu ya ekelehi etokolo lyaminista mekondjelo lyevi naELCIN mOngediva

Comments

Namibian Sun 2026-10-23

Please login to leave a comment

Ompangu ya ekelehi etokolo lyaminista mekondjelo lyevi naELCIN mOngediva

Comments

Namibian Sun 2026-10-23

Please login to leave a comment

Subscription Required to Access Content ×

Subscription Required to Access Content