Omaulikilo giipindi mEenhana ga patuluka pambelewa

Omupesidente Netumbo Nandi-Ndaitwah okwe egulula pambelewa omaulikilo gopaipindi gEenhana mOhangwena mOmaandaha, okwi indile Aanamibia ya taambe ko omadhiladhilo omape, ya yambidhidhidhe aanangeshefa yomoshilongo nokunkondopeka aagundjuka. Omaulikilo ngaka gopaipindi otaga dhanwa lwoshikando oshiti-15.Nandi-Ndaitwah okwa popi nokupandula onkandangala tayi dhanwa komaulikilo gopaipindi sho taga lundulula omahupilo gesiku nesiku, okwa ndhindhilike woo kutya otema yomaulikilo gonuumvo, ‘Okuhumitha komeho omadhiladhilo omape noga yooloka’, otayi ukile ko kOmathaneko goPashigwana Omatihamano ( NDP6) ngoka opo ga tulwa miilonga , notaga dhenge omuthindo kombinga yekeko lyeliko, ekwatele mo lyaayehe nenyatipalo.Omaulikilo ngaka kage shi owala gaantu yopomudhingoloko ashike ogo ompito tayi kwatha okutsakanitha omalalakano owala ongoshilongo,” omupresidente a ti, okwa gwedha po kutya oopelesenda 85% dhaanangeshefa 199 ye li momauliko ngaka oyo aagundjuka, noopelesenda 72 dhaanangeshefa mbaka ohaya longo iilonga yokomake. Omupresidente okwa dhenge omuthindo kesimano lyomaulikilo gopaipindi kutya oingina yokukokeka oongeshefa oonshona nodhopokati noshowo okuhumitha komeho aanangeshefa ya za pondje yoshilongo, okupitila momulandu gwIipindi yaManguluka mEnenevi.Nonande ongawo, okwa ndhindhilike kutya oomwaalu gwaapindiki aakwiilongo ogwa shuna pevi nuumvo nokwi indile aaunganeki ya ninge omahwahwameko neitulomo, opo ya nane aapindiki ya za kiilongo niilongo.Yambidhidha nokunkondopekaMokudhenga omuthindo kenkondopeko lyaagundjuka ongongudhi ya kola yehumokomeho, Nandi-Ndaitwah okwa tseyitha kutya Oshiketha shAagundjuka shoka sha pewa oomiliona N$257 otashi ka tulwa miilonga muAuguste.Aagundjuka otaya vulu okumona oshimaliwa koombaanga kutya oye na sha nenge kaye nasha, oshiketha shika otashi lalakanene opo aagundjuka ye ete po oompito dhiilonga miikondo ngaashi shuunamapya nuuniimuna, shomatalelopo, shuungomba nuunkulungu noshomaudhano.Okwa ti kutya oongoloneya yiitopolwa oye endithwa po nkene oshiketha tashi ka longa noya tegelelwa ya taandeleke etumwalaka ndika nokutotha mo oopoloyeka dhaagundjuka miitopolwa yawo.“Natu longitheni ompito ndjika opo tu kundathaneni nokutseyathana. Omaulikilo giipindi ogo ompito ombwanawa yokwiilonga shoka tashi inyenge momalandithilo nokunawalaleka onakuyiwa yetu paliko,” Nandi-Ndaitwah a ti.Omupresidente okwa longitha olweedhe ndoka opo a tye ko sha kombinga yomaikuthomwenyo ngoka ga vuka noonkondo moNamibia, unenenene moshitopolwa shaHangwena, okwi indile oshigwana shi ikonakone noshi yambidhidhathane. “Otu na epangelo inali hala nande ogumwe ta thigala monima. Natu kale tatu pulakenathana nokusilathana oshimpwiyu,” okwa ti. Opolohalama yi ihwa poSho a taamba aayenda, ngoloneya gwoshitopolwa shaHangwena Kadiva Hamutumwa okwa ti kutya omaulikilo gopaipindi kage shi owala oshinyangadhalwa shokomumvo ashike “ogo endhindhiliko lyuukumwe, lyeyekomeho, netumba lyetu ongoshigwana.“Otatu tyapula oshitalenti shetu, uunangeshefa noonkondo dha nkene omadhiladhilo omape haga lundulula oonkalamwenyo dhaantu,” Hamutumwa a dhenge omuthindo. Hamutumwa okwa pandula eitulomo lyelelo lyondoolopa yEenhana, aayambidhidhi pashimaliwa ngaashi MTC, FNB Namibia nongeshefa yoRani Group of Companies, naayeheyehe mboka ya kwatha opo omaulikilo ngaka ga ningwe. Aangeshefa momauliko giipindi yonuumvo oya za kiilongo ngaashi Tanzania naSouth Africa. Elandulathano lyonuumvo olya tala kiisimanitsa yepangelo lyetu, moka mwa kwatelwa enkondopaleko lyaagundjuka, okupendula po omaudhano, uungomba nuunkulungu nokuhumitha komeho oshikondo shuundjolowele. Iinyangadhalwa yi li mo ongaashi omalongo gomalongithopulongo nomathigathano gomaudhano ngaashi okatanga kokoompadhi, okatanga komokambamba (netball), uudhano wokudhenga oongonyo nokutondoka iinano iile, omaudhano ngaka otaga dhanenwa mOkapale kOmaudhano komEenhana hoka ke li pokupwa.Oshinyangadhalwa oshipe momaulikilo ngaka giipindi osho omaudhelo nethigathano lyokuteleka lyaanangeshefa aashona noyopokati, otashi lalakanene okupa aanangeshefa yiikulya oowino dhokuteleka nodhokungeshefa.Omaulikilo oga hiya woo aahikingalo ya mwenyeke oshituthi nomu na wo ethigathano lyokakadhona dhingi lyoMiss Eenhana Expo 2025, ndjoka tali tyapula omithigululwakalo dhetu, omagano noondunge noshowo ondjelo ombwanawa.Omaulikilo giipindi otaga ka hula mehuliloshiwike.tuyeimo@nmh-hub.com.na

Omaulikilo giipindi mEenhana ga patuluka pambelewa

Comments

Namibian Sun 2025-08-01

Please login to leave a comment

Omaulikilo giipindi mEenhana ga patuluka pambelewa

Comments

Namibian Sun 2025-08-01

Please login to leave a comment

Login