Omatha ga hololwa koACC ka ge na sha nopolitika, Noa ta ti

Omukuluntuwiliki gokakomisi kokukondjitha uulingilingi (ACC) Paulus Noa okwa ti omatulo

miipandeko ga indjipala mo2025 ogena sha nomakonakono gomuule ga ningwa kokakomisi

ngoka ga kwatela mo iipotha iinene ya guma ehangano lya yama kepangelo lyoNamcor,

aakwaSwapo ye shiwike nawa naanambelewa yomalelo giitopolwa inaga etwa molwaashoka epangelo epe lyopapolitika olyo ando tali gandja omulilo omupyu kokakomisi.

Noa okwa totha mo iiyetithi ngaashi omatokolo mbala ga ningwa komupangulindjayi

mekondjitho lyiimbuluma, uumbangi uupe wa monika po miipotha shoka sha shongo opo

okakomisi ka totulule nokweendelela omakonakono ga yooloka.

“Omatha goACC aluhe otaga kala nokwiimonikila uuna pwa monika uumbangi tayu nana

ekatuko lyokantu moshinima. Onkene eindilo lyetu lya shewa koshigwana olyo ndika,

oshigwana shi lopote aluhe omaihumbato ngoka ga nika uulingilingi,” Noa osho a lombwele

Namibian Sun ohela.

“Oshinakugwanithwa shetu ina shi lunduluka. Uuna pu na uumbangi tayu hili tu katuke onkantu,

otatu katuka. Shika osho oshilonga shetu notatu tsikile okutsama omukumo oshigwana shi ye

kutse,” ta ti ngaaka.

Muule woomwedhi 10, okwa dhitikwa ya konda po 20

Pokati komwedhi Februali naNovomba omumvo nguno, ACC okwa tula miipandeko aantu ya

konda pomilongombali ya za miikondo ya yooloka yepangelo nomomapangelo ga yama

kepangelo.

Mu mboka ya mangwa omwa kwatelwa aakuluntuntuwiliki yoNamcor, omuulikwahoogololwa

gongundu yoSwapo koshikandjohogololo Omaruru momahoogololo twa taalela osho wo

omunambelewa omukuluntu gwelelo lyoshitopolwa shaZambezi.

Noa okwa kwashilipaleke kutya okakomisi kokukondjitha uulingilingi oh aka longo

memanguluko nonando oshigwana sha kala nomapopyo kutya omatha ga hololwa kokakomisi

oga tukuluthwa ketokolo lyomupresidente Netumbo Nandi-Ndaitwah ngoka a holola itaa ka

idhidhimika nandenande uulingilingi wa sha.

“Epangelo epe olye tu tsu omukumo opo tu kuthe ko oongaku tse tu longe iilonga yetu nomatha

omape,” ta ti ngaaka.

Noa okwa gwedha po ta ti: “Ongaashi elelo ekulu, elelo epe nalyo ita li popile uulingilingi

naashika osha hwahwameke ACC a longe nuudhiginini megwanithe po lyiilonga ye.”

Uulingilingi onkambadhala yokuumba epangelo koshipundi.

Pethimbo ta tulwa koshipundi muMaalitsa, Nandi-Ndaitwah okwa faathanitha uulingilingi

nonkambadhala yokuumba epangelo koshipundi, ta kunkilile kutya uulingilingi ohayu kunu

euvonayi lyoshigwana shoka ha shi eta evundakano moshilongo.

Lwanima omupilima goshilongo Dr Elijah Ngurare okwe shi koleke wo momutumba

gopashigwana osho wo komalungula kutya oombelewa adhihe uuministili kehe nomahangano

gepangelo inaga idhidhimikila nande omukalo kehe guulingilingi.

MuJuli, Ngurare okwa holola wo kutya Noa okwa li e mu kuthile ko kombinga yomakonaakono

ga yooloka yi ipyakidhilwa nago mwa kwatelwa ngoka goNamcor esiku tuu ndyoka aafekelwa

moshikumungu muka ya li ya tulwa miipandeko.

Iipotha iinene

Moshinkumungu shoNamcor,aantu omugoyi mwa kwatelwa ngoka a li nale omukuluntuwiliki

Immanuel Mulunga, oya li ya holoka mompangu mOvenduka taya fekelelwa uulingilingi kohi

yontotwaveta tayi kondjitha uulingilingi. Yalwe wo ya li ya mangwa po omwa kwatelwa

Cornelius Willemse, Jennifer Hamukwaya, Peter Malakia, Lydia Elindi, Austin Elindi, Olivia

Dunaiski naLeo Nandago.

Petameko lyomvula ACC okwa li wo a dhitike omuniilonga kuuministeli wuunamapya

nuuniimuna Moshikoto Kefas Amutenya moshipotha she futo lyombumbo yooN$300, oshipotha

shoka ta fekelelwa oshikando oshitiyali.

MuFebruali, Anna Nuwuseb, omunambelewa koTobias Hainyeko Primary School, naye wo

okwa li a mangwa po ta fekelelwa a taamba oombombu dhongushu yooN$8 280 omolwa

omataambo gaalongwa mosikola.

Momwedhi omo tuu moka, Richard Geiseb, ngoka a li nale omukuluntusikola koKolin

Foundation Secondary School moArandis, naye wo okwa li a mangwa po molwa ekengelelo,

uufuthi nelikolo lyoshimaliwa inaa li yela. Aanambelewa yopolisi ya tatu Rector Sandema,

Martin Basson naJohannes Anghuwo nayo wo oya li ya yi miipandeko omwedhi ngoka molwa

etaambathano lyoombumbo dhoshimaliwa shi thike poN$25 000.

Kepaya ta ku zi ko ta ku yi

MuAuguste, ACC Okwa tula miipandeko omunambelewa omukuluntu gwelelo lyoshitopolwa

shaZambezi Regina Ndopu-Lubinda, ngoka ta tamanekwa miipotha 59 yi na sha notendela

yoZambezi Waterfront Tourism Park

She appeared alongside Linyanti constituency councillor Ivenne Kabunga and Solo Mutelo, and

all three were granted bail of N$50 000 each.

Mompangu oya li ya holoka pamwe na Ivenne Kabunga ngoka e li kamusela

goshikandjohogololo Linyanti osho wo Solo Mutelo naayehe ya tatu kehegumwe okwa li a pewa

ombooloha yo N$50 000.

MuMei, ACC okwa koleke wo a dhitike oohandimwe shi na sha nuulingilingi mehangano

lyoRoad Authority mOmbaye.

MuOktomba, aanambelewa yane yopolisi yaNamibia- Frans Nakangombe, Errky Nekwaya,

Stephanus Amatundu naGabriel Nduma- oya li wo ya yi miipandeko ta ku fekelwa ya li ya pula

oombumbo kaafekelwa mepingathano lyoomboloha dhawo.