Omaindilo koshiketha shaagundjuka ogu undulilwa komeho
Elizabeth KheibesOvenduka
Uuministeli wIimaliwa owu undulila komeho esiku lyahugunina lyokuninga omaindilo gokupewa omakwatho okuza mOshiketha shOkukwatha Aagundjuka, komasiku 4 Septemba, sha landula omakemo goshigwna kutya ethimbo lyokuninga omaindilo efupi noonkondo notali ka patela kondje aagundjuka oyendji. Momukanda gwa pithithwa mEtitano, uuministeli owa koleke kutya omaindilo gopethimbo lyomalelo goshinyangadhalwa shika otaga umbwa (tulwa) poombelewa dhoongoloneya yiitopolwa. Shampa oshinyangadhalwa shika sha patululwa pambelewa muSeptemba, omaindilo otaga ka tumwa koombanga nokomahangano haga gandja omikulu ngaashi ombaanga yoDevelopment Bank of Namibia (DBN), Ombaanga yUunamapya (Agribank) noshowo kEhangano lyoEnvironmental Investment Fund (EIF).
Ngoloneya gwoshitopolwa shaKhomas Sam Nujoma okwa lombwele oshikundaneki shoNamibian Sun mOmaandaha kutya ethimbo olya lelepekwa nelalakano lyokukwashilipaleka kutya aagundjuka aayehe otaya mono ompito ya gwana. “Otwa hala owala aagundjuka ya mone ethimbo lya gwana,” okwa ti.
“Ngashingeyi otatu ningi omalolelo. Osha simana okundhindhilika kutya esiku eti-4 lyaSeptemba, halyo owala ya kala ya tula komwenyo, naya udhe kuyele” okwa gwedha po.
“Mongashingeyi, omugundjuka kehe na ninge eindilo koombelewa dhoongoloneya, ashike konima yomalelo ngaaka, otatu ka tsikila nasho. Onkene aagundjuka mboka inaya pyakudhukwa okuninga omaindilo ngashingeyi oye na ompito yokuninga omaindilo moomwedhi tadhi ya nenge momvula tayi ya.”
Nujoma okwa gwedha po kutya ombelewa ye oye tota po epandja lyopaungomba, odokumende molupe lwofooloma noshowo ongodhi (SMS line) hoka taku tuminwa omatumwalaka opo aagundjuka ya mone omauyelele nokupula omapulo ngoka ye na, shika otashi ningwa nelalakano opo ku kwashilipaleke kutya aagundjuka ayehe otaya mono ompito yokuudhitha nokuninga omaindilo gawo.
“Oto vulu okulongitha epandja ndika shaampoka wu li, ngaashi naanaa wa tumine ndje nokupula ndje omapulo goye,” okwa ti. Oshiketha shika shaagundjuka, osha ziminwa kOkabinete petameko lyomvula, nosha li sha popiwa tango muApilili kominista yiimaliwa Ericah Shafudah ongonkambadhala yokushonopeka ondjele yokwaa na iilonga mokati kaagundjuka ndjoka yi li poopelesenda 44.5%. Omautho otaga ti, oongeshefa ndhoka opo tadhi totwa otadhi vulu okuninga omaindilo dhi pewe oshimaliwa shokuza poN$60 000 sigo N$200 000, kombinga yoongeshefa oonkulu nadho otadhi mono omakwatho opo dhi tamunuke mo.
Okabinete oka ti omakwatho gi ili nogi otaga ka gandja ngaashi oshimaliwa itaashi shunwa ko, omikuli nomakwatho nomayambidhidho galwe gopangeshefa okukwashilipaleka kutya oongeshefa dhaagundjuka otadhi koko.
Iiyimbi omainda
Nonande ewawa lyaagundjuka lyoLandless People’s Movement (LPM) olya nyanyukilwa oshinyangadhalwa shika, otali londodha oshigwana kutya ethimbo ndyoka efupi lya gandjwa otali vulu okundopeka omalalakano goshinyangadhalwa shika.
Omukuluntu gwewawa lyaagundjuka mongundu yoLPM Duminga Ndala okwa ti oshimaliwa sha gandjwa shoomilona N$257 “osho onkambadhala ye ya pethimbo noya pumbiwa lela” mokushonopeka omwaalu gwaagundjuka mboka yaa na iilonga, okukandula po oluhepo nokwaahathikepamwe.
“Oshinyangadhalwa shika otashi endele pamwe nondungethaneko yetu mombwalangandjo, unene ndjoka yOmathaneko gOpaliko ga nuninwa Aagundjuka,” okwa ti. “Oshinenenima shOmathaneko gOpaliko ga guma Aagundjuka otashi lalakanene okutota po Oshiketha shOmapendulopo gAagundjuka tashi lalakenene okukandula po omashongo gopatatu: okwaa na iilonga, oluhepo nokwaahathikepamwe hoka taku hepeke aagundjuka yetu monena.”
Ndala okwa ti kutya ethimbo efupi ndjoka lya gandjwa otali vulu okutongola ko yamwe nokuhupitha ko oyendji.
“Ethimbo efupi ndjoka lya gandjwa otali vulu okukala oshiimbi tashi patele kondje aagundjuka oyendji notashi ulike endopo lyomulandu gwepangelo, ekwatho ndjoka ando li na okuya nkondopeka,” okwa ti.
Uuministeli wIimaliwa owu undulila komeho esiku lyahugunina lyokuninga omaindilo gokupewa omakwatho okuza mOshiketha shOkukwatha Aagundjuka, komasiku 4 Septemba, sha landula omakemo goshigwna kutya ethimbo lyokuninga omaindilo efupi noonkondo notali ka patela kondje aagundjuka oyendji. Momukanda gwa pithithwa mEtitano, uuministeli owa koleke kutya omaindilo gopethimbo lyomalelo goshinyangadhalwa shika otaga umbwa (tulwa) poombelewa dhoongoloneya yiitopolwa. Shampa oshinyangadhalwa shika sha patululwa pambelewa muSeptemba, omaindilo otaga ka tumwa koombanga nokomahangano haga gandja omikulu ngaashi ombaanga yoDevelopment Bank of Namibia (DBN), Ombaanga yUunamapya (Agribank) noshowo kEhangano lyoEnvironmental Investment Fund (EIF).
Ngoloneya gwoshitopolwa shaKhomas Sam Nujoma okwa lombwele oshikundaneki shoNamibian Sun mOmaandaha kutya ethimbo olya lelepekwa nelalakano lyokukwashilipaleka kutya aagundjuka aayehe otaya mono ompito ya gwana. “Otwa hala owala aagundjuka ya mone ethimbo lya gwana,” okwa ti.
“Ngashingeyi otatu ningi omalolelo. Osha simana okundhindhilika kutya esiku eti-4 lyaSeptemba, halyo owala ya kala ya tula komwenyo, naya udhe kuyele” okwa gwedha po.
“Mongashingeyi, omugundjuka kehe na ninge eindilo koombelewa dhoongoloneya, ashike konima yomalelo ngaaka, otatu ka tsikila nasho. Onkene aagundjuka mboka inaya pyakudhukwa okuninga omaindilo ngashingeyi oye na ompito yokuninga omaindilo moomwedhi tadhi ya nenge momvula tayi ya.”
Nujoma okwa gwedha po kutya ombelewa ye oye tota po epandja lyopaungomba, odokumende molupe lwofooloma noshowo ongodhi (SMS line) hoka taku tuminwa omatumwalaka opo aagundjuka ya mone omauyelele nokupula omapulo ngoka ye na, shika otashi ningwa nelalakano opo ku kwashilipaleke kutya aagundjuka ayehe otaya mono ompito yokuudhitha nokuninga omaindilo gawo.
“Oto vulu okulongitha epandja ndika shaampoka wu li, ngaashi naanaa wa tumine ndje nokupula ndje omapulo goye,” okwa ti. Oshiketha shika shaagundjuka, osha ziminwa kOkabinete petameko lyomvula, nosha li sha popiwa tango muApilili kominista yiimaliwa Ericah Shafudah ongonkambadhala yokushonopeka ondjele yokwaa na iilonga mokati kaagundjuka ndjoka yi li poopelesenda 44.5%. Omautho otaga ti, oongeshefa ndhoka opo tadhi totwa otadhi vulu okuninga omaindilo dhi pewe oshimaliwa shokuza poN$60 000 sigo N$200 000, kombinga yoongeshefa oonkulu nadho otadhi mono omakwatho opo dhi tamunuke mo.
Okabinete oka ti omakwatho gi ili nogi otaga ka gandja ngaashi oshimaliwa itaashi shunwa ko, omikuli nomakwatho nomayambidhidho galwe gopangeshefa okukwashilipaleka kutya oongeshefa dhaagundjuka otadhi koko.
Iiyimbi omainda
Nonande ewawa lyaagundjuka lyoLandless People’s Movement (LPM) olya nyanyukilwa oshinyangadhalwa shika, otali londodha oshigwana kutya ethimbo ndyoka efupi lya gandjwa otali vulu okundopeka omalalakano goshinyangadhalwa shika.
Omukuluntu gwewawa lyaagundjuka mongundu yoLPM Duminga Ndala okwa ti oshimaliwa sha gandjwa shoomilona N$257 “osho onkambadhala ye ya pethimbo noya pumbiwa lela” mokushonopeka omwaalu gwaagundjuka mboka yaa na iilonga, okukandula po oluhepo nokwaahathikepamwe.
“Oshinyangadhalwa shika otashi endele pamwe nondungethaneko yetu mombwalangandjo, unene ndjoka yOmathaneko gOpaliko ga nuninwa Aagundjuka,” okwa ti. “Oshinenenima shOmathaneko gOpaliko ga guma Aagundjuka otashi lalakanene okutota po Oshiketha shOmapendulopo gAagundjuka tashi lalakenene okukandula po omashongo gopatatu: okwaa na iilonga, oluhepo nokwaahathikepamwe hoka taku hepeke aagundjuka yetu monena.”
Ndala okwa ti kutya ethimbo efupi ndjoka lya gandjwa otali vulu okutongola ko yamwe nokuhupitha ko oyendji.
“Ethimbo efupi ndjoka lya gandjwa otali vulu okukala oshiimbi tashi patele kondje aagundjuka oyendji notashi ulike endopo lyomulandu gwepangelo, ekwatho ndjoka ando li na okuya nkondopeka,” okwa ti.
Comments
Namibian Sun
No comments have been left on this article