Okongo otayi ka yugululako omavi kwaamboka itaa ye ga longitha

Elelo lyependulwapohala mOkongo olya tulilapo esiku lyahugunina aakalimo yalyo mboka ya kala momahala inaa ga yapulwapo uule womimvo odhindji noye na oondjo ondhindji dhelelo.Nomalalakano goonkambadhala dhokuyambulapo eliko nokukokeka ondoolopa, elelo olya tseyitha lya gwedhele ko komasiku ga li ga tulwa po ga tulilwa po mboka ye na omavi inaa ye ga lala nogendja oondjo dhoshimaliwa shooN$20 000 okuu ka pombanda.Tango tango opwa li pwa tulwa esiku lyotango lyaApiilili onga esiku lya hugunina ihe lwa nima olya ka lundululilwa ku 1 Mei konima yoonkundathana dha ningwa naanageshefa yomoshitopolwa osho wo aakalimo ya gumwa koshinima shika.Ondoolopa ya tinda okukokaUule woomvula ne,omayambulwapohala mOkongo Proper, Extension 1, osho wo Extension 2 oga kala ina ga yambulwa po omolwa ooyene yomavi yaa wetike.Elelo olya holola omaipulo omanene kombinga yomavi ga yambulwa po noga pewa aantu ihe oga ninga oomvula dha konda pomulongo inaa ga tungwa.Omunambelewa omukuluntu melelo lyaKongo Jacson Muma okwa tsu omuthindo ta ti okukala nevi itaa li longithwa otashi imbi ondoolopa yaa ye komeho.Okwa ti: “ Onkalo ndjika oya guma nayi unene ekoko nekumokomeho mOkongo, tayi kambeke ondoolopa yi mone oompito oombwanawa dhokulikola oshimaliwa, okukala niinyangadhalwa yopaliko yi li pamuthika osho wo eyambulepo nenenepaleko lyiikamatungo.”Oshili oshilimbiliki unene kwaamboka ya kwatela po ashike omavi yo itaa ye ga longitha sha.Omanga omavi ge li owala owala, Aanamibia oyendji onkene ye li molukongo olunene lwokukonga omavi gomalukalwa nenge okutula po oongeshefa.Mongaashiingeyi elelo li na omusholondondo gomaindilo gomavi gomagumbo ge li 1 302 nogomavi goongeshega ge li 450 ga tega okuyamukulwa.Okukuthako omavi kwaamboka ye na oondjo, elelo ota li keg a gandja kwaamboka ya pyakudhukwa okutunga omahala gawo shoka tashi ka kwathela okuyambula po eliko lyondoolopa.Kakele ashike kokuyugululako omavi kwaamboka ye na oondjo, elelo ota li indile wo ooyene yomavi miitopolwa ya thanekwa ya konge omikanda dhuumwne womavi gawo.Okuthitha evi ota ku ka hulithwa po.Aakalimo otaya indilwa ya ane okufuta omavi gawo yo ya mone omikanda dhuumwene wevi opo ya vule okukala ye na iinima yayela noyili megameno.Elelo ta li dhimbulukitha wo aakalimo kutya okufuta iifuta yelelo lyondoolopa kasha shi ashike okwiikeelela koondjo ndele otashi kwathele wo elelo li gandja omaakulo kaakalimo yalyo.Iimaliwa elelo hai mono ohayi longithwa mokulonga nokukaleka ominino monkalo ombwanawa, okulonga oopate osho wo okwaandjaganeka olusheno.Nonando ompumbwe yomagumbo ya londa pombanda, Okongo oyi na aakalimo ye li 35 000 moshikandjohogololo.Elelo ota li hiya aapindiki moongeshefa nomomaakulo ngaashi egandjo lyongushu kiilongomwa yuunamapya nuuniimuna, iipangelo yopaumwene osho wo iiputudhilo yopombanda.Mboka ye na ohokwe muunamapya nuuniimuna, okwa longekidhwa oopolota omi-30 dhanuninwa uunafaalama tau kala mondoolopa. kenya@nmh-hub.com.na

Okongo otayi ka yugululako omavi kwaamboka itaa ye ga longitha

Comments

Namibian Sun 2026-10-23

Please login to leave a comment

Okongo otayi ka yugululako omavi kwaamboka itaa ye ga longitha

Comments

Namibian Sun 2026-10-23

Please login to leave a comment

Subscription Required to Access Content ×

Subscription Required to Access Content