Okanona ka pulumutha poomvula 13
Omulumentu ngoka a tulwa miipandeko
Okanona kokakadhona hoka ngashiingeyi ka ningi omuvali, oka hokolola nkene ka pewa etegelelo komulithi gwiimuna ngoka e ka vule noomvula hamano shoka paveta yaNamibia shi li ekwatonkonga.
Ndamona (ndyoka kali shi edhina lye lyoshili) a tseyika nedhina KaChokola ina aluka natango konima nkene a pulumutha okanona kokamati hoka ka valwa inaka adha moshipangelo shaShikuku moshitopolwa shaMusati.
Okuli omuholi gwaLady May na opo pwa za edhina lye ndyoka.
He yokanona hoka oSteven Nghishidimbwa Barnabas (18), ngoka a tulwa miipandeko konima sho Ndamona a pulumutha, ihe okwa tindi kutya oye he yokanona onkene opolisi okwa tegelelwa yi ninge omakonaakono goDNA okumona ekwathano lye nokanona.
Nonando ongaaka, Ndamona okwa popi kutya oya li mekwatathano, naBarnabas omumati gwe.
Ndamona aniwa okwa pula aanambelewa yezulonkalo ye mu mangulule okuza mondjeedhililo. MoNamibia oshi li ekwatonkonga ngele omuntu okwa yi miihulo nomuntu gwoomvula dhili kohi yo 16. Ngele okwa monika ondjo, omuntu ota pewa egeelo lyokufuta oshimaliwa sha thika pooN$40 000 nenge okukala modholongo uule woomvula 10.
Omunambelewa gwezulonkalo okuza kuuministelu wuuthikepamwe okwa lopota oshipotha shoka kopolisi, konima shoNdamona a pulumutha naapangi oya dhidhilike kutya oku na owala oomvula 13.
Barnabas oku li mondjeedhililo okuza nkene a tulwa miipandeko na okwa tindilwa omboloha na okwa tegelelwa a holoke mompangu momasiku 24 gaApilili.
Komanda gwopolisi yaMusati, Ismael Basson okwa popi kutya Barnabas okwa kala nokukwata Ndamona onkonga konima sho a kala te mu ithana kegumbo lyaandjawo.
Okwa ningi etegelelo na okwa pulumutha momasiku 7 gaNovemba omvula ya piti.
Ekalata lye lyomathulo olya holola kutya okwa li e na okupulumutha momasiku 9 gaDecemba.
Ehokololo lye
Ndamona okwa shanga ekonaakono omanga eli metegelelo na okwa piti niitsa iiwanawa. Momwedhi Apilili gwomvula yo 2022 okwa li omutihetatu momusholondondo gwaamnoka ya piti nawa mongulu yawo. Okwa piti omuti 12 ondondo onti 6 muDecemba.
Ngashiingeyi otiilongele okuza megumbo ondondo ye onti heyali, na otaka shuna koskola uuna a zi mefudho lyokupulumutha muApilili.
Ndamona okwa li ta mu omboga mepya lyaandjawo mOkapya mOshikuku sho oshifokundaneki shoNamibian Sun sha yi kaandjawo. Aatekuli oye oya adhika opo taya galuka kopolisi hoka yali ya ka gandja omahokololo gawo shi na sha noshipotha shoka.
Yina yaNdamona okwa hulitha omanga a li e na owala oomvula mbali nokuthiga Ndamona pamwe nomumwayinamati mesiloshisho lyahekulu. He ke na iilonga na oha nyangadhala owala.
“Okwe ya kutse sho a li owala e na omvula nomweedhi hamano, onkene kutse otse yina nahe,” yinakulu a yelitha.
Ndamona ohiithana yinakulu “meme” nenge “kuku.”
Ndamona okwa popi kutya oya tsakanene naBarnabas paandjawo sho a li he ya okutalelapo mumwayinamati ngoka e na oomvula 14.
“Okwa kutha ndje onomola yandje yongodhi na okwa kala ha tumunindje omatumwalaka, na onde mu yamukula,” Ndamona a hokolola. Ndamona oku na okangodhi okashona hoka aatekuli ye ye mu pe ya ningila ngaa uuna pe na uupyakadhi.
Okwa popi kutya oya yi mekwatathano na okwa tameke te mu hiya okuka lala kaandjawo nopethimbo ndyoka okwa e na oomvula 11 omanga omumati a li e na oomvula 17.
“Okwa kala ha hiyandje ndi ye kaandjawo. Okwa kala ha pulandje ndi hulemo iikutu,” Ndamona a popi.
Okwa popi kutya konima sho ya yi miihulo oshikando shotango, Barnabas okwe mu lombwele opo kaa lombwele omuntu nekwatathano lyawo olya tsikile.
“Onda kala handi iyakele megumbo lyaandjawo uusiku uule woomwedhi naatekuli yandje inaya mona po sha. Ohandi yi uusiku sho yaka lala ngame tandi galuka ongula onene potundi 5,” Ndamona a tsikile.
Ndamona okwa popi kutya okwa dhidhilike kutya okwa ninga etegelelo sho ina mona omathimbo ge momwedhi Apilili.
“Inandi lombwela omuntu. Onda mwena owala. Okupopya oshili inandi kala tandi ipula unene molwaashoka ondi shi shi kutya otashi vulika nda ningi etegelelo, kanda li ndi shi shi nawa na kandali ndi na shoka nduuvite. Onda dhilaadhila kutya aatekuli yandje otaye ke shi mona uuna etegelelo lya tameke okuulika.
Yinakulu okwa dhimbulula kutya oku li metegelelo poomwedhi hamano.
“Osha li ongula yimwe tiilongekidha okuya koskola. Onda li nda kumwa, onde mupula kutya ‘Ndamona, owu na etegelelo kanona kandje’. Okwa komona komutse, ta zimine.”
Yinakulu yaNdamona okwa popi kutya okwe mu lombwela kutya ota ningi etegelelo ngele okwa yi miihulo.
“Etegelelo lye olye tu halutha. Ye e na omumati oshali oshinima sha hugunina momadhilaadhilo getu. Otwe mu fala koshipangelo a ye komathulo na otwe mu hungu omwenyo a dhilaadhile onakuyiwa ye. Shoka sha ningwa oshaningwa, katu na we nkene.”
Okwa popi kutya sho ya dhihdilike kutya Ndamona oku na etegelelo inaya dhilaadhila onkonga oya tumu ngaashi hashi ningwa pamuthigululwakalo, opo ofamili yomumati yi ka lombwele.
Omumati ngoka okwiipatana etegelelo nayina okwa lombwele yinakulu yaNdamona okupitila momuntu ngoka a li a tumwa opo a ka konge he yokanona ke.
“Otwa pandula molwa omutekulu gwetu. Otandi kala tandi musile oshisho ngele yina a tameke okuya koskola. Okwa li a yi oshiwike shotango opo a ka tale iilongwa ye iipe nokupewa omambo opo iilonge manga pegumbo sho e li mefudho lyokupulumutha.”
Ndamona okwa popi kutya okwa hala okuninga omulongiskola gwoshilongwa shuushitwe nomwaashoka okuhole uushitwe.
“Onda pandula kuku molwaashoka ina ekeleshindje. Andola onda pulakene komalongo ge andola kape na shoka sha holokapo sholudhi nduka.”
Ndamona ke na omahini naJoseph okwa kala ta pewa omahini gomoondooha okuza pevalo, naashoka otashi hepeke pashimaliwa aatekuli ye mboka haya kwata owala openzela.
Ndamona oku na woo ompumbwe ngaashi iikutu yuutalala yokanona ke, nominambo.
Okuli omuholi gwaLady May na opo pwa za edhina lye ndyoka.
He yokanona hoka oSteven Nghishidimbwa Barnabas (18), ngoka a tulwa miipandeko konima sho Ndamona a pulumutha, ihe okwa tindi kutya oye he yokanona onkene opolisi okwa tegelelwa yi ninge omakonaakono goDNA okumona ekwathano lye nokanona.
Nonando ongaaka, Ndamona okwa popi kutya oya li mekwatathano, naBarnabas omumati gwe.
Ndamona aniwa okwa pula aanambelewa yezulonkalo ye mu mangulule okuza mondjeedhililo. MoNamibia oshi li ekwatonkonga ngele omuntu okwa yi miihulo nomuntu gwoomvula dhili kohi yo 16. Ngele okwa monika ondjo, omuntu ota pewa egeelo lyokufuta oshimaliwa sha thika pooN$40 000 nenge okukala modholongo uule woomvula 10.
Omunambelewa gwezulonkalo okuza kuuministelu wuuthikepamwe okwa lopota oshipotha shoka kopolisi, konima shoNdamona a pulumutha naapangi oya dhidhilike kutya oku na owala oomvula 13.
Barnabas oku li mondjeedhililo okuza nkene a tulwa miipandeko na okwa tindilwa omboloha na okwa tegelelwa a holoke mompangu momasiku 24 gaApilili.
Komanda gwopolisi yaMusati, Ismael Basson okwa popi kutya Barnabas okwa kala nokukwata Ndamona onkonga konima sho a kala te mu ithana kegumbo lyaandjawo.
Okwa ningi etegelelo na okwa pulumutha momasiku 7 gaNovemba omvula ya piti.
Ekalata lye lyomathulo olya holola kutya okwa li e na okupulumutha momasiku 9 gaDecemba.
Ehokololo lye
Ndamona okwa shanga ekonaakono omanga eli metegelelo na okwa piti niitsa iiwanawa. Momwedhi Apilili gwomvula yo 2022 okwa li omutihetatu momusholondondo gwaamnoka ya piti nawa mongulu yawo. Okwa piti omuti 12 ondondo onti 6 muDecemba.
Ngashiingeyi otiilongele okuza megumbo ondondo ye onti heyali, na otaka shuna koskola uuna a zi mefudho lyokupulumutha muApilili.
Ndamona okwa li ta mu omboga mepya lyaandjawo mOkapya mOshikuku sho oshifokundaneki shoNamibian Sun sha yi kaandjawo. Aatekuli oye oya adhika opo taya galuka kopolisi hoka yali ya ka gandja omahokololo gawo shi na sha noshipotha shoka.
Yina yaNdamona okwa hulitha omanga a li e na owala oomvula mbali nokuthiga Ndamona pamwe nomumwayinamati mesiloshisho lyahekulu. He ke na iilonga na oha nyangadhala owala.
“Okwe ya kutse sho a li owala e na omvula nomweedhi hamano, onkene kutse otse yina nahe,” yinakulu a yelitha.
Ndamona ohiithana yinakulu “meme” nenge “kuku.”
Ndamona okwa popi kutya oya tsakanene naBarnabas paandjawo sho a li he ya okutalelapo mumwayinamati ngoka e na oomvula 14.
“Okwa kutha ndje onomola yandje yongodhi na okwa kala ha tumunindje omatumwalaka, na onde mu yamukula,” Ndamona a hokolola. Ndamona oku na okangodhi okashona hoka aatekuli ye ye mu pe ya ningila ngaa uuna pe na uupyakadhi.
Okwa popi kutya oya yi mekwatathano na okwa tameke te mu hiya okuka lala kaandjawo nopethimbo ndyoka okwa e na oomvula 11 omanga omumati a li e na oomvula 17.
“Okwa kala ha hiyandje ndi ye kaandjawo. Okwa kala ha pulandje ndi hulemo iikutu,” Ndamona a popi.
Okwa popi kutya konima sho ya yi miihulo oshikando shotango, Barnabas okwe mu lombwele opo kaa lombwele omuntu nekwatathano lyawo olya tsikile.
“Onda kala handi iyakele megumbo lyaandjawo uusiku uule woomwedhi naatekuli yandje inaya mona po sha. Ohandi yi uusiku sho yaka lala ngame tandi galuka ongula onene potundi 5,” Ndamona a tsikile.
Ndamona okwa popi kutya okwa dhidhilike kutya okwa ninga etegelelo sho ina mona omathimbo ge momwedhi Apilili.
“Inandi lombwela omuntu. Onda mwena owala. Okupopya oshili inandi kala tandi ipula unene molwaashoka ondi shi shi kutya otashi vulika nda ningi etegelelo, kanda li ndi shi shi nawa na kandali ndi na shoka nduuvite. Onda dhilaadhila kutya aatekuli yandje otaye ke shi mona uuna etegelelo lya tameke okuulika.
Yinakulu okwa dhimbulula kutya oku li metegelelo poomwedhi hamano.
“Osha li ongula yimwe tiilongekidha okuya koskola. Onda li nda kumwa, onde mupula kutya ‘Ndamona, owu na etegelelo kanona kandje’. Okwa komona komutse, ta zimine.”
Yinakulu yaNdamona okwa popi kutya okwe mu lombwela kutya ota ningi etegelelo ngele okwa yi miihulo.
“Etegelelo lye olye tu halutha. Ye e na omumati oshali oshinima sha hugunina momadhilaadhilo getu. Otwe mu fala koshipangelo a ye komathulo na otwe mu hungu omwenyo a dhilaadhile onakuyiwa ye. Shoka sha ningwa oshaningwa, katu na we nkene.”
Okwa popi kutya sho ya dhihdilike kutya Ndamona oku na etegelelo inaya dhilaadhila onkonga oya tumu ngaashi hashi ningwa pamuthigululwakalo, opo ofamili yomumati yi ka lombwele.
Omumati ngoka okwiipatana etegelelo nayina okwa lombwele yinakulu yaNdamona okupitila momuntu ngoka a li a tumwa opo a ka konge he yokanona ke.
“Otwa pandula molwa omutekulu gwetu. Otandi kala tandi musile oshisho ngele yina a tameke okuya koskola. Okwa li a yi oshiwike shotango opo a ka tale iilongwa ye iipe nokupewa omambo opo iilonge manga pegumbo sho e li mefudho lyokupulumutha.”
Ndamona okwa popi kutya okwa hala okuninga omulongiskola gwoshilongwa shuushitwe nomwaashoka okuhole uushitwe.
“Onda pandula kuku molwaashoka ina ekeleshindje. Andola onda pulakene komalongo ge andola kape na shoka sha holokapo sholudhi nduka.”
Ndamona ke na omahini naJoseph okwa kala ta pewa omahini gomoondooha okuza pevalo, naashoka otashi hepeke pashimaliwa aatekuli ye mboka haya kwata owala openzela.
Ndamona oku na woo ompumbwe ngaashi iikutu yuutalala yokanona ke, nominambo.
Comments
Namibian Sun
No comments have been left on this article