Okanona ka kanene koRundu, omumati a adhika koArandis

Okunyengwa okwiinyolitha moshiputudhilo shoNIMT omolwa uuthemba woshilongo owe etitha omumati omugundjuka a tsakanene naakwanezimo lye – konima yoomvula 15 sho a kwatelwe po ombambyona sho a li e na oomvula ntano.Steven Shavuka Thandakhona, a tseyika nedhina Kandjimi Joseph Ndjii moArandis, okwa kanene mo2010 manga ya li taya litha nomukwanambwiyu omukwawo gwomukadhona momukunda Mile 20 moshitopolwa shaKavango Uuzilo. Aakwana mbaka oya kanathana nomumwayinamati omukuluntu pethimbo ya li tya litha ayehe yatatu. Sho aantu ya yi molukongo lwawo, oya mono owala omukwana gwomukadhona, omanga Thandakhona a kala kee wetike – sigo omoshiwike shika, shi ikolela kaakwanezimo ye yopanyama. Moshinyolwa shika, omumati omugundjuka – ngoka aakwanezimo ye yi itaala oye omupambele gwawo ngoka a kanene – otatu ke mu ithana nofani ye ndjoka ha longitha ngashingeyi, Ndjii, sigo uuyelele tau gwana po.Aakwanezimo ye, otaya nyengwa okuhokolola nkene a yi koArandis, hoka ha zi anuwa natate gwe.Aakwanezimo lye ya pepelelwa oya lombwele iikundaneki oshiwike shika kutya omulumentu ngoka a yi nokamwanamati ita vulu okukala he yokanona, oshoka he yokanona haka omo a li molukongo lwako sho ka kanene. He yokanona omo e li natango momwenyo noku li omukalimo gwomoKavango Uuzilo.Omulumentu ngoka anuwa a yi nokamatyona haka koArandis okwa li ha hiila pegumbo limwe mondoolopa moka. Limwe lyomomasiku, okwi indile ooyene yehala mpoka ha zi opo ya takamithe nokukala po nokanona haka manga ye tayi koosa dhi li koRundu. Kakele, omulumentu nguka ina galuka we, naashika anuwa osha thiminike ooyene yehala ya kuthe po nokuputudha okanona haka.Omapulo natango otaga pulwa ngele ooyene yehala oya ningile tuu oonkambadhala ya lopotele opolisi oshinima shika, opo aakwanezimo yokamati haka ya kongwe. Natango aantu oya limbililwa kehokololo ndjoka tali popiwa kooyene yehala kutya kaye na uuyelele kombinga yomulumentu ngoka a li ha hiila paandjawo.A monikaPomathimbo mpaka, omukulukadhi gumwe manga ta kambadhala okutaambitha okamwana moshiputudhilo shaNIMT ngoka woo e na aapambele ye moshitopolwa shaKavango Uuzilo, okwa nongele omumati ngoka inaa vulu okwiinyolitha moskola oshoka ke na uuthemba woshilongo. Okwa hokololwa kutya omwiilongi nguka a hala okwiilonga okwa yambukile koKavango Uuzilo ashike ke shi aakwanezimo ye oshowo nokutya okwa yambukile naanaa peni.Nonkumwe, omukulukadhi nguka okwa andjaganeke ehokololo ndika lyomumati e li tumu kongundu yokoWhatsApp yAakavango mboka ya kala moArandis. Efano lye olya andjagana, sigo lya monika woo kaakwanezimo ye, mboka mbalambala ya dhimbulula kutya okwa faathana unene nomukwanambwiyu omukwawo gwomukadhona."Efano onde li ulikilwa komumati ngoka a ti, &#039;Okanona hano kake shi aakuluntu ya ko. Oka kana, nokatu shi mpoka aakwawo ya kala,’" Elizabeth Mandaha (54), ngoka i itaala kutya oye yina yokanona hoka nonande a tegelela iizemo yomakonakono gopambinzi, okwa lombwele Namibian Sun oshiwike shika. "Mokumona efano ndjoka, ondi ipula, &#039;Okanona hano okalye ka fa kandje?&#039; Aanegumbo lye nayo woo oye shi koleke," Mandaha a hokolola.A tokola okuyelelwa, Mandaha pamwe nokamwanakadhona oya kwatathana nomuntu ngoka a andjaganekele tango efano ndjoka. "Omumwandjekadhona okwe ya dhengele nokwe ya lombwele kutya omuntu ngono e li mefano okwa fa omumwayinamati, ngoka a kanene," okwa ti.Shi ikolela ku Mandaha, omuntu ngoka ya dhengele okwa koleke kutya okamati Okakavango, ka valwa mo2005, noka kala moArandis okuza mo2010. "Ondi ipopile, &#039;Tangi, Kalunga kandje.&#039; Hano okamwandje handa kala nokukonga. Okwa valwa mo2005 nokwa kana mo2010. Omukwanambwiyu woo," okwa ti.Omukulukadhi oye tuu ngoka lwanima okwa ka tuma efano ekwawo, nomefano ndika omumati gwandje okwa li a thikama nayina ngoka e mu putudha. "Naashoka osho ashike nda li nda pumbwa opo ndi ze momalimbililo. Okanona ta ka popiwa okandje," Mandaha a gwedha poEsiku lya landula pethimbo lyongula, Mandaha nofamili ye oya yi koshitaasi shOpolisi shaNdama moRundu. "Onda hokololele aapolisi kombinga yehokololo lyomumwandje a kana. Oye tu lombwele tu ye koshitaasi oshinene shopolisi nokelelo lyondoolopa opo tu ka kwathele ishewe."A kanaMandaha okwa dhimbulukwa nkene okamwanamati ka kana mu Apilili 2010. "Esiku ndjoka, aakwana yandje oya zile mo megumbo nomumwayinamati omukuluntu ya ka lithile. Oya kanathana nomumwayinamati, ngoka a kambadhala okuya konga sho a landula oompadhi dhawo ihe ine ya mona. Okwa galukile kegumbo noku tu tseyithila shoka sha ningwa po."Otwa yi molukongo notwa mono owala okakadhona ketu. Otwa tsikile okukonga okamati ketu, twa kongo sigo oko Dirtig, oshinano shookilometa 30 okuza moRundu, noko twa lala hoka. Hugunina, otwa tseyithile opolisi, ihe nayo oya hulile muunyengwi. Oye tu lombwele kutya oya li molukongo lela noya ti natu shi ethele miikaha yaKalunga."Klaus Kammbinda, omupambele gwaMandaha, okwa fatulula nkene ya mono uuyelele womumati ngoka yi itaala kutya omukwanezimo gwawo ngoka a kanene. "Memegona tango okwa mono omumati nguka sho a li e li moshiputudhilo shoNIMT ta taambitha omwana. Okwa koneke omumati ngoka inaa vulu okwiinyolitha oshoka ke na uuthemba woshilongo mboka ta pulwa."Nopo ihe ehokololo lyokamati olya tameke okuya okawi nokawi koWhatsApp."Sho twa dhengele ofamili ndjoka ye mu putudha moArandis, oye tu lombwele nkene e ya puyo. Anuwa tate gwe okwa li ha zi puyo okuza 2010 sigo 2011. Limwe lyomomasiku, okwa laleke kutya otayi kefumviko koRundu ihe ina galuka we," Kammbinda a ti.Omakonakono gopambinzi ga pumbwa okushi kolekaMandaha okwe ya moArandis oshiwike shika a konge okamwanamati. "Shi ikolela kwashoka ndu uvu, okanona oka pulwa ngele ota ka dhimbulukwa mpoka ka yambukile. Oka yamukula kutya eeno noka hokolola kutya oka li komukunda kegumbo lya dhikwa niiti, pe na omuti omunene gu li pooha dhondjila, nokandingosho ke li gama kUuzilo," okwa hokolola.Omukulukadhi ngoka a putudha Ndjii, Christilien Kotze, otati kutya omulumentu kee mu shi kedhina okwe mu thigile okanona haka.Ku Mandaha, omakonakono gopambinzi ogo ageke taga vulu okukoleka kutya ota popi oshili. "Enyanyu lyandje kali shi okutumbulwa. Onda nyanyukwa nayi ihe inandi nyanyukwa nale ngeyi," okwa ti. Kakele, okwe shi zimine kutya itashi ka kala oshipu kuyo. "Uupyakadhi wu li opo oombuka kutya okanona oka putukila moArandis, onkene otashi vulika shi ka kale oshidhigu opo ka ka taambe ko onkalo, unene shaashi ka ke shi elaka lyOshikwangali."Kuyele oshiwike shika, Kambinda okwa holola kutya opu na endangalati ekwawo li li mondjila yawo: "Pethimbo ndika, oshimaliwa sho N$4 000 otashi pulwa opo ku ningwe omakonakono gopambinzi ngoka taga koleke ngele okanona haka okaMandaha shili. Oshikwawo, okwa pumbwa onzapo yevalo opo ku shilipalekwe uukwatya we."Ohela lwokomatango, omunangeshefa gwomoRundu inaa popiwa kedhina okwa dhengele ofamili ndjika nokwe yi lombwele kutya ota ka gandja oshimaliwa N$4 000 shi longithwe mokuninga omakonakono gopambinzi agehe gayina nomwanamati.Aaputudhi oya tiMomapulapulo gopangodhi noshifo shoNamibian Sun oshiwike shika, Kotze (50) okwa gandja ombinga yawo yehokololo: "Omulumentu okwe ya paayetu. Inandi mu mona nokumona, ashike lwanima onda ka pula, ‘Omulumentu olye ngu a thigi po okanona haka?’ Okamati oka li owala ke na oomvula ntano. Otwa li twa limbililwa kutya natu ka ninge ngiini.""Otwa kambadhala okupula okanona kombinga yaavali ya ko, ashike oka tameke owala okulila, wu wete lela kutya okahaluka noka tila noonkondo," okwa fatulula. "Okuza mpoka, otwa tokola tu ka edhilile noku ka putudha, nedhiladhilo kutya ngiika oKalunga e ke tu pe."Nonande Aakwakotze inaya tseya naanaa mpoka pwa yambukile okanona haka, oye ka putudha uule woomvula 15 kaa ke na uuthemba woshilongo. "Ke na uuthemba washa woshilongo, ashike otwa fatululile aalongi yomoArandis sho twe mu taambitha noku mu fala koskola," Kotze a ti.

Okanona ka kanene koRundu, omumati a adhika koArandis

Comments

Namibian Sun 2025-05-02

Please login to leave a comment

Okanona ka kanene koRundu, omumati a adhika koArandis

Comments

Namibian Sun 2025-05-02

Please login to leave a comment

Login