Oambulansa ya kala ko ya lilitha aakwanezimo ye li moluhodhi

Omuvali omugundjuka okwa haluthwa noonkondo keso lyokamwakadhona koomwedhi mbali hoka ka sile momake ge moMaandaha—inaya mona ekwatho lyasha sigo opomulongo guusiku.

Yina yokahanona omunamimvo 23 gwomoBerseba okwa kala a tegelela oambulansa nokanonona ke ho ka si potundi14:30, nonande kokapangelo okwa kala nokuya ko olundji.

Okwa kala a tegelela oowili hetatu a kalelwa komudhimba gwokamwana, oshoka oambulansa ya li ya kala ko naapolisi yokoTses itaye ya mbala.

“Oambulansa sho ye ya inayi vula okukutha po omudhimba gwokahonona oshoka aapolisi kaya li po. Ashike aapolisi ina ye ke ya we,” yinagona yokanona a ti. “Yinagona okwa falele okanona kokaklinika lutatu. Omolwashike inaye ka tumina koshipangelo koKeetmanshoop? Omolwashike she ya sigo oponkatu ndjika?”

Shi ikolela kuyinagona yokanona, okahanona oka li ke li nawa notaki imemeha moMaandaha ongula onene. Ashike pokati komutenya mpeya, yina yokanona okwa dhimbulula kutya ope na sha sha puka.

“Okwa li e ka humbata sho a mono onkalo ya shendja. Okwa tondoka e ki ithane yinakulu yokanona ngoka ha zi lwopopepi. Sho yinakulu e ya nokwa tala okanona, okwe mu lombwele kutya okanona oka mana oondjenda,” yinagona a hokolola.

Omudhimba ogwa falwa koshipangelo shaKeetmanshoop nohauto yopaumwene.

“Aapangi oye tu lombwele mOkapangelo kaBerseba kamu na omiti ashike inaya ninga onkambadhala yasha ka tuminwe kOshipangelo shaKeetmanshoop,” yinagona yokanona a gwedha po.

Mokavideo taka etitha ohenda, he yokanona ota monika a humbata okamwanakadhona.

“ Shampa ya hala tu hogolole, ohaye ya kutse komakule hu. Ashike sha mpa twa pumbwa ekwatho, otse atuke muuwike wetu,” okwa popi nokuyemata.

Onzo oya lombwele oshifokundaneki shoNamibian Sun kutya aapangi oya monika pondje yoshipangelo ye li moongodhi, omanga he yokanona a tegelela owala e li nomudhimba gwokamwana.



Oluhodhi olulululu

Nonande oshilalo oshitalala natango okwa gwedhwa koluhodhi lwawo sho aavali mbaka taya ipula nankene taya ka fumvika okamwanakadhona

“Onda li handi tungu koKeetmanshoop, ashike inandi futwa oomwedhi mbali, he yokanona a ti. “Ngashingeyi otandi ipula kutya otandi adha peni oshimaliwa opo tu fumvike okamwetu.”

Ofamili otayi kongo ekwatho moshigwana opo ya wape okufumvika okamwana.

Oshiningwanima osha ningwa pethimbo oshigwana tashi nyenyeta kombinga molwOshipangelo shEpangelo shaKeetmanshoop. Aavu mboka ya li ye na okufalwa kOvenduka natango oya li ya thikama poshipangelo po7:00 mOmaandaha inaya lombwelwa sha kutya otaya yi nenge itaya yi.

“Uupyakadhi mbuka uukulu owa za mo2021,” omukulupe gumwe a nyenyeta. “Tse yamwe ohatu zi kofaalama dhokokule, tu ye owala tu kuutumbe, e tatu shuna inatu yakulwa. Omukwashigwana Gert Titus okwa holola omaiuvo ge kutya.

“Otwe ya nyolela o-emaila, otwe ya dhengela oongodhi, otwi indila woo uuministeli wu uve ekemo lyetu. Ashike natango—oya mwena owala. Uuministeli otau tu ndopeke lelalela,” Titus a ti.



Eyamukulo lyuuministeli

Omupopiliko gwuuministeli wuundjolowele Walters Kamaya okwa ti kutya uuministeli owa kundana kombinga yoshiningwanima shika nomakonakono ogi ipyakidhilwa nago.

“Uuministeli owe shi kundana. Owi ipyakidhila nomakonakono moshinima shika wu ete puuyelele shoka sha ningwa po,” Kamaya a ti.