Ngoloneya gwaShana a twatele komeho oshikonga shokwoopaleka mOshakati
‘Atuheni otu na oshinakugwanithwa tu na oku shi longa’
Ngoloneya gwoshitopolwa shaShana Hofni Iipinge okwa kwatele komeho oshikonga shokwoopaleka mOshakati mOlyomokaya, oshikonga shokwoopaleka osha ningwa moshilongo ashihe kohi yoshipalanyolo "Namibia: e li muundjolowele nokwa yela".
Oshikonga shika, osha unganekwa kuuministeli womidhingoloko, otashi lalakanene okuhumitha komeho esiloshimpwiyu lyomidhingoloko dhetu, okuhwepopaleka omikalo dhokuungaunga niiyagaya niiyekelwahi noshowo okutilila moshigwana ombepo yuuyogoki.
Iipinge okwa ti oshikonga shika kashi shi owala etoolo lyiiyaga ashike otashi tilile mutse ombepo yokuuva etumba molwoshilongo shetu, evuliko netokolo lyetu atuhe lyokukaleka Namibia lya yela, li li nawa noli na uundjolowele molwepipi ndika nomapipi tage ya.
“Omudhingoloko gwa yela ohagu holola uukwatya wetu ongaantu. Atuheni otu na oshinakugwanithwa tu na okushi longa – ngele momagumbo, mooskola, pomahala giilonga, momikunda nenge moondoolopa,” okwa ti.
Ngoloneya okwa pandula uuministeli womidhilongoko sho wu unganeke nokukwatela komeho oshikonga shika. Okwa pandula woo aanangeshefa, aakalimo yomOshakati noshowo aakuthimbinga yalwe sho ya kutha ombinga meopaleko ndika nokugamenena po omidhingoloko dhetu.
Okwi indile aakalimo yomOshakati noshowo Aanamibia ayehe koonono ya tale ko omahala ga yela gaa na iiyagaya yasha ongoshinakugwanithwa shawo shesiku kehe ihe hashinyangadhalwa shesiku limwe.
“Oshikonga shika shokwoopaleka nashi tu tse omukumo opo esiloshimpwiyu lyomudhingoloko li kale oshilonga shetu shesiku kehe,” okwa ti.
Mayola gondoolopa yaShakati Leonard Hango okwa ti oshikonga shika shokwoopaleka yimwe yomoonkambadha dhoshilongo shetu okukwashilipaleka kutya Namibia ota kala a yela, e na uundjolowele nomuwanawa.
Hango okwa kumike Aashakati ya dhimbuluke kehe siku omalalakano goshikonga shika noku ga kwatela mo miilonga yawo yesiku nesiku opo ku “humithwe komeho uuyogoki, uundjowele nekwatonawa lyomudhingoloko”.
Oshikonga shika, osha unganekwa kuuministeli womidhingoloko, otashi lalakanene okuhumitha komeho esiloshimpwiyu lyomidhingoloko dhetu, okuhwepopaleka omikalo dhokuungaunga niiyagaya niiyekelwahi noshowo okutilila moshigwana ombepo yuuyogoki.
Iipinge okwa ti oshikonga shika kashi shi owala etoolo lyiiyaga ashike otashi tilile mutse ombepo yokuuva etumba molwoshilongo shetu, evuliko netokolo lyetu atuhe lyokukaleka Namibia lya yela, li li nawa noli na uundjolowele molwepipi ndika nomapipi tage ya.
“Omudhingoloko gwa yela ohagu holola uukwatya wetu ongaantu. Atuheni otu na oshinakugwanithwa tu na okushi longa – ngele momagumbo, mooskola, pomahala giilonga, momikunda nenge moondoolopa,” okwa ti.
Ngoloneya okwa pandula uuministeli womidhilongoko sho wu unganeke nokukwatela komeho oshikonga shika. Okwa pandula woo aanangeshefa, aakalimo yomOshakati noshowo aakuthimbinga yalwe sho ya kutha ombinga meopaleko ndika nokugamenena po omidhingoloko dhetu.
Okwi indile aakalimo yomOshakati noshowo Aanamibia ayehe koonono ya tale ko omahala ga yela gaa na iiyagaya yasha ongoshinakugwanithwa shawo shesiku kehe ihe hashinyangadhalwa shesiku limwe.
“Oshikonga shika shokwoopaleka nashi tu tse omukumo opo esiloshimpwiyu lyomudhingoloko li kale oshilonga shetu shesiku kehe,” okwa ti.
Mayola gondoolopa yaShakati Leonard Hango okwa ti oshikonga shika shokwoopaleka yimwe yomoonkambadha dhoshilongo shetu okukwashilipaleka kutya Namibia ota kala a yela, e na uundjolowele nomuwanawa.
Hango okwa kumike Aashakati ya dhimbuluke kehe siku omalalakano goshikonga shika noku ga kwatela mo miilonga yawo yesiku nesiku opo ku “humithwe komeho uuyogoki, uundjowele nekwatonawa lyomudhingoloko”.
Comments
Namibian Sun
No comments have been left on this article