Ngoloneya a tokola iilonga
Aurelia AfrikanerOkahandja
Ngoloneya gwOshitopolwa shaTjozondjupa, John Julius //Khamuseb, okwa gongala moshigongi shaakalimo yomOkahandja pokapale ketanga kaRakaduka mOsoondaha (17 Auguste). Oku uvaneka ta ka kandula po omaudhigu gaakalimo nokukwashilipaleka kutya muni ota longo nawa.//Khamuseb okwa dhenge omuthindo kutya kehe shoka tashi ka yonena aakalimo ombili “itashi ki idhidhimikilwa,” okwa gwedha po kutya uukomitiye naanambelewa naya longe nawa ngele hasho otaya tidhwa mo miilonga.
Haindere Paulus, omunandjungu gwOkahandja, okwi indile aanambelewa yamuni ya longe nawa, ta ti, “Itatu vulu okukala nelelo lyamuni inali simaneka aakalimo yomondoolopa. Omuniilonga kehe mumuni gwaKahandja oku li po, oshoka mondoolopa omu na aantu, nosho she mu petha iilonga nondjambi omwedhi kehe. Naya pandule.”
Aakalimo oya gandja omakemo gawo ngaashi: omuthaneki gwomondoolopa, ehangano lyoRedForce, okudhima po oongunga dhaakokele, onkalo yokwaa na iilonga nelongitho nayi lyiimaliwa yamuni. //Khamuseb oku uvaneke kutya omakemo agehe otaga ka talika nokwiindile aanambelewa ya ka yelithe nawa omauyelele.
Ngoloneya okwa dhenge omuthindo kesimano lyokulonga noshili, ta ti, “Shampa omakemo nomanyenyeto ga thiki kaanambelewa, twa hala omadhina nomauyelele agehe gi ihwa po. Ngele tse aantu inatu adha po nenge itatu kwatelwa mo momatokolo nomathaneko taga ningwa mondoolopa, otwa hala okuyamukulwa pambapila hakokana.”
Okwa kwashilipaleke natango aakalimo kutya ota ka thikitha omakemo gawo kaanambelewa noku ya monena omayamukulo, nokukwashilipaleka kutya okulonga nawa kwaanambelewa otaku monikila nomomifango dhopaveta. Aakalimo oyi indile //Khamuseb a tale omeho omanene kOkahandja nokaa dhimbwe ondoolopa ndjika sho tayi kambadhala okushuna ko kesimano lyawo lyokutseyika nedhina ‘Garden Town’.
[email protected]
Ngoloneya gwOshitopolwa shaTjozondjupa, John Julius //Khamuseb, okwa gongala moshigongi shaakalimo yomOkahandja pokapale ketanga kaRakaduka mOsoondaha (17 Auguste). Oku uvaneka ta ka kandula po omaudhigu gaakalimo nokukwashilipaleka kutya muni ota longo nawa.//Khamuseb okwa dhenge omuthindo kutya kehe shoka tashi ka yonena aakalimo ombili “itashi ki idhidhimikilwa,” okwa gwedha po kutya uukomitiye naanambelewa naya longe nawa ngele hasho otaya tidhwa mo miilonga.
Haindere Paulus, omunandjungu gwOkahandja, okwi indile aanambelewa yamuni ya longe nawa, ta ti, “Itatu vulu okukala nelelo lyamuni inali simaneka aakalimo yomondoolopa. Omuniilonga kehe mumuni gwaKahandja oku li po, oshoka mondoolopa omu na aantu, nosho she mu petha iilonga nondjambi omwedhi kehe. Naya pandule.”
Aakalimo oya gandja omakemo gawo ngaashi: omuthaneki gwomondoolopa, ehangano lyoRedForce, okudhima po oongunga dhaakokele, onkalo yokwaa na iilonga nelongitho nayi lyiimaliwa yamuni. //Khamuseb oku uvaneke kutya omakemo agehe otaga ka talika nokwiindile aanambelewa ya ka yelithe nawa omauyelele.
Ngoloneya okwa dhenge omuthindo kesimano lyokulonga noshili, ta ti, “Shampa omakemo nomanyenyeto ga thiki kaanambelewa, twa hala omadhina nomauyelele agehe gi ihwa po. Ngele tse aantu inatu adha po nenge itatu kwatelwa mo momatokolo nomathaneko taga ningwa mondoolopa, otwa hala okuyamukulwa pambapila hakokana.”
Okwa kwashilipaleke natango aakalimo kutya ota ka thikitha omakemo gawo kaanambelewa noku ya monena omayamukulo, nokukwashilipaleka kutya okulonga nawa kwaanambelewa otaku monikila nomomifango dhopaveta. Aakalimo oyi indile //Khamuseb a tale omeho omanene kOkahandja nokaa dhimbwe ondoolopa ndjika sho tayi kambadhala okushuna ko kesimano lyawo lyokutseyika nedhina ‘Garden Town’.
[email protected]
Comments
Namibian Sun
No comments have been left on this article