Netumbo naSaara ya talika omeho
Swapo tiilongekidhile omahogololo gomo2024
Aakiintu yaali mongundu yoSwapo otaya talika omeho kutya otashi vuluka ya ka kale aahogololwa aaleli yongundu pethimbo mpoka ongundu kwa tegelelwa yi ka ninge omutumba gwokuhogolola aaleli yongundu.
Sho okongresa yongundu yoSwapo yi li pokuningwa naasho taku popiwa omadhina gaamboka taya yi methigathano lyuupeha presidende oshowo omuhogololwa gwongundu momahogololo gopashigwana ngoka taga kalako momvula yo 2024, okwa holoka owala omadhina gaali gaakiintu. Netumbo Nandi-Ndaitwah oshowo Saara Kuugongelwa-Amadhila oyo taya popiwa koyendji kutya otashi vulika ya ka kale methigathano ndyoka.
Omadhina ngaashi lyaFrans Kapofi oshowo Pohamba Shifeta nago oga holoka ngaa ihe itaga kwelengendjwa nago ngaashi ngoka Nandi-Ndaitwah na Kuugongelwa-Amadhila.
KuKapofi iipumbiwa mbyoka ya tulwa miilonga sha landula omagwedhelepo gaHelmut Angula kutya oonakukutha ombinga naye kale ya longa mokomitiye yelelo uule woomvula omulongo opo ku yandwe aakongi yoompito, otashi kala einda. Nomupresidende Hage Geingob ngoka kuuvitike a yele omulumentu ngoka ke na nkene ta vulu okuninga kombinga yiipumbiwa mbyoka ya tulwa miilonga.
Shifeta okwa halika koyendji mongundu kwiikwtelelwa woo koshizemo shomahogololo giilyo yokomitiye yelelo ihe edhina lye olya kana konima sho kwa tamekwa okupopiwa omadhina gaaleli aakiintu, ihe nonando ongaaka ita dhinika.
Swapo okwa li e na okuninga omahogololo giilyo yokomitiye yelelo lye mehuliloshiwike lya piti ihe oga undulilwa komeho omolwa efumbiko lya yina yaGeingob ndyoka lya ningwa mehuliloshiwike
Elelo lyongundu okwa tegelelwa li ka kuutumbwe pehulilo lyomwedhi nokuninga omaulliko.
Ngashiingeyi oNandi-Ndaitwah naKuugongelwa-Amadhila ku wetike taya popiwa nokweetitha omaipulo kutya Swapo pamwe okwa hala okulundulula ondjokonona nokuulika omuhogololwa omukiintu melelo lyongundu.
Ethigathano pokati kOhangwena nOmusati
“Netumbo okwa kola papolotika ihe Saara oku na aanangeshefa mboka taye mu yambidhidha. Itatu vulu okutengeneka kutya olye ta sindana,” omukwaSwapo gumwe a popi.
Yamwe oya popi kutya onkalo ndjoka otayi ka eta ekondjo pokati kiitopolwa mbyoka iyali yi na nale ondjokonona yekondjo lyopapolotika unene mongundu yoSwapo.
Omolwa onkalo ndjoka ongundu yoRally for Democracy and Progress (RDP), ya totwapo unene kongundu yaayambidhidhi yoSwapo mOhangwena konima yokongresa yomomvula yo 2004.
Aanongononi yonkalo yopolotika oya kunkilile kutya otashi vulika shi keete uutondwe netopoko mongundu, onkalo ndjoka Swapo ita vulu we okutaalela molwaashoka otayi teya po ongundu.
Okongresa yomo 2017 oya eta etopoko mongundu naashoka otaku popiwa sha etitha ekanitho lyaayambidhidhi kongundu ndjoka pethimbo lyomahogololo gomomvula yo 2019.
Ndumba Kamwanyah okwa popi kutya oshinima oshiwanawa osho Geingob a holeke omuhogololwa gwe unene pokati kaakiintu mboka yaali, molwaashoka ehogololo lya ningwa komuleli ohali kala unene li ondjundo, onkene okwa ningi nawa sho ina holola omuulikwa gwe kuyele.
Kamwanyah nonando ongaaka ita tsu kumwe nomapopyo kutya ethimbo lyokukala nomupresidende omukiintu olyathikana molwaashoka aniwa otashi gandja omaiyuvo ga puka na omukalo gwopolotika tagu longithwa ngaashi shali sha ningwa okuhogololo Geingob molwaashoka keshi omuhoko gwAawambo.
“Otaku ka kala ethimbo ewanawa lyashike ishewe, olyomunyasha? Inaku longithwa ethimbo ewanawa lyomukiintu ihe ethimbo lyomuleli gwomondjila nomuntu ngoka ta vulu okulela. Ongundu oya pumbwa omuleli omupe nomunamadhilongo.”
Graham Hopwood oku wete kutya ayehe Nandi-Ndaitwah oshowo Kuugongelwa-Amadhila aanankondo ngele tashi ya kondjokonona yawo mongundu nomepangelo.
Pamaiyuvo ge Nandi-Ndaitwah otaka monikako koyendji kutya okwa kulupa nokulela omanga Kuugongelwa-Amadhila oomvula dhe tadhi ka kala muuwanawa we ihe omolwa onkalo yopangeshefa yomusamane gwe otashi vulika shi ka kale uupyakadhi.
Hopwood okwa popi kutya pamuthigululwakalo, mboka yahala okukutha ombinga ihaya iholola mongundu sigo kwa gandjwa oshikako shetseyitho lyaakuthimbinga momahogololo pambelewa naashoka osho sha etitha kukale owala taku popiwa omadhina ngoka gaali.
Oshinima shimwe shoka tashi keetitha uupyakadhi pethimbo lyomahogololo ekwatathano lyaNandi-Ndaitwah nongundu yoRDP, ndjoka yiitopola koSwapo moomvula dho2000.
Hopwood okwiinekela kutya Nandi-Ndaitwah okwa kala omwiinekelwa kongundu ye nonando okwa kala omupopepi nomutoti gwoRDP, Hidipo Hamutenya.
Omupopiliko gwoSwapo Hilma Nicanor okwa popi kutya ongundu otayi yi mokongresa yawo yi na omukumo molwaashoka oya ungaunga nale netopoko mongundu monakuziwa.
“Omukumo gwetu okutya kehe gumwe nasimanene nokwiiyutha kekotampango lyongundu unene ngele tashi ya komauliko gaahogololwa yoompito dha yooloka. Onkalo yuungundu oya ungaungiwa nale nayo kelelo lyongundu onkene kasha shi uupyakadhi we.”
Omadhina ngaashi lyaFrans Kapofi oshowo Pohamba Shifeta nago oga holoka ngaa ihe itaga kwelengendjwa nago ngaashi ngoka Nandi-Ndaitwah na Kuugongelwa-Amadhila.
KuKapofi iipumbiwa mbyoka ya tulwa miilonga sha landula omagwedhelepo gaHelmut Angula kutya oonakukutha ombinga naye kale ya longa mokomitiye yelelo uule woomvula omulongo opo ku yandwe aakongi yoompito, otashi kala einda. Nomupresidende Hage Geingob ngoka kuuvitike a yele omulumentu ngoka ke na nkene ta vulu okuninga kombinga yiipumbiwa mbyoka ya tulwa miilonga.
Shifeta okwa halika koyendji mongundu kwiikwtelelwa woo koshizemo shomahogololo giilyo yokomitiye yelelo ihe edhina lye olya kana konima sho kwa tamekwa okupopiwa omadhina gaaleli aakiintu, ihe nonando ongaaka ita dhinika.
Swapo okwa li e na okuninga omahogololo giilyo yokomitiye yelelo lye mehuliloshiwike lya piti ihe oga undulilwa komeho omolwa efumbiko lya yina yaGeingob ndyoka lya ningwa mehuliloshiwike
Elelo lyongundu okwa tegelelwa li ka kuutumbwe pehulilo lyomwedhi nokuninga omaulliko.
Ngashiingeyi oNandi-Ndaitwah naKuugongelwa-Amadhila ku wetike taya popiwa nokweetitha omaipulo kutya Swapo pamwe okwa hala okulundulula ondjokonona nokuulika omuhogololwa omukiintu melelo lyongundu.
Ethigathano pokati kOhangwena nOmusati
“Netumbo okwa kola papolotika ihe Saara oku na aanangeshefa mboka taye mu yambidhidha. Itatu vulu okutengeneka kutya olye ta sindana,” omukwaSwapo gumwe a popi.
Yamwe oya popi kutya onkalo ndjoka otayi ka eta ekondjo pokati kiitopolwa mbyoka iyali yi na nale ondjokonona yekondjo lyopapolotika unene mongundu yoSwapo.
Omolwa onkalo ndjoka ongundu yoRally for Democracy and Progress (RDP), ya totwapo unene kongundu yaayambidhidhi yoSwapo mOhangwena konima yokongresa yomomvula yo 2004.
Aanongononi yonkalo yopolotika oya kunkilile kutya otashi vulika shi keete uutondwe netopoko mongundu, onkalo ndjoka Swapo ita vulu we okutaalela molwaashoka otayi teya po ongundu.
Okongresa yomo 2017 oya eta etopoko mongundu naashoka otaku popiwa sha etitha ekanitho lyaayambidhidhi kongundu ndjoka pethimbo lyomahogololo gomomvula yo 2019.
Ndumba Kamwanyah okwa popi kutya oshinima oshiwanawa osho Geingob a holeke omuhogololwa gwe unene pokati kaakiintu mboka yaali, molwaashoka ehogololo lya ningwa komuleli ohali kala unene li ondjundo, onkene okwa ningi nawa sho ina holola omuulikwa gwe kuyele.
Kamwanyah nonando ongaaka ita tsu kumwe nomapopyo kutya ethimbo lyokukala nomupresidende omukiintu olyathikana molwaashoka aniwa otashi gandja omaiyuvo ga puka na omukalo gwopolotika tagu longithwa ngaashi shali sha ningwa okuhogololo Geingob molwaashoka keshi omuhoko gwAawambo.
“Otaku ka kala ethimbo ewanawa lyashike ishewe, olyomunyasha? Inaku longithwa ethimbo ewanawa lyomukiintu ihe ethimbo lyomuleli gwomondjila nomuntu ngoka ta vulu okulela. Ongundu oya pumbwa omuleli omupe nomunamadhilongo.”
Graham Hopwood oku wete kutya ayehe Nandi-Ndaitwah oshowo Kuugongelwa-Amadhila aanankondo ngele tashi ya kondjokonona yawo mongundu nomepangelo.
Pamaiyuvo ge Nandi-Ndaitwah otaka monikako koyendji kutya okwa kulupa nokulela omanga Kuugongelwa-Amadhila oomvula dhe tadhi ka kala muuwanawa we ihe omolwa onkalo yopangeshefa yomusamane gwe otashi vulika shi ka kale uupyakadhi.
Hopwood okwa popi kutya pamuthigululwakalo, mboka yahala okukutha ombinga ihaya iholola mongundu sigo kwa gandjwa oshikako shetseyitho lyaakuthimbinga momahogololo pambelewa naashoka osho sha etitha kukale owala taku popiwa omadhina ngoka gaali.
Oshinima shimwe shoka tashi keetitha uupyakadhi pethimbo lyomahogololo ekwatathano lyaNandi-Ndaitwah nongundu yoRDP, ndjoka yiitopola koSwapo moomvula dho2000.
Hopwood okwiinekela kutya Nandi-Ndaitwah okwa kala omwiinekelwa kongundu ye nonando okwa kala omupopepi nomutoti gwoRDP, Hidipo Hamutenya.
Omupopiliko gwoSwapo Hilma Nicanor okwa popi kutya ongundu otayi yi mokongresa yawo yi na omukumo molwaashoka oya ungaunga nale netopoko mongundu monakuziwa.
“Omukumo gwetu okutya kehe gumwe nasimanene nokwiiyutha kekotampango lyongundu unene ngele tashi ya komauliko gaahogololwa yoompito dha yooloka. Onkalo yuungundu oya ungaungiwa nale nayo kelelo lyongundu onkene kasha shi uupyakadhi we.”
Comments
Namibian Sun
No comments have been left on this article