Ndaitwah ta kunkilile ekandulopo lyomukundu lya nuninwa uupyakadhi waamati

Omusamane gwotango mOshilongo shaNamibia, Epaphras Denga Ndaitwah, okwa kunkilile omahangano ga hulithe po okulongulula iitopolwa yooprohrama dhuunona wuukadhona dhi lalakanene wo mboka wuumati, ihe na ga longekidhe omakandulopo gomikundu giikwatelela koompumbwe dhaamati kondandalunde. Okwa ningi omapopyo ngaka poshituthi shomakonakono neholo lyomauyelele gaalumentu mOvenduka mEtitatu lya zi ko, shoka sha li shi na oshipalanyolo ‘Okutula mumwe Iilonga yaNamibia nAalumentu nAamati Omolwuuthikepamwe wOpaukwashikekookantu nUundjolowele moNamibia’.“Aamati naakadhona oya thikama pamwe mesimano, ihe inaya faathana moompumbwe dhawo. Oprohalama ya longekidhilwa aakadhona itayi vulu ashike okulundululwa edhina e tayi pewa aamati. Onkene natu longekidhe ooprohalama dhoka tadhi yamukula koompumbwe dhaamati kondandalunde,” a popi. Ndaitwah okwa kunkilile omahangano ga ze po pomalalakaneno giikalekelwa noga longe iilonga yuuka kekandulopo lyomukundu gwopashigwana ya tulwa mumwe, nomaitulomo taga nonika miilonga yolela.Okwa indile wo oonkambadhala dha kwata miiti dhokuthika paamati mboka aadhigu okuthikiwa puyo, ta ti kapu na omunona ta thigwa konima kompangela yenkondopaleko ndjika.Ndaitwah okwa ti Oveta ontitatu yUuthikepamwe wOpaukwashikekookantu nUuyuuki wOpashigwana (2025-2035) oya dhidhilika kutya aailongi aalumentu oye li konima melongo lyopombanda nokwa indile ekatuko lyonkatu yomeendelelo opo ku kandulwe po uuhathikepamwe mbuka.Omukuluntuwiliki gwOshiputudhilo shoPombanda shaNamibia (Unam) Professor Kenneth Matengu okwa tile muSeptemba kutya aakiintu oya li oopresenda 65.5 maailongi 4 350 mboka ya zalekwa omaguwo muApilili, manga aalumentu ya li owala oopresenda 34.5.kOshiputudhilo shoPombanda shUunongononi noTekinolohi shaNamibia (Nust), omwaalu gopambelewa gomo-2024 otagu ulike kutya aakiintu oya li 2 023 maailongi 3 591 mboka ya zalekwa omaguwo noku manitha elongo lyopombanda, okuyelekanitha naalumentu 1 568. Nonando ongawo, aalumentu oya li oyendji kashona kaakiintu mwaamboka ya li ya ishangithwa momumvo ngoka, moka naailongi aalumentu ya li 9 343 okuyelekanitha naailongi aakiintu 9 142.Uupyakadhi wu na uutoniNdaitwah okwa tsu omuthindo kutya okunkondopaleka aamati oku na okukoleka omauwanawa ngoka Namibia a tulile po aakadhona.Okwa ti omukalo nguka ogwo egameno lyo-DEN Impact Foundation, ndjoka a patulula momasiku 18 Aguste opo ku kandulwe po shoka a hokolola ongo "omukundu gwaamati".Ehangano ndika olya tulwa po nelalakano lyokunkondopaleka amati okupitila momaudhano, uunamapya, omadheulo gopatekinika, ehumokomeho lyuunongo netungopo lyuukwatya womuntu."Omukalo omukwawo wa gwana okudhidhilikwa ogwo uupyakadhi womadhiladhilo gaalumentu nomuthigululwakalo omunene gweimeneneno gwa kwatakanithwa nomwaalu gwopombanda gwomaso giipundjamwene maamati naalumentu," a ti ngeyi.Omwaalu omupe gwa zi komupevikuluntundjayi gwiilonga, Major General Elias Mutota, ogwa ulike kutya Namibia okwa dhidhilike omaso giipundjamwene 486 momumvo gwoshimaliwa gwo-2025/26.Mwaamboka, 390 oya li aalumentu, 83 aakiintu, uunona owali aamati omugoyi, naakadhona ye li yane. Aalumentu naamati kumwe oya kalela po oopresenda 82 dhomaso ngaka.Ya tolokwa ku: Gottrieb Nambahu (tienoxv@gmail.com)

Ndaitwah ta kunkilile ekandulopo lyomukundu lya nuninwa uupyakadhi waamati

Comments

Namibian Sun 2026-10-16

Please login to leave a comment

Ndaitwah ta kunkilile ekandulopo lyomukundu lya nuninwa uupyakadhi waamati

Comments

Namibian Sun 2026-10-16

Please login to leave a comment

Subscription Required to Access Content ×

Login

Subscription Required to Access Content