Natu longeni tatu tala konkalo yombepo - Ngoloneya gwaShana
Tuyeimo HaidulaONDANGWANgoloneya gwoshitopolwa shaShana Hofni Iipinge okwi indile aakalimo yomOshana ya longithe uunamapya nuuniimuna mboka tau kalele, uunamapya tau tala konkalo yombepo nokukwatela mo aagundjuka moongeshefa dha pamba uunamapya nuuniimuna opo ku kwashilipaleke iikulya otayi gwanene ayehe noshitopolwa oshi na onakuyiwa ombwanawa.
Ta popi pOshituthi shOshipe sha ningilwa moshikandjohogololo shUuvudhiya mEtitano, Iipinge okwa ti iilonga yokulonga iikulya ya gwana oya tsikila, okwi indile oshigwana shi kwashilipaleke kutya “kape na egumbo tali lala nondjala, kape na okanona taka faula oskola molwondjala noinapu kala omukuluntu ta mono iihuna e shi mwenena.”
Okwa lombwele oonakugongala poshituthi shika kutya iilikolomwa yomomapya kayi shi yokulandithwa nenge yokwiimonena iiyemo. Iikulya mbika oya nuninwa mboka taya hupu shokadhila aantu mboka ihaya pewa iikulya yoshikukuta.
“Ongoshitopolwa natu lalakanene okutsakanitha ondjodhi yetu kokutya hagumbo tali lala nondjala. Natu tsikileni nokwiitula mo muunamapya nuuniimuna tau kalele nokukwatela mo aagundjuka yetu moongeshefa dha pamba uunamapaya nuuniimuna opo tu kwashilipaleke kutya oshitopolwa shetu otashi kala nawa nomonakuyiwa,” Iipinge a ti.
Okwa dhenge omuthindo kombinga yeyokomeho lya ningwa po molwEuvathanotsokumo pokati kElelo lyOshitopolwa shaShana noUniversiti yaNamibia, ndjoka lye eta opo miitopolwa Okatyali, Uukwiyuushona, Uuvudhiya nOmpundja mu kale omapya ga kokolwa kElelo.
Eteyo lyonuumvo, lye etwa komuloka omuwanawa nekwathathano lyaayehe, olya zi ootona hamano dhepungu nookilohalama 310 dhomakunde - eteyo ewanawa okuyelekanitha neteyo lyawo lyotango. “Mbuka uumbangihokololo tau ulike shoka tashi longwa po uuna ondjodhi neitulomo ya tsakanene,” Iipinge a ti.
Okwa dhenge omuthindo kutya Oshipe kashi shi owala oshituthi shuunamapya; oshituthi shika osho woo ompito yokuulika uukumwe woshigwana nontalanteni yasho. Okwi indile aakalimo yomOshana ya kale ongaagameni yevi pakulonga omapya gawo nawa nelalakano nonokupandula.
Ta popi pOshituthi shOshipe sha ningilwa moshikandjohogololo shUuvudhiya mEtitano, Iipinge okwa ti iilonga yokulonga iikulya ya gwana oya tsikila, okwi indile oshigwana shi kwashilipaleke kutya “kape na egumbo tali lala nondjala, kape na okanona taka faula oskola molwondjala noinapu kala omukuluntu ta mono iihuna e shi mwenena.”
Okwa lombwele oonakugongala poshituthi shika kutya iilikolomwa yomomapya kayi shi yokulandithwa nenge yokwiimonena iiyemo. Iikulya mbika oya nuninwa mboka taya hupu shokadhila aantu mboka ihaya pewa iikulya yoshikukuta.
“Ongoshitopolwa natu lalakanene okutsakanitha ondjodhi yetu kokutya hagumbo tali lala nondjala. Natu tsikileni nokwiitula mo muunamapya nuuniimuna tau kalele nokukwatela mo aagundjuka yetu moongeshefa dha pamba uunamapaya nuuniimuna opo tu kwashilipaleke kutya oshitopolwa shetu otashi kala nawa nomonakuyiwa,” Iipinge a ti.
Okwa dhenge omuthindo kombinga yeyokomeho lya ningwa po molwEuvathanotsokumo pokati kElelo lyOshitopolwa shaShana noUniversiti yaNamibia, ndjoka lye eta opo miitopolwa Okatyali, Uukwiyuushona, Uuvudhiya nOmpundja mu kale omapya ga kokolwa kElelo.
Eteyo lyonuumvo, lye etwa komuloka omuwanawa nekwathathano lyaayehe, olya zi ootona hamano dhepungu nookilohalama 310 dhomakunde - eteyo ewanawa okuyelekanitha neteyo lyawo lyotango. “Mbuka uumbangihokololo tau ulike shoka tashi longwa po uuna ondjodhi neitulomo ya tsakanene,” Iipinge a ti.
Okwa dhenge omuthindo kutya Oshipe kashi shi owala oshituthi shuunamapya; oshituthi shika osho woo ompito yokuulika uukumwe woshigwana nontalanteni yasho. Okwi indile aakalimo yomOshana ya kale ongaagameni yevi pakulonga omapya gawo nawa nelalakano nonokupandula.
Comments
Namibian Sun
No comments have been left on this article