Nakuteta mukwawo omutse mOmusati okwa taambelwa mosaala yaanuuvu wopamadhiladhilo

Omulumentu omunamimvo 26 ngoka ta fekelelwa okutetako omutse gomulumentu omukwawo moshitopolwa shaMusati okwa li a taambelwa moshipangelo oshiwike sha zi ko mosaala yaanuumvu wuuvu wopamadhiladhilo, konima sho sha monika kutya okwa li a hulitha po okunwa omiti dhe dhuuvu wopamadhiladhilo.Omufekelwa ngoka itaa vulu okutumbulwa kedhina molwa inaa holoka mompangu natango, okwa li a mangwa po sha landula sho a dhipaga mukwawo komukunda Omuthitugwonyama moshikandjohogololo Okalongo mEtine lya zi ko.Kakukutu komatanga gopolisi moshitopolwa Omusati komufala, Ismael Basson, okwa koleke kutya omufekelwa okwa taambelwa moshipangelo konima sho a mangwa po nokuli ta ningilwa omakonaakono gopamadhiladhilo.Basson okwa ti: “Omulumentu nguka okwa kala moshipangelo ku za tuu esiku lyotango. Okwa li a mangululwa mEtiyali nokwa tumwa a ka ningilwe omakonakono gopamadhiladhilo.”Oonzo okuziilila moshipangelo shepangelo mOshakati odhe shi koleke kutya omufekelwaa okwa edhililwa mosaala yaanuumvu wopamadhiladhilo.Omufekelwa ota tamanekelwa edhipago lya Johannes Amamakali Sheehama, sha ningilwa puundungosho pUushwa, omanga nakuninga oshihakanawa omutiyali a fadhukapo.Shi ikwatelelea kopolisi, omufekelwa okwadhenge nakusa nondhopi omanga inaa tetagula olutu lwe. Nakuninga oshihakanwa omutiyali okwe shi pondola okuka holeka omufudho, noshe mu hupitha kaaponokelwe.Nakuhupa moshiponga okwa tindi okutya ko sha koshiningwanima oshoka okuli a haluthwa noonkondo koshiningwanima shika.Omaipulo kombinga yuundjolowele wopamadhiladhiloOmupambele gwomufekelwa okwa ti omufekelwa okwa li a monika uuvu wopamadhiladhilo oomvula ntano dha pita ashike ina manitha epango lye ndyoka a pewa.Okwa ti: “ Aluhe otwa kala nuumbanda kutya uuvu we ota shi vulika wu lunde.”Okwa gwedha po wo tati omufekelwa okwa tameke okwiihumbata omaihumbato ga piyagana esiku olyo tuu ndyoka, shoka sha li sha eta opo aakwanezimo ya tseyithile opolisi yokOnandjamba ndjoka yi li ookilometa 15 kokule nayo.Okwa ti: “ Onda li nda dhengele opolisi lwopotundi 19H00, ihe oya ti hangame ndina okulopota oshinima shoka. Otwe key a dhengela ishewe potundi 20H00 ihe natango inatu mona ekwatho lyasha.”Ota ku hokololwa kutya opolisi oya ka yamukula owala kongulohi lela, konima oshiningwanima shedhipago sha ningwa nale.Omupambele gumwe okwa ti: “ Nakusa okwa dhipagwa montaneho yandje. Okwe mu dhenge ngiika iikando omilongombali noondhopi sigo omutse gwa tokoka ko kolutu. Omufekelwa ka li e na nando oshilwitho sha sha, onkene olopota yopolisi ka yi li mondjila sho ta yi ti omufekelwa okwa tete ko iilyo yopauvalithi yanakusa. Ihe, omufekelwa okwe yi kokotako ashike nomayego gemwene.”

Nakuteta mukwawo omutse mOmusati okwa taambelwa mosaala yaanuuvu wopamadhiladhilo

Comments

Namibian Sun 2026-08-11

Please login to leave a comment

Nakuteta mukwawo omutse mOmusati okwa taambelwa mosaala yaanuuvu wopamadhiladhilo

Comments

Namibian Sun 2026-08-11

Please login to leave a comment

Subscription Required to Access Content ×

Login

Subscription Required to Access Content