Nakusa Ras Sheehama okwa li omulongi nomupukululi gwandje - Mulenga

Omudhanitanga nale nomuhikingalo Salomo David Mulenga okwa hokolola nakusa Ras Sheehama kutya okwa li omulongi nomupukululi gwe, ngoka a kala omunashiholelwa oshiwananawa muukuume wawo uule woomvula 30. Ta popi nEwi lyaNooli pegumbo lye momukunda Oshikulu moshitopolwa shaShikoto, Mulenga okwa ti okwa haluka noonkondo mokuuva onkundana yeso lyaSheehama ngoka a manene oondjenda dhe konima yiiwike iyali ngashingeyi. Mokukundana onkundana ndjoka kali ta vulu oku shi itaala noku shi zimina, oshoka opo a popile nanakusa konima yomasiku gatano manga inaa mana oondjenda.Sheehama okwa mana oondjenda dhe momasiku 5 Septemba mOvenduka.“Onda li nda haluka noonkondo sho nda tseyithilwa onkundana ndjoka. Petameko inandi shi zimina, ashike konima sho nda mono aantu oyendji taya dhengele ndje nonde shi ileshele komalungula... kasha li oshipu,” Mulenga a ti.Okwa hokolola kutya okwa tsakanene lwotango naSheehama mo1989 moKwansa Sul moAngola.Mulenga okwa ti pethimbo ndjoka okwa li te ehama, te ehama malaria, ashike mokupulakena kukamwe komuumbilo waSheehama poshigongi okwa tsuwa omukumo, oshoka etumwalaka olya li ewanawa nolya tsa.Mbaka yaali oya li koCongo uule woomvula ndatu.Edhina enene Oya tsakanene ishewe moGolgotha mOvenduka mo1991, sho Sheehama naahikingalo ooyakwawo ya kala nokutsakanena nokuhika oongalo dhawo.Mulenga okwa ti olundji okwa lamba (ende pamwe) Sheehama nosheendo she shampa taya ka mwenyeka pehala lyontumba nenge lyongandi.“Konima yokumwenyeka, ohe tu pe kehe gumwe N$100 lyomondjato twi ikwathe nalyo oshoka pethimbo ndjoka onda li omwiilongi koshiputudhilo shopombanda nonkalo oya li ondhigu,” Mulenga a ti.Okwa tsikile ko ta ti ta ti Sheehama gumwe gwomaahikingalo mboka ye mu kumika opo a tameke okuhika oshiketala oshikwawo Sheehama omulumentu ngoka e mu guna noku mu pukulula a kale nonkalamwenyo ombwanawa nokulongithe ompito kehe a mono.“Okwa li omulongi nomupukululi gwandje, otandi kala noku mu dhimbulukwa aluhe. Okwa longa ndje oshindji, nedhina lye otali kala nokudhimbulukiwa komapipi nomapipi,” Mulenga a ti.Moonkundathana dhetu naye, Mulenga, ngoka e na studio ye megumbo, okwa kala nokudhana uungalo wumwe waSheehama mboka wu holike noonkondo.Mulenga gumwe gwomaalilasa mboka ya li pokapale koondhila kaAndimba Toivo yaToivo mOndangwa, okutaamba ko omudhimba gwaSheehama ngoka gwa tuka nondhila okuza kOvenduka.Mulenga okwa gandja omahekeleko kaakwanezimo yanakusa Sheehama.#kenya@nmh-hub.com.na

Nakusa Ras Sheehama okwa li omulongi nomupukululi gwandje - Mulenga

Comments

Namibian Sun 2025-09-19

Please login to leave a comment

Nakusa Ras Sheehama okwa li omulongi nomupukululi gwandje - Mulenga

Comments

Namibian Sun 2025-09-19

Please login to leave a comment

Login