Nakulwa omukulu i itsu iipongolo mepya lye
Kenya KamboweOkongo
Nathanael Nikodemus, nakulwa omukulu omukalimo gwomOkongo, okwi itsu iipongolo mepya lye konima sho a li ta fulu elambo lyokandjugo. Nikodemus okwa tseyithile oshikundaneki shoNambian Sun ohela kutya okwiitsu iipongolo mbika momasiku 12 Juli. Nikodemus okwa ti kutya okwa nothele ko nokulopotela mbala opolisi poshitaasi shaKongo.
“Otwe ya tegelela natango ye ye. Mongashingeyi, ondi li mekwatathano nomunambelewa gumwe okuza kOlutuwiliki lwOmithigululwakalo (Heritage Council),” okwa gwedha po.
“Onda li tandi fulu elambo lyokandjugo sho ndi itsu miipongolo yomuntu,” Nikodemus a fatulula.
Ke na uupyakadhi
nombila
Nikodemus okwa fatulula kutya ke na naanaa uudhigu nombila tayi kala mepya lye, oshoka otayi mu dhimbulukitha ethimbo lyiita yekondjelomanguluko.
Nonande ongawo, okwa ti, kaanona mboka ye li megumbo lye oshihaluthi okukala nombila yi li mepya.
“Kandi na uupyakadhi nombila yi li mepya ya tulwa molugumbo lwawo, ashike uupyakadhi otau kala kaanegumbo yalwe, unene tuu uunona, mboka wa haluthwa nale koshiningwanima shika,” okwa ti.
Egumbo lyaNikodemus oli li oometa 500 okuza pokamba onkulu yoombulu mOkongo.
Hailwa mekondjo
Nikodemus ota fekele kutya iipongolo mbika otashi vulika yekoma, omukwiita gwoSwapo, ngoka a dhipagelwa popepi nokamba yomutondi nokwa fumvikwa komutondi.
“Mokutala kiipongolo mbika nokombila ndjika, nakusa okwa yahwa momutse popepi, oshoka ekolotse olya yonuka nayi,” okwa ti. “Ngele oto tala nawa, mombila omu na iihwa ya fikwa shoka tashi ulike kutya omukwiita okwa yahwa tango, omudhimba tagu umbilwa moshilambo nokufikwa po lwanima.”
Nikodemus okwa holola woo kutya iikutu mbyoka ya adhikwa moshilambo oya faathana niikutu mbyoka ya li hayi zalwa koondume dhomomuthitu (kiikulo) pethimbo lyekondjelomanguluko.
“Iikutu mbika otandi yi dhimbulukwa, oyo kwa li hatu zala pethimbo lyiita yekondjelomanguluko. Mbika iipongolo ya hailwa mekondjo a ka lala nale.”
Nikodemus okwi indile aakuthimbinga naaniimpwiyu ayehe mboka taya vulu oku mu kwatha opamwe naanegumbo lye opo ya kwatathane naye nokukandula po omukundu nguka. issue.
[email protected]
Nathanael Nikodemus, nakulwa omukulu omukalimo gwomOkongo, okwi itsu iipongolo mepya lye konima sho a li ta fulu elambo lyokandjugo. Nikodemus okwa tseyithile oshikundaneki shoNambian Sun ohela kutya okwiitsu iipongolo mbika momasiku 12 Juli. Nikodemus okwa ti kutya okwa nothele ko nokulopotela mbala opolisi poshitaasi shaKongo.
“Otwe ya tegelela natango ye ye. Mongashingeyi, ondi li mekwatathano nomunambelewa gumwe okuza kOlutuwiliki lwOmithigululwakalo (Heritage Council),” okwa gwedha po.
“Onda li tandi fulu elambo lyokandjugo sho ndi itsu miipongolo yomuntu,” Nikodemus a fatulula.
Ke na uupyakadhi
nombila
Nikodemus okwa fatulula kutya ke na naanaa uudhigu nombila tayi kala mepya lye, oshoka otayi mu dhimbulukitha ethimbo lyiita yekondjelomanguluko.
Nonande ongawo, okwa ti, kaanona mboka ye li megumbo lye oshihaluthi okukala nombila yi li mepya.
“Kandi na uupyakadhi nombila yi li mepya ya tulwa molugumbo lwawo, ashike uupyakadhi otau kala kaanegumbo yalwe, unene tuu uunona, mboka wa haluthwa nale koshiningwanima shika,” okwa ti.
Egumbo lyaNikodemus oli li oometa 500 okuza pokamba onkulu yoombulu mOkongo.
Hailwa mekondjo
Nikodemus ota fekele kutya iipongolo mbika otashi vulika yekoma, omukwiita gwoSwapo, ngoka a dhipagelwa popepi nokamba yomutondi nokwa fumvikwa komutondi.
“Mokutala kiipongolo mbika nokombila ndjika, nakusa okwa yahwa momutse popepi, oshoka ekolotse olya yonuka nayi,” okwa ti. “Ngele oto tala nawa, mombila omu na iihwa ya fikwa shoka tashi ulike kutya omukwiita okwa yahwa tango, omudhimba tagu umbilwa moshilambo nokufikwa po lwanima.”
Nikodemus okwa holola woo kutya iikutu mbyoka ya adhikwa moshilambo oya faathana niikutu mbyoka ya li hayi zalwa koondume dhomomuthitu (kiikulo) pethimbo lyekondjelomanguluko.
“Iikutu mbika otandi yi dhimbulukwa, oyo kwa li hatu zala pethimbo lyiita yekondjelomanguluko. Mbika iipongolo ya hailwa mekondjo a ka lala nale.”
Nikodemus okwi indile aakuthimbinga naaniimpwiyu ayehe mboka taya vulu oku mu kwatha opamwe naanegumbo lye opo ya kwatathane naye nokukandula po omukundu nguka. issue.
[email protected]
Comments
Namibian Sun
No comments have been left on this article