Mulunga ta ti ina landelwa Audi, ti indile ombooloha N$10 000

Omukuluntuwiliki nale gwehangano lyoNamcor Immanuel ‘Imms’ Mulunga okwe ekelehi kokule omapopyo kutya okwa pewa eshete komunangeshefa Victor Malima ongombumbo, okwa holola kutya ke na ekwatathano lyasha nohauto ndjoka.“Kandi na ohauto ya tya ngaaka. Ohauto yoludhi ndoka kayi li kedhina lyandje,” Mulunga okwa tumbula ngaka ohela mompangu. Okwa kalelwa po paveta kuahende gwopaumwene Francois Bangamwabo.Aayeti yiihokolola otayi ti kutya eshete ndjoka, li li kedhina lyaHileni Kamati, Mulunga okwe li pewa omagano kuMalima, mwene gwongeshefa yoEco Trading. Eshete anuwa okwe li pewa nelalakano opo a kwathele opo euvathano pokati ko Eco Trading noEnercon li ende nawa.Nonande ongawo, Mulunga, okwi ikaleke kokule nomahokololo geshete nogeuvathano ndjoka, ta ti kutya ke na mo olunyala nandenande.Mulunga, ngoka a kuthwa miilonga mo2024 ongomukuluntuwilindjokahangano lyoNamcor, okwa popi kutya euvathano lyoshimaliwa shoomiliona N$53 noEnercon inali ningwa kehangano lyoNamcor, ashike olya longwa mo kehangano lyoNamcor Petroleum Trading and Distribution (Pty) Ltd (NPTD).“Ehangano inali shainina Namcor okontalaka. Onda shaina okontalaka nehangano lyoNPTD pamuthika gokukala omukuluntuwiliki gwehangano,” okwa yelitha, okwa holola kutya ehangano lyoNPTD oli na ewilikongundu lyalyo. Okwa fatulula woo kutya ehangano lyoNamcor oli na oongeshefa odhindji dhe li pamba, mwa kwatelwa Namcor Exploration and Production (Pty) Ltd.Mokuyamukula komahokololo kutya okwa gandja epitikilo omahooli ga landwe koongunga shaa li nawa komahangano ngaashi Eco Trading, Mulunga okwa holola kutya omatokolo ga pamba eandjaganeko lyomahooli negandjo lyoongunga ohali ningwa kaanambelewa yalwe. Okwi ikala kutya ke na mo olunyala nande momatokolo ngoka.‘Edhiladhilo lyopangeshefa ewanawa’Mulunga okwa popile iimaliwa mbyoka yaEnercon, ta ti olyo euvathano li li muuwanawa wehangano lyoNPTD. Okwa ti kutya euvathano ndika otali pitike Enercon a vule okuhiilitha omaliko ge kehangano lyoNPTD okwaandjaganeka omahooli ku Intercon momukomokomoko gwoomvula 10.“Okontalaka ndjika oyopangeshefa. NPTD ota ka likola oshimaliwa she shoka a gandjele konima yoomvula ne, omanga oomvula hamano ndhoka dha hupa ko otaka mona ontanitho ye. Edhiladhilo ndika lyopangeshefa ewanawa,” okwa ti.Mulunga, ngoka e li mondjedhililo natango, okwa ti ota vulu owala okugandja obooloha yoN$10,0000, okwa kwashilipaleke ompangu kutya ita fadhuka po nande. Okwa dhenge omuthindo kutya ota kala moNamibia opo a yeleke edhina lye.“Kandi na omadhiladhilo gokufadhuka po, onda hala okutala nkene oshipotha tashi ka hula nokuyeleka edhina lyandje,” okwa lombwele ompangu.Epulakeno lyombooloha otali tsikile nena koshipala shomupanguli Mangestrata Linus Samunzala, naayeti yiihokolola oya tegelelwa ya ka pulapule nawa omukuluntuwiliki nale gwehangano lyomahooli.

Mulunga ta ti ina landelwa Audi, ti indile ombooloha N$10 000

Comments

Namibian Sun 2026-02-04

Please login to leave a comment

Mulunga ta ti ina landelwa Audi, ti indile ombooloha N$10 000

Comments

Namibian Sun 2026-02-04

Please login to leave a comment

Subscription Required to Access Content ×

Login

Subscription Required to Access Content