Malima a landele Mulunga eshete lyondilo
• Omatamaneko gaafekelwa ge ya puuyelele sho taya pulwa okanaku
Nonande ya pewa oomiliona N$53 kuNamcor opo ya tunge iitaasi yomahooli, Enercon ota ti iitaasi mbyoka yomahooli oye.
Victor Malima, nakufadhuka po nagumwe gwomaadhani nkandangala moshipotha shuulingilingili womahooli, anuwa okwa landa po eshete lyondilo lyoAudi Q8 ndjoka lya li lyomukuluntuwiliki nale gwehangano lyoNamcor Immanuel Mulunga, e li landa niimaliwa ya zi meuvathano li limbilika lyopangeshefa pokati komahangano Namcor naEnercon, shika osha popiwa ohela mOmpangu yaMangestrata gwaVenduka.
Malima, ngoka kwi itaalwa kutya okwa fadhuka po oshiwike sha zi ko, a yi mo Angola manga etseyitho tali mu indike opo kaa ze mo moshilongo inali tulwa kepandja lyopaungomba lyuuministeli wiikwameni, otaku hokololwa kutya okwa pewa oomiliona N$9.5 kehangano lyoEnercon Namibia okupitila mongeshefa, EcoTrading.
Ehangano ndika otali fekelwa kutya olya longithwa owala okwiiyambapaleka nokugandja omagano, mwa kwatelwa neshete lyondilo lya pewa Mulunga noli li kedhina lyagulwe.
Omweeti gwiihokolola Basson Lilungwe okwa holola kutya ehangano lyoEcoTrading inali landa owala eshete ndjoka, ihe olyo lya hali futu oasulansi yeshete ndika.
Eshete ndika oli li kedhina lyaHileni Kamati, nonande okwiitaalwa kutya eshete ndika oli li ku Mulunga.
Shika oshe ya puuyelele pethimbo lyepulakeno lyeindilo lyombooloha yaPeter Elindi, mwene gwehangano lyoEnercon, ngoka ta ti ke na“ uuyelele washa” nkene iimaliwa mbyoka ya pelwe ehangano lyaMalima lyoEcoTrading, yokugandja omahooli kuEnercon, kutya oya ka longithwa ngiini.
“Ihandi longele EcoTrading. Victor Malima okwa longo paumwene,” Elindi a lombwele ompangu.
“Oshilonga shandje osha hulu sho oshimaliwa sha taambathanwa,” okwa lombwele ompangu konima yokupulwa okanaku, sho a li ta kambadhala okwiikaleka kokule nomahokololo guulingilingi goEco Trading.
Nonande okwa holola kutya omupopepi naMalima, ngoka e mu tekula sho a li omushona, Elindi, okupitila momukalelipo gwe gwopaveta Sisa Namandje, okwe ekelehi kokule omapopyo kutya okwa kutha ombinga nenge oku na ontseyo yiinyangadhalwa yehangano lyoEcoTrading.
Nkene oshimaliwa sha longithwa
Shi ikolela kaatamaneki, oomiliona N$9.5 yimwe yomiimaliwa yoomilioona N$18.2 dha hupu po konima yeuvathano tali limbilike lyelanditho lyomaliko gongushu yoomiliona N$ 53.2 pokati komahangano ngaaka gaali Enercon naNamcor. Moshimaliwa shika, oomiliona N$35 odha shunwa ko Namcor dhi fute oondjo dhaEnercon ndhoka dhi li poomiliona N$108.
Nonande ongawo, aakonakoni otaya ti iimaliwa yimwe mbyoka ya hupu ko, oya gandjwa kaanambelewa aanene mo Namcor opo ya ningilwe shika naashiyaka, mwa kwatelwa okugwedhelwa ko ethimbo lyokufuta oondjo dhawo, konima sho ya nyengwa noya ndopa okugwanitha po shoka taya pulwa ya fute kehangano lyomahooli .
Kakele kokulanda eshete ndika lyoAudi Q8, iimaliwa yimwe oya gandjwa wo koongeshefa ngaashi Quality Meat Supplies naPanduleni Farming, noongeshefa ndhika odhomunambelewa nale omukuluntu koshikondo shiimaliwa moNamcor Jennifer Hamukwaya nomusamane gwe Panduleni Hamukwaya.
Oshikwawo, oshimaliwa hanga sha adha pomiliona yimwe osha yi mondjato yomutamananekwa pamwe nayo Cedric Willemse, omukuluntu gwoshikondo shetopolo lyomahooli moNamcor.
Aayeti yiihokola otaya ti kutya Willemse okwa pewa N$960 000, omanga Panduleni Hamukwaya okwa pewa etata lyomiliona( N$500 000).
Eipopilo
Namandje ohela okwa taukile mAayeti yiihokolola sho ya kwata po omuyakulwa gwe “kaye na oshipotha shimwe sha yela” nokwa ti kutya aayeti yiihokolola “otaya ningi omashendjo” pakutindila aatamanekwa oombooloha.
“Ito vulu okumanga po omuntu, to etha a holoke mompangu, ihe opo to kambadhala okukonga sho to mu tamanekele konima sho e li nale mokakuma,” Namandje a nyenyeta.
Okwa pula woo opo shi yele mo kutya omuyakulwa gwe Elindi ota tamanekelwa shike, okwa gwedha po kutya omahokololo inaga yela “gomakonakono taga tsikile” inaga gwana okukaleka omuyakulwa gwe mondjedhililo.
Oontamanana kombinga yomaliko
Elindi okwa lombwele ompangu kutya ongeshefa yoEnercon kayi shi ye oye awike, oshinima shoka sha ningitha aayeti yiihokolola ya tye kutya ke na oonkondo dhi ihea po dhokumanitha euvathano lyokulanditha iikwatelwa yomahooli ku Namcor koshimaliwa shoomiliona N$53.
Omweeti gwiihokolola Lilungwe okwa ti kutya ehangano lyoAugust 26 Holdings lyuuministeli wegameno, olya li li na iipambuliko yoopelesenda 50% mehangano lyoEnercon pethimbo euvathano ndika lya ningwa. Okwa pula kutya omolwashike ehangano lyoEnercon, ndjoka li na owala iipambuliko yoopelesenda 50%, olya landitha po ngiini iitaasi yawo yomahooli ku Namcor inaya pewa epitikilo kehewa lyawo mongeshefa– August 26 Holdings.
Mokutya ko sha, Namandje okwa ti kutya kape na okatendo kasha hoka taka ti ehangano lyoAugust 26 nali pe Enercon eptikilo li landithe po omaliko galyo.
Elindi ina vula okugandja oodokumende ndhoka tashi koleke kutya omaliko ngoka Enercon a landitha po kuNamcor oge, nonande ta ti embo lyiiniwe yehangano opo li li.
Nonande ehangano lyoEnercon olya pewa oshimaliwa kuNamcor, oshe ya puuyelele ohela mompangu kutya omaliko ngaka inaga ninga gehangano lyoNamcor.
Malima, ngoka kwi itaalwa kutya okwa fadhuka po oshiwike sha zi ko, a yi mo Angola manga etseyitho tali mu indike opo kaa ze mo moshilongo inali tulwa kepandja lyopaungomba lyuuministeli wiikwameni, otaku hokololwa kutya okwa pewa oomiliona N$9.5 kehangano lyoEnercon Namibia okupitila mongeshefa, EcoTrading.
Ehangano ndika otali fekelwa kutya olya longithwa owala okwiiyambapaleka nokugandja omagano, mwa kwatelwa neshete lyondilo lya pewa Mulunga noli li kedhina lyagulwe.
Omweeti gwiihokolola Basson Lilungwe okwa holola kutya ehangano lyoEcoTrading inali landa owala eshete ndjoka, ihe olyo lya hali futu oasulansi yeshete ndika.
Eshete ndika oli li kedhina lyaHileni Kamati, nonande okwiitaalwa kutya eshete ndika oli li ku Mulunga.
Shika oshe ya puuyelele pethimbo lyepulakeno lyeindilo lyombooloha yaPeter Elindi, mwene gwehangano lyoEnercon, ngoka ta ti ke na“ uuyelele washa” nkene iimaliwa mbyoka ya pelwe ehangano lyaMalima lyoEcoTrading, yokugandja omahooli kuEnercon, kutya oya ka longithwa ngiini.
“Ihandi longele EcoTrading. Victor Malima okwa longo paumwene,” Elindi a lombwele ompangu.
“Oshilonga shandje osha hulu sho oshimaliwa sha taambathanwa,” okwa lombwele ompangu konima yokupulwa okanaku, sho a li ta kambadhala okwiikaleka kokule nomahokololo guulingilingi goEco Trading.
Nonande okwa holola kutya omupopepi naMalima, ngoka e mu tekula sho a li omushona, Elindi, okupitila momukalelipo gwe gwopaveta Sisa Namandje, okwe ekelehi kokule omapopyo kutya okwa kutha ombinga nenge oku na ontseyo yiinyangadhalwa yehangano lyoEcoTrading.
Nkene oshimaliwa sha longithwa
Shi ikolela kaatamaneki, oomiliona N$9.5 yimwe yomiimaliwa yoomilioona N$18.2 dha hupu po konima yeuvathano tali limbilike lyelanditho lyomaliko gongushu yoomiliona N$ 53.2 pokati komahangano ngaaka gaali Enercon naNamcor. Moshimaliwa shika, oomiliona N$35 odha shunwa ko Namcor dhi fute oondjo dhaEnercon ndhoka dhi li poomiliona N$108.
Nonande ongawo, aakonakoni otaya ti iimaliwa yimwe mbyoka ya hupu ko, oya gandjwa kaanambelewa aanene mo Namcor opo ya ningilwe shika naashiyaka, mwa kwatelwa okugwedhelwa ko ethimbo lyokufuta oondjo dhawo, konima sho ya nyengwa noya ndopa okugwanitha po shoka taya pulwa ya fute kehangano lyomahooli .
Kakele kokulanda eshete ndika lyoAudi Q8, iimaliwa yimwe oya gandjwa wo koongeshefa ngaashi Quality Meat Supplies naPanduleni Farming, noongeshefa ndhika odhomunambelewa nale omukuluntu koshikondo shiimaliwa moNamcor Jennifer Hamukwaya nomusamane gwe Panduleni Hamukwaya.
Oshikwawo, oshimaliwa hanga sha adha pomiliona yimwe osha yi mondjato yomutamananekwa pamwe nayo Cedric Willemse, omukuluntu gwoshikondo shetopolo lyomahooli moNamcor.
Aayeti yiihokola otaya ti kutya Willemse okwa pewa N$960 000, omanga Panduleni Hamukwaya okwa pewa etata lyomiliona( N$500 000).
Eipopilo
Namandje ohela okwa taukile mAayeti yiihokolola sho ya kwata po omuyakulwa gwe “kaye na oshipotha shimwe sha yela” nokwa ti kutya aayeti yiihokolola “otaya ningi omashendjo” pakutindila aatamanekwa oombooloha.
“Ito vulu okumanga po omuntu, to etha a holoke mompangu, ihe opo to kambadhala okukonga sho to mu tamanekele konima sho e li nale mokakuma,” Namandje a nyenyeta.
Okwa pula woo opo shi yele mo kutya omuyakulwa gwe Elindi ota tamanekelwa shike, okwa gwedha po kutya omahokololo inaga yela “gomakonakono taga tsikile” inaga gwana okukaleka omuyakulwa gwe mondjedhililo.
Oontamanana kombinga yomaliko
Elindi okwa lombwele ompangu kutya ongeshefa yoEnercon kayi shi ye oye awike, oshinima shoka sha ningitha aayeti yiihokolola ya tye kutya ke na oonkondo dhi ihea po dhokumanitha euvathano lyokulanditha iikwatelwa yomahooli ku Namcor koshimaliwa shoomiliona N$53.
Omweeti gwiihokolola Lilungwe okwa ti kutya ehangano lyoAugust 26 Holdings lyuuministeli wegameno, olya li li na iipambuliko yoopelesenda 50% mehangano lyoEnercon pethimbo euvathano ndika lya ningwa. Okwa pula kutya omolwashike ehangano lyoEnercon, ndjoka li na owala iipambuliko yoopelesenda 50%, olya landitha po ngiini iitaasi yawo yomahooli ku Namcor inaya pewa epitikilo kehewa lyawo mongeshefa– August 26 Holdings.
Mokutya ko sha, Namandje okwa ti kutya kape na okatendo kasha hoka taka ti ehangano lyoAugust 26 nali pe Enercon eptikilo li landithe po omaliko galyo.
Elindi ina vula okugandja oodokumende ndhoka tashi koleke kutya omaliko ngoka Enercon a landitha po kuNamcor oge, nonande ta ti embo lyiiniwe yehangano opo li li.
Nonande ehangano lyoEnercon olya pewa oshimaliwa kuNamcor, oshe ya puuyelele ohela mompangu kutya omaliko ngaka inaga ninga gehangano lyoNamcor.
Comments
Namibian Sun
No comments have been left on this article