Kavango Uuningino ta indile oongamba dhi tendululwe

Elelo lyOshitopolwa shaKavango Uuninginino olya gandja omathaneko galyo kokamisi okatitano ke nasha netendo lyoongamba mEtiyali opo ya ete po iikandjohogololo iipe nokulundulula oongamba moshitopolwa.Ethaneko otali lalakanene okweeta omayakulo popepi noshigwana nokweendeleleka ehumo komeho moshitopolwa. Ethaneko olya kwatela mo okutopola iikandjohogololo yi li po nale.Omukuluntuwiliki gomathaneko Nambara Egidius okwa ti omanga kwa talwa kokweeta po oongamba dhimwe nokutopola iikandjohogololo, Elelo olya tala komwaalu gwaakalimo nenge kuunene wiikandjohogololo nena, komwaalu gwaahogololi, komatungo ge li po nokuukwatya wopankalathannowomahupilo.“Elelo lyopashitopolwa, melongelokumwe nombelewa yangoloneya, oya yi metalelopo lyiikandjohogololo ayihe okuza 2 sigo 10 Mai nelalakano okukundathana omatendululo ga thanekwa. Omadhiladhilo nomagwedhepo agehe gaakuuthimbinga nogoshigwana oga holola pu na ompumbwe onene yokutopola iikondjahogololo oyindji, shi ikolela komwaalu gwaahogololi. Okwiitaalwa okwe eta po iikandjohogololo iipe ya gwedhwa po otaku eta omayakulo popepi noshigwana notashi kwathele nokweendeleka ehumokomeho moshitopolwa,” okwa ti.“Uuyelele twa gandja uumbangi wa gwana mokudhenga omuthindo kokweeta po iikandjohogololo ya thanekwa mOshitopolwa shaKavango Uuninginino. Onkalo yaakalimo nompumbwe yokweeta po iikandjohogololo iipe otayi kutha po omukundu gwopashimaliwa Namibia ongoshilongo ta ka taalela molwa ehumokomeho lyaakwashigwana,” Egidius a ti. "Okwaaha-thikepamwe nondjala ohaku piyaganeke ombili nuudemokoli."Okwa ndhindhilike wo omashongo gamwe ga taalela oshitopolwa ngaashi ontengethaneko yomapendulopo inayi gwana noonkundathana noshigwana ihadhi ningwa komaunisteli ga yooloka ngoka ge na mo olunyala. Iikumungu yimwe tayi hepeke oshitopolwa omwa kwatelwa ehumokemoho tali shongola kombinga yoopate, ooskola, iipangelo nuupangelogona, omeya neandjaganeko lyolusheno komikunda, noshowo okwaa na iilonga kwa londa nonkalo yoluhepo.Egidius okwa gwedha po wo onkalo yomalukalwa inaa gwana, omakwatathano gopangodhi ga nika iipa yombwa – nomikunda dhimwe dha na nande omakwatathano gopangodhi ( onetworka) – oshowo aakalimo yaa na uuthemba woshilongo( oonzapo dhomavalo nuumutse woshilongo.MEtiyali, aakalimo oyendji oya zimine ethaneko lyomalunduluko ngaka. Frans Maboya okwa ti okwiitaala kutya omadhiladhilo ( omathaneko) gelelo ngaka ga pewa okakomisi oga kwatela mo omaiuvo agehe gaakalimo yomiikandjohogololo yi ili noyi ili. “Onkene, otandi yambidha lela omadhiladhilo ( omathaneko) ngaka gelelo.”nikanor@erongo.com.na

Kavango Uuningino ta indile oongamba dhi tendululwe

Comments

Namibian Sun 2026-02-05

Please login to leave a comment

Kavango Uuningino ta indile oongamba dhi tendululwe

Comments

Namibian Sun 2026-02-05

Please login to leave a comment

Subscription Required to Access Content ×

Login

Subscription Required to Access Content