Iimaliwa ayihe nayi longithwe - Ngoloneya gwaShana
Ngoloneya gwoshitopolwa shaShana Hofni Iipinge okwa gandja elombwelo kaanambelewa aakuluntu moshitopolwa, opo moshiketha shepangelo mwaa shune nande osenda molwomathaneko ga nkundipala nenge molwuuhasha. Sho a li moshigongi naanambelewa aakuluntu mosaala yaLeo Shoopala Hall mOshakati mEtitatu, Iipinge okwa holola kutya oshitopolwa osha pewa oomiliona N$357 dhontengenekothaneko yopokati komumvo, iimaliwa ayihe nayi longithwe nawa nomumvo ogo tuu ngoka gwoshimaliwa.
“Ethimbo lyokukala niimaliwa inayi longa eta yi shunwa moshiketha shepangelo nali hule. Onkalo ndjika ohayi yi moshipala ehumokomeho, ohayi kateke egandjo lyomayakulo koshigwana nohayi eta oshigwana shi kanithe omukumo mepangelo,” okwa ti.
Okwa gandja elombwelo kaanambelewa taya wilike oombelewa moshitopolwa opo yi iyendithe po nawa nokutseya oopoloyeka adhihe dhomoshikako shahugunina shomumvo, mwa kwatelwa euveko lya nkene oshimaliwa sha topolwa osha gandjwa, uulethimbo woopoloyeka ndhoka, omilandu dhomambestelo noshowo iizemo mbyoka ya tegelelwa. “Okwiidhimbika nenge okuza mo moongamba dhopoloyeka ndjoka ya tulwa po itashi ki idhidhimikilwa,” okwa gwedha po.
Olopota yeyokomeho lyiilonga konima yoomwedhi 3
Opo ku endelelekwe iilonga, Iipinge okwa tseyitha kutya oombelewa adhihe otadhi ka tegelelwa dhi tume olopota yeyokomeho lyiilonga konima yoomwedhi ndatu kehe kombelewa ye. Molopota ndjika namu kale mwa kwatelwa omauyelele kombinga ya nkene opoloyeka ya tulwa miilonga, nkene iimaliwa ya longithwa, shoka sha pondolwa po, omashongo ga tsakanekwa noshowo oonkatu tadhi ka katukwa okwoopaleka omapuko nenge okutsikila komeho nawa. Oolopota ndhoka otadhi ka gwedhwa kwaandhoka hadhi tumwa ngaashingeyi kokomitiye yomapendulopo moshitopolwa.
Mokudhenga omuthindo kompumbwe yokuungaunga niilanduli, Iipinge oku uvaneke kutya ota ka longela kumwe nomaunisteli noombelewa shampa oombelewa dhi inekelwa oshinakugwanithwa kepangelo dha ndopa okulonga iilonga yadho. “Oshana itashi kala we tashi shunitha iimaliwa moshiketha shepangelo oshikwawo itashi kala we netulomiilonga lyoopolohama tali katekwa,” okwa ti.
Okwi indile woo oombelewa dhi longele kumwe, unene tuu moopoloyeka ndhoka dha guma iikondo niikondo, opo omainda ngoka haga kateke iinima ga kuthwe po nokukwashilipaleka kutya oshigwana otashi yakulwa nawa.
“Oshigwana inashi hala omaipopilo nomatompelo ogendji gendji; osha hala iilongwa tayi longwa,” Iipinge a ti, okwa gwedha po kutya nonande ombelewa ye otayi ka kwatha uuna sha pumbiwa, otayi ka pula woo aanambelewa ya longe nawa uuna inaa ya longa nawa.
“Ethimbo lyokukala niimaliwa inayi longa eta yi shunwa moshiketha shepangelo nali hule. Onkalo ndjika ohayi yi moshipala ehumokomeho, ohayi kateke egandjo lyomayakulo koshigwana nohayi eta oshigwana shi kanithe omukumo mepangelo,” okwa ti.
Okwa gandja elombwelo kaanambelewa taya wilike oombelewa moshitopolwa opo yi iyendithe po nawa nokutseya oopoloyeka adhihe dhomoshikako shahugunina shomumvo, mwa kwatelwa euveko lya nkene oshimaliwa sha topolwa osha gandjwa, uulethimbo woopoloyeka ndhoka, omilandu dhomambestelo noshowo iizemo mbyoka ya tegelelwa. “Okwiidhimbika nenge okuza mo moongamba dhopoloyeka ndjoka ya tulwa po itashi ki idhidhimikilwa,” okwa gwedha po.
Olopota yeyokomeho lyiilonga konima yoomwedhi 3
Opo ku endelelekwe iilonga, Iipinge okwa tseyitha kutya oombelewa adhihe otadhi ka tegelelwa dhi tume olopota yeyokomeho lyiilonga konima yoomwedhi ndatu kehe kombelewa ye. Molopota ndjika namu kale mwa kwatelwa omauyelele kombinga ya nkene opoloyeka ya tulwa miilonga, nkene iimaliwa ya longithwa, shoka sha pondolwa po, omashongo ga tsakanekwa noshowo oonkatu tadhi ka katukwa okwoopaleka omapuko nenge okutsikila komeho nawa. Oolopota ndhoka otadhi ka gwedhwa kwaandhoka hadhi tumwa ngaashingeyi kokomitiye yomapendulopo moshitopolwa.
Mokudhenga omuthindo kompumbwe yokuungaunga niilanduli, Iipinge oku uvaneke kutya ota ka longela kumwe nomaunisteli noombelewa shampa oombelewa dhi inekelwa oshinakugwanithwa kepangelo dha ndopa okulonga iilonga yadho. “Oshana itashi kala we tashi shunitha iimaliwa moshiketha shepangelo oshikwawo itashi kala we netulomiilonga lyoopolohama tali katekwa,” okwa ti.
Okwi indile woo oombelewa dhi longele kumwe, unene tuu moopoloyeka ndhoka dha guma iikondo niikondo, opo omainda ngoka haga kateke iinima ga kuthwe po nokukwashilipaleka kutya oshigwana otashi yakulwa nawa.
“Oshigwana inashi hala omaipopilo nomatompelo ogendji gendji; osha hala iilongwa tayi longwa,” Iipinge a ti, okwa gwedha po kutya nonande ombelewa ye otayi ka kwatha uuna sha pumbiwa, otayi ka pula woo aanambelewa ya longe nawa uuna inaa ya longa nawa.
Comments
Namibian Sun
No comments have been left on this article