Iihemba nayi kotokelwe - Endiki lyokupanga uuvu wiiti yanathigo

Oondohotola mendiki hali panga uuvu wiiti yanathigo moRundu oya londodha oshigwana kombinga yuuvu wiiti yanathigo tayi londo pombanda omolwelongitho lyiihemba niigwanga, moshitopolwa shoka sha simaneka elongitho lyiihemba monkala yawo yeiku nesiku Ta popi noshikundaneki shoNamibian Sun kuyele oshiwike shika, omukuluntuwiliki gwendiki ndika Augustinus Alpo okwa londodha oshigwana kutya nonande elongitho lyiihemba olya simana pamuthigululwakalo, okulongitha iihemba papuko otaku vulu okutula oomwenyo dhaantu moshiponga.“Aavu ye na uuvu wiiti yanathigo ye vule pomilongo ntano oye ya koshipangelo konima sho ya longitha iihemba epitilila,” Alpo a ti. “Miiwike yimwe ya piti, otwa panga aavu ye vule pomulongo ye na omandhindhiliko ga faathana – agehe ge etwa kelongitho lyiihemba inali kondololwa nawa.”Alpo okwa fatulula kutya uuzigo hau zi miihemba ohau holoka ngele omauzigo ge li miihemba oga yi mombinzi niiti yanathigo eta yi nyengwa okudhinda mo omauzigo ngaka. “Iiti yanathigo ihayi londodha omuntu. Nena ogwakanakandjegele, ongula iiti yanathigo itayi longo sha nandenande. Kape na omandhindhiliko ga sha ge ku londodhe. Nomolwashoka omukithi nguka ogwa nika oshiponga noonkondo,” okwa fatulula.Nonande Alpo a koleke kutya oshigwana oshi itaala lela mepango lyopamuthigululwakalo, okwi indile oshigwana shi kale sha kotoka noshi ilonge mo sha. “Aantu oyi itaala melongitho lyiihemba, ashike naya tseye kutya iigwanga yimwe oya nika oshiponga. Yimwe ohayi yonagula po iilyo yolutu mbyoka kwa dhiladhilwa kutya oyo tayi pangwa,” okwa ti. “Elongitho nayi lyiihemba olundji ohali etele olutu lu kolonde, nohashi tula omwenyo gwomuvu moshiponga nayi.”Alpo okwa tsu omukumo aavu opo ya ye kiipangelo tango manga inaa longitha iihemba shaambyoka. “Katu li ompinge nomuthigululwakalo, ashike otu lile po okuhupitha oomwenyo. Onkene natu longitheni omiti ndhoka iizemo yadho tu yi shi, dhi na egameno nodha kondololwa.”Okuyamukula kokulila kwoshigwanaEndiki lyokukwatha aantu taya ehama uuvu wiiti yanathigo moRundu, li li oshitopolwa shendiki lyuundjolowele lyoFigo Health network li na iitayi mOmbaye nomOngwediva, olya patulukile muSeptemba 2023. Olya totwa po mokuyamukula kompumbwe yomashina gokudhinda mo omauzigo molutu maanuuvu yiiti yanathigo mOshipangelo shEpangelo shaRundu. Manga Endiki ndika lya li lyaa po, aavu oyendji taya lumbu nomukithi gwiiti yanathigo itayi longo oya li haya yi koshipangelo shaVenduka, taya thigi po aakwanezimo yawo, iilonga nomailongo gawo.“Endiki ndika olye ya po molwokulila kwoshigwana,” Alpo a ti. “Otwa mona aavu taya ehama uuvu wiiti yanathingo taya etha oskola nokukanitha iilonga yawo omolwokutembukila kOvenduka molwepango lyawo. Otwa mono sha simana okuyetela epango popepi nayo.”Endiki ndika ngashingeyi ohali yakula aavu ya konda pomilongo mbali mboka taya ehama uuvu wiiti yanathigo. Aavu mbaka oya za miitopolwa ngaashi Kavango Uuzilo, Kavango Uuninginino nomomikunda dhi li mUuzilo woshitopolwa shaZambezi. Aavu mbaka yamwe oya za kiipangelo yepangelo noshowo kiipangelo yopaumwene, natango endiki ndika otali panga uuvu womalaria maanona mboka hau ka ninga uuvu wiiti yanathigo – oshinima shoka endika lya li inali shi ilongekidhila okupanga.Endiki lya simana Nonande endiki ndika otali dhana onkandangala yasimana mokupanga oshigwana, aantu oyendji inaya tseya ngele ope na endiki lyoludhi ndoka. Pethimbo a talele po endiki ndika oshiwike shika, Ngoloneya gwoshitopolwa shaKavango Uuzilo Hamunyera Hambyuka okwa ti: “Aantu oyendi inaya tseya ngele ope na ehala ndika moRundu. Naashika otashi ti otwa pumbwa okwaandjaganeka omauyelele natango kombinga yendiki ndika.”Hambyuka okwa dhenge omuthindo woo kesimano yelongelokumwe tali tsikile pokati kOshipangelo shEpangelo shaRundu nonuuministeli wuundjolowele opo ku kwashilipalekwe kutya aavu otaya tuminwa kendiki ndika pwaa na omaongaongo shoka tashi pupaleke omutenge gu li komapepe giipangelo nomandiki gomOvenduka. “Ngele otu na omandiki goludhi nduka moRundu, otatu hepekele shike aantu ye ende oondjila oondeendee?” okwa pula.

Iihemba nayi kotokelwe - Endiki lyokupanga uuvu wiiti yanathigo

Comments

Namibian Sun 2025-06-27

Please login to leave a comment

Iihemba nayi kotokelwe - Endiki lyokupanga uuvu wiiti yanathigo

Comments

Namibian Sun 2025-06-27

Please login to leave a comment

Login