Iihauto mbyoka haya hingi oye yi pelwe mo2009
Aaleli yopamuthigululwakalo taya longo nuudhigu
Omalenga gamwe ohage ya kiigongi nuutemba woondoongi, shoka hashi ga yolitha kaalelwa yawo.
Omunashipundi gwOmalelo goPamuthigululwakalo, Gaob Immanuel Nu-Axa /Gaseb, okwa hokolola onkalo ondhigu ndjoka aaleli yopamuthigululwakalo moNamibia taya mwenya muyo – ohaya kwata N$2500 komwedhi noohauto ndhoka ya pewa kepangelo oye dhi pelwe mo2009, onkene odha kulupa.
“Oshikando sha hugunina twa pelwe iihauto opethimbo lyaminista Jerry Ekandjo. Iihauto yomalelo gopamuthigululwakalo ogendji ihayi longo we, nomalenga ngoka ge na iihauto oya ningwa iikwakwa,” okwa ti.
Okwa gwedha po kutya onkalo ondhigu noonkondo, oshoka omalenga gamwe ohaga lefe nenge ohage ya kiigongi nuutemba woondoongi – oshinima shoka tashi ya ngushulula nokuya dhinitha koshigwana.
“Ongelenga nomunashipundi gwomalelo gopamuthigululwakalo, ohandi kwata owala N$2 600 komwedhi. Aantu ohaya dhiladhila kutya pamwe ohatu futwa nawa (N$10 000), ashike hasho shi li ngaaka,” okwa ti.
‘Otatu mono iihuna’
/Gaseb okwa ti kutya onkalo ndjika yaaleli yopamuthigululwakalo otayi ulike kutya epangelo itali ya sile oshimpwiyu.
“Aaleli yopamuthigululwakalo otaya mono iihuna. Itatu pula iinima oyindji, otwa hala owala okusimanekwa nokuyambidhidhwa, molwashoka out na oshinakugwanithwa shokutakamitha evi lyaayehe noku li gamenena po opo li ka longithwe nokomapipi tage ya,” okwa ti.
“Oshiyemateka okumona aaleli yetu taye ya kiigongi kolupadhi nenge nuutemba woondoongi, shoka tashi eta opo ya dhinike kaalelwa yawo.”
Epangelo tali kandeke ehumokomeho
/Gaseb ina nyanyukilwa epangelo sho tali kandeke opoloyeka yAaputu ndjoka ya hala okulonga olusheno lwoketango mOshitopolwa Erongo. Euvathano ndika olya kwatela mo egandjo lyiiyenditho komalelo agehe gopamuthigululwakalo.
Okwa ti kutya opoloyeka ndjika otayi vulu okukwatha oshilongo shetu shaa kale owala she egamena unene kolusheno talu longwa pondje yoshilongo, opoloyeka otayi ka gandja omauwanawa gi iwetikile moshigwana ngaashi ekandulopo lyomukundu gwiiyenditho yomalenga.
“Itatu pula oshindji. Otwa mono omunangeshefa ngoka te tu kwatha, ehala olya monika, noshinima shoka sha kamba po ngashingeyi osho eziminino okuza kepangelo. Opoloyeka ndjika otayi vulu okukonakonwa nawa nokweendekululwa mpoka tashi pumbiwa, ashike otwa hala okuya komeho,” okwa ti.
Shi ikolela ku/Gaseb, eindilo lyawo oye li ningi petameko lyomvula yonuumvo, nomalelo gopamuthigululwakalo otaga ti ando oge na okukala ga yamukulwa nale pethimbo ndika.
“Ngele itatu yamukulwa, otwa tegelela omupresidente nenge omukwanepangelo ngoka ta tumwa ko, a ka kale moshigongi shetu shoka tashi kala ko mOndangwa moshiwike shotango shaSeptemba, ngoka te ke tu pa omayamukulo kutya omolwashike opoloyeka tayi kandekwa,” okwa ti.
Ooyene yomikunda ya kala kokule naalelwa yawo
/Gaseb okwa taukile momalenga ngoka haga zi moondoolopa nohaga futwa oshimaliwa shoka sha pumbwa okulongithwa mokukwatha oshigwana shi li kiitopolwa yokuushayi.
“Ope na aaleli yopamuthigululakalo yamwe mboka haya mono oshimaliwa kepangelo ihe itaya kwatha aalelwa yawo, oshoka aaleli mbaka oya kala moondoolopa,” okwa ti. “Osha puka. Oto kwatathana nawa ngiini naalelwa yoye ngele owa kala kokule nayo?”
Okwa ti oshikumungu shoka otashi ka kundathanwa nawa moshigongi shOmalelo gopamuthigululwakalo shoka shi li ko muSeptemba.
“Oshinakugwanithwa shelenga li kwashilipaleke kutya ooyene yomikunda otaya lele omikunda moka ya kala. Oshinima shika otashi ka kala oshikundathanwa sha simana moshigongi shetu.”
Eyamukulo lyaMinista
Omalelo goPamuthigululwakalo oge li kohi yUuministeli wOmapendulopo gIilando nOmikunda. Sho a pulwa kombinga yaaleli yopamuthigululwakalo mboka ya kala kokule naalelwa yawo, minista James Sankwasa okwa ti oshikumungu shika osha kitakana oshoka osha guma omithigululwakalo nuukwaniilwa.
Kakele Sankwasa, ita yolo nande nookamunsela yomalelo gondoolopa nomikunda mboka ya kala kokule naalelwa yawo, oshiholelwa Sankwasa okwa kutha miilonga mayola omukulu gwondoolopa yaMuthiya Johannes Ndeutepo ngoka ha longele kOvenduka.
“Oshikando sha hugunina twa pelwe iihauto opethimbo lyaminista Jerry Ekandjo. Iihauto yomalelo gopamuthigululwakalo ogendji ihayi longo we, nomalenga ngoka ge na iihauto oya ningwa iikwakwa,” okwa ti.
Okwa gwedha po kutya onkalo ondhigu noonkondo, oshoka omalenga gamwe ohaga lefe nenge ohage ya kiigongi nuutemba woondoongi – oshinima shoka tashi ya ngushulula nokuya dhinitha koshigwana.
“Ongelenga nomunashipundi gwomalelo gopamuthigululwakalo, ohandi kwata owala N$2 600 komwedhi. Aantu ohaya dhiladhila kutya pamwe ohatu futwa nawa (N$10 000), ashike hasho shi li ngaaka,” okwa ti.
‘Otatu mono iihuna’
/Gaseb okwa ti kutya onkalo ndjika yaaleli yopamuthigululwakalo otayi ulike kutya epangelo itali ya sile oshimpwiyu.
“Aaleli yopamuthigululwakalo otaya mono iihuna. Itatu pula iinima oyindji, otwa hala owala okusimanekwa nokuyambidhidhwa, molwashoka out na oshinakugwanithwa shokutakamitha evi lyaayehe noku li gamenena po opo li ka longithwe nokomapipi tage ya,” okwa ti.
“Oshiyemateka okumona aaleli yetu taye ya kiigongi kolupadhi nenge nuutemba woondoongi, shoka tashi eta opo ya dhinike kaalelwa yawo.”
Epangelo tali kandeke ehumokomeho
/Gaseb ina nyanyukilwa epangelo sho tali kandeke opoloyeka yAaputu ndjoka ya hala okulonga olusheno lwoketango mOshitopolwa Erongo. Euvathano ndika olya kwatela mo egandjo lyiiyenditho komalelo agehe gopamuthigululwakalo.
Okwa ti kutya opoloyeka ndjika otayi vulu okukwatha oshilongo shetu shaa kale owala she egamena unene kolusheno talu longwa pondje yoshilongo, opoloyeka otayi ka gandja omauwanawa gi iwetikile moshigwana ngaashi ekandulopo lyomukundu gwiiyenditho yomalenga.
“Itatu pula oshindji. Otwa mono omunangeshefa ngoka te tu kwatha, ehala olya monika, noshinima shoka sha kamba po ngashingeyi osho eziminino okuza kepangelo. Opoloyeka ndjika otayi vulu okukonakonwa nawa nokweendekululwa mpoka tashi pumbiwa, ashike otwa hala okuya komeho,” okwa ti.
Shi ikolela ku/Gaseb, eindilo lyawo oye li ningi petameko lyomvula yonuumvo, nomalelo gopamuthigululwakalo otaga ti ando oge na okukala ga yamukulwa nale pethimbo ndika.
“Ngele itatu yamukulwa, otwa tegelela omupresidente nenge omukwanepangelo ngoka ta tumwa ko, a ka kale moshigongi shetu shoka tashi kala ko mOndangwa moshiwike shotango shaSeptemba, ngoka te ke tu pa omayamukulo kutya omolwashike opoloyeka tayi kandekwa,” okwa ti.
Ooyene yomikunda ya kala kokule naalelwa yawo
/Gaseb okwa taukile momalenga ngoka haga zi moondoolopa nohaga futwa oshimaliwa shoka sha pumbwa okulongithwa mokukwatha oshigwana shi li kiitopolwa yokuushayi.
“Ope na aaleli yopamuthigululakalo yamwe mboka haya mono oshimaliwa kepangelo ihe itaya kwatha aalelwa yawo, oshoka aaleli mbaka oya kala moondoolopa,” okwa ti. “Osha puka. Oto kwatathana nawa ngiini naalelwa yoye ngele owa kala kokule nayo?”
Okwa ti oshikumungu shoka otashi ka kundathanwa nawa moshigongi shOmalelo gopamuthigululwakalo shoka shi li ko muSeptemba.
“Oshinakugwanithwa shelenga li kwashilipaleke kutya ooyene yomikunda otaya lele omikunda moka ya kala. Oshinima shika otashi ka kala oshikundathanwa sha simana moshigongi shetu.”
Eyamukulo lyaMinista
Omalelo goPamuthigululwakalo oge li kohi yUuministeli wOmapendulopo gIilando nOmikunda. Sho a pulwa kombinga yaaleli yopamuthigululwakalo mboka ya kala kokule naalelwa yawo, minista James Sankwasa okwa ti oshikumungu shika osha kitakana oshoka osha guma omithigululwakalo nuukwaniilwa.
Kakele Sankwasa, ita yolo nande nookamunsela yomalelo gondoolopa nomikunda mboka ya kala kokule naalelwa yawo, oshiholelwa Sankwasa okwa kutha miilonga mayola omukulu gwondoolopa yaMuthiya Johannes Ndeutepo ngoka ha longele kOvenduka.
Comments
Namibian Sun
No comments have been left on this article