Eyokomeho mopoloyeka yeandjaganeko lyolusheno mOndangwa
Sho opoloyeka yeandjaganeko lyolusheno mOmahenene mOndangwa tayi humu komeho, elelo lyondoolopa olya ningi oshigongi mEttiyali naakalimo yomOmahenene noyomEpya ye ya tseyithile omifango tadhi ka longithwa opo ya tulilwe olusheno momagumbo gawo.
Opoloyeka oya yambidhidhwa pashimaliwa kUuministeli wOomina nIikwankondo yi li momake gaNORED oya li yi na okutulwa miilonga momumvo gwoshimaliwa 2020/21 ihe molwa omukithi gwoCOVID-19, oya undulilwa ku Septemba 2023-Januali 2024.
Omupopiliko gwondooolopa yaNdangwa Petrina Shitalangaho-Mutikisha okwa ti elelo lyondoolopa olya tula olusheno nomagumbo 300 nongashingeyi otali kambadhala okutula olusheno momagumbo 153 lwaampo.
“Iionga yokutula olusheno momagumbo oya tameka nooyene yomagumbo ya tegelelwa ya gwanithe po iipumbiwa yokutulitha olusheno omagumbo gawo notaga ka tema.. Oya tegelelwa ya kale nombaapila yepopilo okuza kelelo lyondoolopa yi na uukwatya wa faathana naamboka wu li pokamutse koshilongo ka dhengwa oshihako shopolisi.
Mekwatelokumwe, esimano lyokwaandjaganeka lyolusheno itali vulu okukala inaali tumbulwa, oshoka olya simana molwa egameno, okulonga nawa, noku uva uugumbo megumbo lyoshinanena” Shitalangaho-Mutikisha a ti.
Okwa ti nonande monakuziwa opwa li omashongo ogendji ga kwatakanithwa nolukanda lwaa na olusheno, shika otashi ka kala oshinima shaa shi wike nomapaandaanda, muukololo womilema nomomagumbo gaa na olusheno.
Omahenene olo lumwe lwomomalukanda omakulukulu mOndangwa, nolwa tulwa mongundu yomahala gaaniiyemo iishona.
“Otwa hala okugandja olupandu lwetu lwa shewa kaakalimo yomUuskopa, Omahenene nEpya molwa eidhidhimiko nelongelokumwe pethimbo lyiilonga yokufula oopala mOmahenene. Euvoko neyayambidhidho lyawo olya kwatha opoloyeka ndjika yi ye komeho ngaashi sha thanekwa pwaa na omapiyaganeko nenge omakateko kombinga yawo,” Shitalangaho-Mutikisha a ti.
Okwi indile aakalimo ya kwate nawa omaliko gawo ta ti elelo lyondoolopa otali ka tala koku andjaganeka olusheno komalukanda galwe noha koku longulula iinima ya yonuka.
Opoloyeka oya yambidhidhwa pashimaliwa kUuministeli wOomina nIikwankondo yi li momake gaNORED oya li yi na okutulwa miilonga momumvo gwoshimaliwa 2020/21 ihe molwa omukithi gwoCOVID-19, oya undulilwa ku Septemba 2023-Januali 2024.
Omupopiliko gwondooolopa yaNdangwa Petrina Shitalangaho-Mutikisha okwa ti elelo lyondoolopa olya tula olusheno nomagumbo 300 nongashingeyi otali kambadhala okutula olusheno momagumbo 153 lwaampo.
“Iionga yokutula olusheno momagumbo oya tameka nooyene yomagumbo ya tegelelwa ya gwanithe po iipumbiwa yokutulitha olusheno omagumbo gawo notaga ka tema.. Oya tegelelwa ya kale nombaapila yepopilo okuza kelelo lyondoolopa yi na uukwatya wa faathana naamboka wu li pokamutse koshilongo ka dhengwa oshihako shopolisi.
Mekwatelokumwe, esimano lyokwaandjaganeka lyolusheno itali vulu okukala inaali tumbulwa, oshoka olya simana molwa egameno, okulonga nawa, noku uva uugumbo megumbo lyoshinanena” Shitalangaho-Mutikisha a ti.
Okwa ti nonande monakuziwa opwa li omashongo ogendji ga kwatakanithwa nolukanda lwaa na olusheno, shika otashi ka kala oshinima shaa shi wike nomapaandaanda, muukololo womilema nomomagumbo gaa na olusheno.
Omahenene olo lumwe lwomomalukanda omakulukulu mOndangwa, nolwa tulwa mongundu yomahala gaaniiyemo iishona.
“Otwa hala okugandja olupandu lwetu lwa shewa kaakalimo yomUuskopa, Omahenene nEpya molwa eidhidhimiko nelongelokumwe pethimbo lyiilonga yokufula oopala mOmahenene. Euvoko neyayambidhidho lyawo olya kwatha opoloyeka ndjika yi ye komeho ngaashi sha thanekwa pwaa na omapiyaganeko nenge omakateko kombinga yawo,” Shitalangaho-Mutikisha a ti.
Okwi indile aakalimo ya kwate nawa omaliko gawo ta ti elelo lyondoolopa otali ka tala koku andjaganeka olusheno komalukanda galwe noha koku longulula iinima ya yonuka.
Comments
Namibian Sun
No comments have been left on this article