Eso lyombaadhilila lyomufuko lya halutha oshigwana

Oshituthi shoka sha li shi na okukala shenyanyu neligolo osha shitukile moluhodhi olulululu kaakwaneimo yanakusa Chief Inspector Vaino Dhimbulukwa Vaino (39), ngoka a mana oondjenda dhe momasiku 28 Juni 2025 moshiponga sheimangeleko, ku na owala omasiku taga yalulwa opo a hokane pangeleki. Vaino, omunambelewa omukuluntu ha longele opolisi yaNamibia mOvenduka, okwi itsuwa i imangeleka mondunda ye potundi 08:30 megumbo lyaakuluntu ye muAshinkumbwe moshitopolwa shaShikoto. Omudhimba gwe ogwi itsuwa komumwayinakadhona. Okwa li a tegelelwa i igithe ohango ye ngongula, nohango oya li yi na okukala ko mEtitano lyomasiku 4 Juli.Opolisi oya koleke kutya ina thiga po omukanda gwa sha ngoka tagu holola kutya okwiimangelekele shike. Oshiningwanima shika osha halutha nokukumitha aakwanezimo noshigwana woo.OnkumweOmukwanezimo gumwe, ngoka i indile opo kaa tumbulwe kedhina, okwa hokolola omathimbo gahugunina ganakusa Vaino. “Okwa yi koshigundi natate pamwe naakwanezimo yamwe. Okwa zi koshigunda nongodhi, ashike inatu nongela sha nenge tu ipule kutya okwa kuthile shike ongodhi. Lwanima, okwe tu lombwele kutya ota ka ya kondoolopa po09:00. Ngashingeyi opo tatu ipula kutya ngiika okwa li ta popi oshinima shimwe shi ili.”Okwe ki iyoga sho a zi koshigunda, ashike lwanima okwe ki itsuwa a mana oondjenda dhe mondunda ye.Onkundana sho ya taandele noshilongo, aakwanezimo inaya nika owala oluhodhi omolweso ndika lyombaadhilila ihe oya hendwa koomwenyo komahokololo gokomalungula taga yemateke. “Aantu otaya hokolola omahokololo gawo – taya ti okwa li a tila ohango nenge okwa thiminikilwa mondjokana. Kashi shi oshili shoka. Omufuko (omukulukadhi) gwe ota lili omuholike gwe. Ina pumbwa okugwedhelwa uudhigu uukwawo,” omupambele a ti.Omuniilonga omunandjunguVaino okwa adhika opo a yelwa ponkatu yuuChief Inspector. Oonakumutseya nawa oye mu hokolola kutya omulumentu a li omumweni, omwiifupipiki nomunandjungu miilonga ye.Omunandjungu Michael Amushelelo, omumwayinagona gwanakusa oye gumwe gwomaantu yotango mboka ya popi kombinga yoshiponga shika moshigwana. Metumwalaka lye komalungula, Amushelelo okwa lili mumwayina nokwi indile opo tu taleni nomeho omanene kuundjolowele wetweni wopamadhiladhilo.“Ohatu popi kombinga yohenda nontalanteni, ashike ohatu nyanyukwa ngele yakwetu ya punduka nenge ya adhika komaudhigu. Omadhiladhilo geikuthomwenyo otaga vulu okuya momadhiladhilo gashaangoka,” okwa lombwele oshikundaneki shoNamibian Sun mEtiyali. “Okwa li omumweni. Iha popyagana. Oya popya natate gwe ongula yesiku ndjoka. Ashike inaya ko we kOndangwa.”Amushelelo okwi indile Aanamibia ya kale haya kwathathana nokuyakulathana omitenge. “Aantu oye na omaudhigu ogendji, unene tuu aalumentu yoludhi lwetu(Aaluudhe). Ngele itatu tameke okukonga ehungomwenyo ngele twa adhika komashongo, nena otatu kala nokukanitha ooyakwetu mboka ya mwenena omaudhigu gawo e tage ya tono oonkondo.”Hasho oshikando shotangoOshiponga shika osha faathana naashoka shomuDesemba 2022, sho omukwiita Petrus Iiyambo (41) a si moshiponga sheimangeleko a zala oshuta ye yehokanitho esiku lyohango ye. Nakusa okwa li omukalimo gwomOnakatambili moshitopolwa shaShana.Iiningwanima mbika iyali oya yumudha po omapopyo noeindilo lyomeendelelo kutya natu longwe kombinga yuundjolowele wetu wopamadhiladhilo naampoka tatu vulu okumona omakwatho nehungomwenyo, unene tuu aakwiita naapolisi mboka ya taalelwa komashongo gi ikalekelwa.Aakwanezimo yanakusa Vaino mokuthindikila omuholike gwawo pethimbo ndjoka ya li ya tegelela okudhana ohango ye, oya tumbula ngeyi: “Natu silathaneni ohenda. Tu pulakeneni yakwetu uuna taye tu lombwele kutya oye na omaudhigu.”

Eso lyombaadhilila lyomufuko lya halutha oshigwana

Comments

Namibian Sun 2025-09-03

Please login to leave a comment

Eso lyombaadhilila lyomufuko lya halutha oshigwana

Comments

Namibian Sun 2025-09-03

Please login to leave a comment

Login