Elondo lyoondando lya gwedha ko N$ 4 000 kiihohela yomagumbo N$ 1 miliona

Omagwehelo gaali giihohela gomumvo nguka kOmbaanga Onene yaNamibia (BoN) otaga vulu okuthiga aanamagumbo oyendji taya thipwa kiihohela yomikuli dhawo, moka egwedhelo lyo-N$ 334 kehe komwedhi kukehe egumbo lyakotha N$ 1 million, shoka tashi yi thikitha ko N$4 000 lwaampoka komumvo. Omagumbo ngoka ge na oondjo dhi ili nodhi ili konyala otaga ka thindwa unene, oshoka otaga taalele iifuta ya londa yomagumbo, iihauto noondjo dhilwe. Uukwanegumbo mboka wu na oongunga dhegumbo dhokuza pomiliona yimwe okuya noongunga dhiiyenditho dhomayovi omathele gatatu, ota wu ka taalela N$ 408 miihohela ya gwedhelwa ko, konima yomagwedhelo ngoka ga tseyithilwe muJuuni naKotomba.Osha hala okutya oshimaliwa shokonyala N$4 900 komumvo, iimaliwa mbyoka ya li yi ye kiikulya, iifuta yoosikola, olusheno, iiyendo niipumbiwa yomagumbo yilwe. Ombaanga Onene yaNamibia oya gwedhako kiihohela niitsa omi-25 muJuuni naishewe momasiku 28 ga Kotomba, shoka sha londeke iihohela yoombaanga okuza poopresenda 6.5 okuya poopresenda 7.Shika osha londitha wo iihohela yiipindi po-10.5% okuza po-10%, shoka sha guma aaheheli mboka oondjo dhawo dha kankamena kuyo. Ye shi uvite lela Oku shi ulika, omunegumbo e na oongunga dhegumbo dhomiliona yimwe noomvula omilongo mbalidha hupa ko okwa li e na okufuta konyala N$9 650 komwedhi manga egwedhelo lyaJuuni ina li ningwa.Moshihoolelwa, ofuto oya londo sigo okonyala N$ 9 816 konima yegwedhelo lyotango, nosigo N$9 984 konima yetokolo lyomuKotomba. Mokutulwa kumwe, egwedhelo lyokonyala N$ 334 otali vulu okumonika lya fa eshona ngele tali talelwa owala momwedhi gumwe gwokufuta. Ihe, oshiviha shalyo muukwanegumbo ohashi tameke okwiimonikila ngele sha talelwa moshikakothimbo oshile. Ngele iimaliwa iishona, omunegumbo ota ka futa konyala N$ 4000 muule womumvo gwa udha, shi vulithe po kwaambyoka yegwedhelo lyomuJuuni.Ngele egwedhelo ndika lyokomwedhi olya kala ngawo, otali ka gwedha ko konyala N$20 000 muule woomvula ntano. Omwaalu gwolela otagu kiikwatelela kiihohela yokomeho nosho wo koshipungo shomukuli gwegumbo shoka sha hupa ko. Omagwedhelo ngaka otaga dhenge unene uukwanegumbo mboka wu na oondjo oonene dhomagumbo. Omuntu ngoka e na oondjo dhomiliona yimwe netata moomvula omilongo mbali ota ka mona iifuta tayi ka londa nokonyala N$ 500, shoka shi thike po-N$6 000 komumvo gwuudha meikwatelelo kondando ndjika yahugunina. Omunegumbo ngoka e na oondjo dhoomiliona mbali ota ka futa konyala N$ 667, shoka shi thike po-N$8 000 komumvo gwuudha. Iifuta mbika ya gwedhwa po otayi kiihilila po-N$40 000 muule woomvula ntano ngele egwedhelo lyokomwedhi olya kala li li ngawo.Aakwashigwana ye na oondjo oshona dhomagumbo nayo oya kwatelwa mo. Omuntu e na oondjo dhomayovi omathele gatano muule woomvula omilongo mbali ota ya ka futa konyala N$ 167 ya gwedhelwa po komwedhi, nenge konyala N$ 2 000 komumvo. Omuhingi e na oondjo dhomayovi omathele gatatu muule woomvula ntano ota ka futa konyala N$ 74 ya gwedhelwa po komwedhi, shoka sha thika konyala po-N$ 890 komumvo.Omagumbo ge na omikuli dhopaumwene, dhoongeshefa nenge oondjo dhopombaanga dhoshali (overdrafts) otaga vulu okuthindwa kiifuta ya londa unene, oshoka iimaliwa mbika inayi kwatelwa mo moyalulo ngaka. Uululume wa gwedhwa po kaaheheliOmbaanga Onene yaNamibia (BoN) tango oya londitha iihohela yoshiketha shokuyelekanitha iimaliwa (repo rate) okuza poopresenda 6.5 sigo opoopresenda 6.75 mu-17 yaJuuni 2026.Okomitiye yomushangwalandu gwiimaliwa oya kaleke iihohela mbika po-6.75% muAugste manga ina yi pitika egwedhelo lyiinsta omi- 25 momasiku 28 gaKotomba, shoka sha tula iihohela mbika po-7%.Ngoloneya gwaBoN Ebson Uanguta okwa ti etokolo lyomuKotoba olya nuninwa okugamena elandulathano lyongushu yoshimaliwa shoshilongo shoka shi thike pamwe noshaSouth Africa, nosho wo okukeelela omuthindo gwondilo gwa etithwa kelondo lyomahooli.“Ondjila ndjika yomushangwalandu oya talika ya opala okugamena ekwatathano lyongushu yondola yaNamibia noRand yaSouth Africa nokuyimba elondo lyoondando dhiilandomwa ndyoka lya etithwa kelondo lyomahooli,” Uanguta ta ti.Okwa tsu wo omuthindo pesimano shokukatekitha uunene wiihohela pokati kaNamibia naSouth Africa opo ku keelelwe ezemo lyiimaliwa moshilongo okukaya kondje, nosho wo okugamena iipungulilwa yiimaliwa yoshilongo yopagongelo.Omuthika gwondilo yiilandomwa gwaNamibia gomumvo ogwa londo sigo opo-5.4% muSeptemba okuza po-4.4% muJuuni, shoka sha gwedha ko komuthindo waaheheli mboka ya taalela nale omalondo giihohela yomikuli.Ombaanga Onene otayi tegelele ondilo yiilandomwa yi kale po-4.2% lwaampoka momumvo 2026, okuyelekwa no-3.5% yomo-2025, manga inayi gwa pevi yi ye po-4% mo-2027.Omagwedhelo ngaka gaali otali ka uvika lela okuza mo-2027 ngele iihohela oya kala inaa yi lunduluka.Egwedhelo lyomuJuuni olya guma iifuta pethimbo lyetata lyahugunina lyo-2026, manga etokolo lyomuKotomba lya yi miilonga ku na owala oomwedhi mbali komumvo.Omunegumbo ngoka e na iifuta ya gwedhelwa no-N$ 334 konima yomatokolo agehe gakwatelwa kumwe ita ka kala a futa N$4 000 gwa gwedhelwa po nuumvo.Omayalulo ngaka oga ikwatelela komikuli dha toolwa pondando yotango yoondjo, manga iifuta yokomwedhi ya lundululwa noombapila dha hupa ko dhoondjo inadhi lunduluka. Elandulathano lyondilo lyoshili otali ka yooloka shi ikwatelela komauvathano goondjo dhaopauhandimwe. Sha tolokwa ku: Gottrieb Nambahu (tienoxv@gmail.com)

Elondo lyoondando lya gwedha ko N$ 4 000 kiihohela yomagumbo N$ 1 miliona

Comments

Namibian Sun 2026-11-09

Please login to leave a comment

Elondo lyoondando lya gwedha ko N$ 4 000 kiihohela yomagumbo N$ 1 miliona

Comments

Namibian Sun 2026-11-09

Please login to leave a comment

Subscription Required to Access Content ×

Login

Subscription Required to Access Content