Ekoyakano lyOnyati lya imbi oonkwandambi dhi ye mondambo

Nuumvo aanakuya koshituthi shika ina ya mona ompito yokutala oongombe dhoka hadhi etwa mondambo ngaashi hashi ningwa shito, sha landula sho kwa li kwa monika Onyati momudhingoloko, nokwa ipyakidhilwa nolukongo yi monike ko kumonike ngele kayi na omukithi.Omuleli gwoshilongo Netumbo Nandi-Ndaitwah,ngoka e li kuume omunene goshidhano shika okwa li a gandja ombili kwaamboka ya li ya holoka ta ti epangelo oli li ohanda mokukeelela omaupyakadhi ngoka tashi vulika ga holoke mokati kiimuna.Pethimbo ta patulula pambelewa oshituthi shika mEtitatu,Nandi-Ndaitwah okwa ti opwa tulwa oondjindikila okukeelela omainyengo giinamwenyo mOkongo molwa kuniwe uumbanda kutya Onyati ndjoka ya monika otashi vulika yi taandelithe omukithi gwekondo nelaka.Okwa ti: “ Mupyamunene nuumvo, Omaludi and Agricultural Festival itatu dhana meudhililo ngaashi shito, molwa Onyati ndjoka ya li ya monika momudhingoloko na inayi monika natango yi konakonwe ku monike kutya oyi na uundjolowele wu li ngiini.”Omupelesidente okwa fatulula kutya mongaashingeyi iinamwenyo ina yi pitikwa okwiinyengithwa okuza komahala nokuya kugalwe momudhingoloko moka mwa monika Onyati omanga oshikondo shi na oshinakugwanithwa okukeela omikithi miimuna shi ipyakidhila noonkambadhala dhokukeelelwa etukuko lyomukithi.Okwa gwedha po wo ta ti: “ Sho nee ngeyi nuumvo inaa tu tala oshidhano shoongombe shono osho shili elalakano enene lyoshituthi shino, ina tu pumbwa okusa uunye.” Ta tsikile wo nokutsa omukumo aakalimo osho wo aatalelipo ya tsikile nokuyambidhidha iiyulikomwa yopaipindi tayi ulike iilokolomwa yilwe yopaunamapya osho wo oongeshefa dhilwe.Elunduluko onene omumvo tagu yaOshituthi shoshidhano shoongombe sha tseyika nawa Omaludi Agricultural Festival shoka ohashi dhanwa omumvo kehe mOkongo moshitopolwa shaHangwena, nelalakano okutyapula uunafaalama woongombe, uunamapya, omuthigululwakalo osho wo ehumithokomeho lyoongeshefa dhomeni lyoshilongo.Nonande pwa holoka eshongo ndika, Nandi-Ndaitwah okwa indile mboka ya li koshiindingili ya longithe ompito ya ilonge sha muyakwawo opo ya humithekomeho omadhiladhilo goongeshefa dhawo yo ya vule wo okugumako keyambulepo lyehumokomeho lyeliko lyoshilongo.Okwa ningi euvaneko kutya omumvo tagu ya oshidhano shoongombe otashi ka kala sha dhegna mbanda ta ti mo2027 oshidhano otashi ka kala “sha memaakukweee, no itashi ka dhimbiwa.”Ominista yomayambulepo giilando niitopolwa yokuushayi James Sankwasa naye wo okwa li a popitha aakwashituthi, ta ti ehumukomeho lyankundipala miitopolwa yokomikunda onkene ta li yi moshipala eendathano lyoondongelwa okuya koondoolopa na okwa indile aaleli opo ya lalakanene tango okuyambulapo iitopolwa yokuushayi nelalakano lyokuyambidhidha ekoko lyeliko nehumokomeho.Poshituthi opwa li wo pwa kala iilyoyokabinete, aaleli yopamuthigululwakalo naaleli yiilando ya yooloka.

Ekoyakano lyOnyati lya imbi oonkwandambi dhi ye mondambo

Comments

Namibian Sun 2026-08-05

Please login to leave a comment

Ekoyakano lyOnyati lya imbi oonkwandambi dhi ye mondambo

Comments

Namibian Sun 2026-08-05

Please login to leave a comment

Subscription Required to Access Content ×

Login

Subscription Required to Access Content