Ehokololo lyahe yokanona ka dhipagwa kuyina yako
• Oya tsakanene lwotango sho a faalele Boois mohauto ye
Okamati oka valwa sho pwa li ekwatathano lyopaihole pokati ka Boois naHammerslaght pethimbo a li a hokana – ashike ngashingeyi oya hengathana nomukadhi.
Rita KakeloOvenduka
He yokahanona kokamati komvula yimwe, hoka ka dhipagwa shoka ka tsuwa lwiikando oyindji kuyina, okwa lombwele omupanguli mOmpangu yoPombanda yaVenduka mOmaandaha kutya onkalamwenyo ye oya lunduluka nayi molweso lyokamwanamati.“Onkalamwenyo yandje oya lunduluka okuza kesiku okamwandje ka dhipagwa,” Erens Hammerslaght a ti.
Aayeti yiihokolola otaya ti omupolisi nale Vapeni Boois omunamimvo 36 okwa tsu okamwanamati Amare, lwiikando 15 komudhingoloko gwaBethanie momasiku 12 Januali 2023.
Okamati oka valwa sho pwa li ekwatathano lyopaihole pokati ka Boois naHammerslaght pethimbo a li a hokana – ashike ngashingeyi oya hengathana nomukadhi.
Ta popi koshipala shomupanguli Philanda Christiaan, Hammerslaght okwa hokolola nkene a li a tsakanene lwotango naBoois.
Okwa lombwele omupanguli kutya oya tsakanene lwotango sho a faalele Boois mohauto ye.
“Onda tsakanene lwotango naVapeni sho nde mu adha popate ta lefe. Okwa mbilike ndje nokwa ti, ‘Ondi na po owala N$50, faalela ndje koBethanie.’ Onde mu lombwele kutya, ‘Kape na uupyakadhi, otandi ku faalele oshali’”, okwa hokolola.
Lwanima mbaka yaali oya paathana oongodhi noya kala mekwatathano.
“Onde mu lombwele a tseyithile ndje shampa e ya mOvenduka opo tu tsakanene, nosho a ningi,” Hammerslaght e shi koleke.
Esimbapalo
Hammerslaght okwa hokolola kutya sho ya ka tsakanena ishewe, Boois okwe mu pula: “Ote likola mo shike mwaashika?”
Okwa ti okwe mu pe N$300, niimaliwa mbika okwe yi taamba, manga inaya ya momilalo.
“Okuza mpoka onda ka dhengelwa owala ku Vapeni ta ti oku li metegelelo,” okwa ti. “Inandi shi taamba ko nawa, oshoka okwa li e shi shi kutya onda hokana. Okwa li she ya sigo oponkatu sigo a tumine omukulukadhi gwandje nale omathano e li mokandholo, tu ulike epunda lye. Okwa li a fa e hole ndje sha pitilila,” Hammerslaght a hokolola, okwa gwedha po kutya okwe mu kumagidha iikando oyindji opo kaa kwatathane nomukulukadhi gwe.
Shi ikolela kuHammerslaght, sho Boois a mono okanona kawo, okwa tumine Hammerslaght nomukadhi omathano moka ye li mo ayehe nokanona.
“Onda kala tandi ya sile oshimpwiyu. Onde tumina iimaliwa, onda tuma N$500 lwiikando oyindji.”
Eso
Uumbangihokololo waHammerslaght otau tsu kumwe naashoka hegona (yinagona) yaAmare, Ansua Hammerslaght, a lombwelele oshikundaneki shoNamibian Sun sho ya yile moonkundathana konima yoomwedhi ne.
Ansua a nika oluhodhi noonkondo okwa dhimbulukwa nkene Boois e ya etele Amare megumbo lyawo moRehoboth muAuguste 2022, aanegumbo mbaka oya sile oshimpwiyu okamwana sigo yina a galuka noku ka ila ko konima yoomwedhi ndatu.
He yaAmare okwa lombwele ompangu kutya aakwanezimo ye inaya kwatha nande kaakwawo yaBoois mokulongekidha efumviko lyaAmare.
Iihokolola mbika oya tegelelwa yi ka tsikile momasiku 27 sigo 31 Kotomba.
He yokahanona kokamati komvula yimwe, hoka ka dhipagwa shoka ka tsuwa lwiikando oyindji kuyina, okwa lombwele omupanguli mOmpangu yoPombanda yaVenduka mOmaandaha kutya onkalamwenyo ye oya lunduluka nayi molweso lyokamwanamati.“Onkalamwenyo yandje oya lunduluka okuza kesiku okamwandje ka dhipagwa,” Erens Hammerslaght a ti.
Aayeti yiihokolola otaya ti omupolisi nale Vapeni Boois omunamimvo 36 okwa tsu okamwanamati Amare, lwiikando 15 komudhingoloko gwaBethanie momasiku 12 Januali 2023.
Okamati oka valwa sho pwa li ekwatathano lyopaihole pokati ka Boois naHammerslaght pethimbo a li a hokana – ashike ngashingeyi oya hengathana nomukadhi.
Ta popi koshipala shomupanguli Philanda Christiaan, Hammerslaght okwa hokolola nkene a li a tsakanene lwotango naBoois.
Okwa lombwele omupanguli kutya oya tsakanene lwotango sho a faalele Boois mohauto ye.
“Onda tsakanene lwotango naVapeni sho nde mu adha popate ta lefe. Okwa mbilike ndje nokwa ti, ‘Ondi na po owala N$50, faalela ndje koBethanie.’ Onde mu lombwele kutya, ‘Kape na uupyakadhi, otandi ku faalele oshali’”, okwa hokolola.
Lwanima mbaka yaali oya paathana oongodhi noya kala mekwatathano.
“Onde mu lombwele a tseyithile ndje shampa e ya mOvenduka opo tu tsakanene, nosho a ningi,” Hammerslaght e shi koleke.
Esimbapalo
Hammerslaght okwa hokolola kutya sho ya ka tsakanena ishewe, Boois okwe mu pula: “Ote likola mo shike mwaashika?”
Okwa ti okwe mu pe N$300, niimaliwa mbika okwe yi taamba, manga inaya ya momilalo.
“Okuza mpoka onda ka dhengelwa owala ku Vapeni ta ti oku li metegelelo,” okwa ti. “Inandi shi taamba ko nawa, oshoka okwa li e shi shi kutya onda hokana. Okwa li she ya sigo oponkatu sigo a tumine omukulukadhi gwandje nale omathano e li mokandholo, tu ulike epunda lye. Okwa li a fa e hole ndje sha pitilila,” Hammerslaght a hokolola, okwa gwedha po kutya okwe mu kumagidha iikando oyindji opo kaa kwatathane nomukulukadhi gwe.
Shi ikolela kuHammerslaght, sho Boois a mono okanona kawo, okwa tumine Hammerslaght nomukadhi omathano moka ye li mo ayehe nokanona.
“Onda kala tandi ya sile oshimpwiyu. Onde tumina iimaliwa, onda tuma N$500 lwiikando oyindji.”
Eso
Uumbangihokololo waHammerslaght otau tsu kumwe naashoka hegona (yinagona) yaAmare, Ansua Hammerslaght, a lombwelele oshikundaneki shoNamibian Sun sho ya yile moonkundathana konima yoomwedhi ne.
Ansua a nika oluhodhi noonkondo okwa dhimbulukwa nkene Boois e ya etele Amare megumbo lyawo moRehoboth muAuguste 2022, aanegumbo mbaka oya sile oshimpwiyu okamwana sigo yina a galuka noku ka ila ko konima yoomwedhi ndatu.
He yaAmare okwa lombwele ompangu kutya aakwanezimo ye inaya kwatha nande kaakwawo yaBoois mokulongekidha efumviko lyaAmare.
Iihokolola mbika oya tegelelwa yi ka tsikile momasiku 27 sigo 31 Kotomba.
Comments
Namibian Sun
No comments have been left on this article