Ehokololo lyaHamukwaya oli na omapuko - Omukonakoni

Omukonakoni omukuluntu mOkakokomisi kOkukondjitha Iimbuluma (ACC) Oberty Inambao, ngoka a li ta popi mompangu ohela pethimbo lyepulakeno lyoshipotha shuulingilingi shoNamcor–Enercon, okwa lombwele ompangu kutya omunambelewa nale omukuluntu gwoshikondo shiimaliwa mehangano lyoNamcor Jennifer Hamukwaya ina tala koshipumbiwanima sha simana megandjo lyeshilipaleko lyoongunga, shoka she eta opo ehangano lyoEnercon li pewe omahooli ogendji koongunga.Inambao okwa ti eshilipaleko lyoongunga olya tulwa po nelalakano okugamena ehangano lyoNamcor lyaa kane (kanithe oshimaliwa).Petameko ehangano lyoNamcor olya li lya tula po eshilipaleko lyoshimaliwa shoomiliona N$5 odho oongunga dha pewa ehangano lyoEnercon momasiku 19 Novemba 2021, ashike Hamukwaya oshipumbiwanima shika okwe shi kutha po konima yomasiku 10, momasiku 29 Novemba.Konima yaashoka, Namcor okwa gwedhele oongunga dhi ninge dhoomiliona N$15 kuEnercon momasiku 16 Maarsa 2022, mokutala kuuslepa womalandelo wa za kEtanga lyEgameno lyaNamibia, mboka owa longithwa okulika kutya omaliko ngoka ye na otaga vulu okwiila po uuna ya ndopa okufuta omukuli ngoka ya pewa.Inambao okwa ti kutya etokolo ndjoka “kalya li nawa nande” nolya nika oshiponga, okwa holola kutya uuslepa womalandelo kau na oonkondo dhasha dhopaveta nenge dhopainiwe mekwashilipaleko lyoongunga.“Okutaamba uuslepa womalandelo wa za kepangelo owo wu kale uumbangi kombinga yomaliko gehangano kashi na ondjundo nenge omakankameno gasha gopambelewa kekwashilipaleko lyokufuta oongunga noihashi gandja ekwashilipaleko naanaa mompito moka Enercon a ka nyengwa okutsakanitha evauthano lyokufuta oongunga dhe,” okwa ti.Okwaalandula omilandu dhoshito dhokugandja oongunga, Inambao okwa ti, okwa tula moshiponga ehangano Namcor – naagandji yiifendela yokongulu – ya kanithe iimaliwa oyindji. Mokwaa po kwekwashilipaleko lya thikama, oonkondo dhehangano mokugalulilwa iimaliwa yawo mompito moka ehangano lya ndopa okufuta olya nkundipalekwa noonkondo.Engwangwano megandjo lyoongungaSho a li ta popi mompangu mEtitano lya zi ko, Hamukwaya okwa ti ogwo omulandu nomukalondjigilile okupa ookastoma oongunga inadhi konda poomiliona N$15, noongunga ohashi vulika dhi pitilile po – omathimbo gamwe odhoomiliona N$100 – noshi ikolela kuukwatya wokastoma niilonga mbyoka ya longwa ehangano ndjoka. Okwa koleke kutya omatokolo gamwe oga ningwa pamadhiladhilo gopauntu.Hamukwaya okwa ti okwa li i inekela muushili weuvathano lyomaliko goomiliona N$53 ndjoka lya li pokati kaNamcor naEnercon, oshoka olya shainwa komukuluntuwiliki gwehangano lyoNamcor Trading & Distribution Immanuel Mulunga.“Okatendo kamwe oka holola oomiliona N$35 dhomoomiliona N$53 otadhi ka futwa Namcor, nokatendo okakwawo otaka ti omaliko ngoka itaga ka longithwa,” okwa hokolola mompangu.Omufekelwa 9 a popiPokati mpoka, Leo Nandago, omufekelwa omutigoyi moshipotha shika, okwa ti kutya uuna taka pangulwa otaka tya ke na ondjo shampa oshipotha sha tsikile komeho.Pethimbo lyepulakeno lyeindilo lyomboloha ye ohela, omukalelipo gwopaveta gwaNandago ahende Ileni Gebhardt okwa lesha omukanda gwopaveta moka ti ikala omahokololo gaayeti yiihokolola ngoka taga ti okwa gandja oombumbo dhoN$500 000 kuHamukwaya okupitila mehangano lyomusamane gwe, Panduleni Hamukwaya.Shi ikolela kaayeti yiihokolola, iimaliwa ya pewa ehangano lyoPanduleni Farming CC oya li “yolupandu” molwonkandangala ndjoka Hamukwaya a dhana mokupititha nokuzimina okontalaka yehangano lyoErongo Petroleum CC yokwaandjaganeka omahooli goomiliona N$22, ehangano ndjoka Nandago a li e na iipambuliko mulyo.Nandago okwa koleke kutya okwa li nale e na iipambuliko yoopelesenda 50% mehangano lyoErongo Petroleum ashike okwa ti okwa landitha po iipumbaliko ye kuAustin Elindi muFebuluali 2024 nokali na ha longo mehangano ndjoka pethimbo etokolo ndjoka lya ningwa.Okwa gwedha po kutya Elindi, ngoka a li ta kwatele komeho ehangano molwuuthemba mboka e mu pa, ka li a mangwa po, nonande oye a li mwene gwehangano ndjoka pethimbo ndjoka. - rita@nmh-hub.com.na

Ehokololo lyaHamukwaya oli na omapuko - Omukonakoni

Comments

Namibian Sun 2026-11-04

Please login to leave a comment

Ehokololo lyaHamukwaya oli na omapuko - Omukonakoni

Comments

Namibian Sun 2026-11-04

Please login to leave a comment

Subscription Required to Access Content ×

Login

Subscription Required to Access Content