BoN a hala kupatwe ombaanga yoTrustco

Ombaanga oya popi kutya Trustco Bank ota ndopa woo okugwanithapo iifuta yomikuli dhe pamusholondondo gwomakemo ngoka ga shangelwa ompangu kungoloneya gwoBank of Namibia, Johannes !Gawaxab.“Trustco Group okwa li a pewa elombwelo opo a tule oshimaliwa shomiliyona 100 mombaanga ndjoka muule woshikako shoomvula ndatu naashoka osha pulwa onga ekwashilipaleko lyokukwashilipaleka kutya ope na iiyemo ya gwana ngaashi tashi pumbiwa ihe osha ninga omukundu,” !Gawaxab ta popi.Nonando oshimaliwa shoka osha Ii sha gandjwa mombaanga ndjoka, iimaliwa natango oya shunithwa kehangano lyoTrustco Group nokuya pondje omulandu gwekondololo lyoombaanga, nokweetitha ombaanga ndjoka yi kale pondje yomulandu ngoka tagu pula kutya oombaanga odha pumbwa okukala noshimaliwa koomuma shoomiliyona 13 moshigwana, !Gawaxab a popi.Natango oshimaliwa shoomiliyona 33.3 osha li shi na okukala sha gandjwa momasiku 31 Maalitsa 2022 ihe Trusco Bank okwa ndopa okugwanitha po elombwelo ndyoka a li a pewa momasiku 14 gaApilili nuumvo, ngoloneya gwombaanga onene a popi natango.Aakonaakoni yomambo giiyemo yoTrusco Bank nale Grand Namibia nayo oya holola omaiyuvo gawo kombinga yonkalo yiilonga yombaanga ndjoka koBank of Namibia.“Momasiku 27 Juli 2022, aayalulimambo yoTrustco Bank, Grand Namibia, oya holola omaiyuvo gawo koshikondo shekondololo lyoombaanga moshilongo. Aayaluli mboka oya popi yiikolela kontopolwa onti 45 yOmpango yOombaanga kutya Trustco Bank otashi vulika tayi pondje ontopolwa 28(1) yOmpango yOombaanga. Aayaluli mboka natango oya holola kutya ombaanga ndjoka oya hulithapo egandjo lyomikulu momvula yo2021, nokuza kesiku ndyoka oya kala owala tayi gongeleko iimaliwa yomikuli dhoka dha gandjwa nale naashoka osha hala okutya omukanda ngoka gwali gwa pewa ombaanga ndjoka ogwa zi ongushu ,” !Gawaxab a popi.Natango aayalulimambo mboka oya popi kutya otashi vulika kwa dhanwa uulingilingi megandjo lyoolopota dhi na sha nomwaalu ngoka tagu vulu okukaliwa nago koombaanga koomuma, nuulingilingi owa etitha uupyakadhi woshimaliwa mombaanga ndjoka.Grand Namibia natango owa holola kutya elelo lyombaanga ndjoka olya ndopa okuulika uumbangi kutya olya ungaunga nuupyakadhi mboka wa holokapo, oshowo ngele olya ungaunga nonkalo yuulingilingi ndjoka tayi fekelelwa yeetitha uupyakadhi wopashimaliwa.Ombaanga ndjoka okwa holola kutya otayi shongola mokufuta iishoshela yawo koNamibia Revenue Agency (NamRA) oshowo omukuli gwo koDevelopment Bank of Namibia (DBN).“Trustco Banks okwa ndopa okufuta iishoshela ye uuna tayi pumbiwa okufutwa na okwa ndopa woo okufuta omukuli gwaantu ngoka a pewa koDevelopment Bank of Namibia (DBN) naashoka otashi ulike uupyakadhi wiimaliwa mboka wa taalela ombaanga ndjoka. Endopo lyoTrustco Bank okufuta iinakugwanithwa ye pethimbo otashi ulike natango onkalo kutya ita vulu okugwanitha po iipumbiwa yombaanga onene moshilongo,” Gawaxab a popi.Kwaashoka !Gawaxab okwa popi kutya okwa pumbwa okukatukwa oonkatu opo ku vule okugamenenwapo iimaliwa yoshigwana mboka yi li momake goTrustco Bank. Omikuli gwiishoshela yepangelo oshowo gwomukuli ngoka a pewa koDBN ogwongushu yoomiliyona 23.4.

BoN a hala kupatwe ombaanga yoTrustco

Comments

Namibian Sun 2026-02-11

Please login to leave a comment

BoN a hala kupatwe ombaanga yoTrustco

Comments

Namibian Sun 2026-02-11

Please login to leave a comment

Subscription Required to Access Content ×

Login

Subscription Required to Access Content