Aavu taya si ondjala molwopatkosa onshona
Nutrifood ota ti aavu naya gandje omanyenyeto gawo kuuministeli
Aavu mboka haya zi kOvenduka yu uka kOshakati konima yokupangwa kwawo otaya ti uukulya wopatkosa uushona nolweendo lwawo olule.
Aahingi naapangi taya fala aavu koshipangelo shaShakati okuza mOvenduka oya holola okwaa uva mbili kwawo molwopatkosa onshona ndjoka haya pewa kehangano lyoNutrifood, ehangano ndjoka lya pewa otendela yoku ya pa opatkosa yomondjila.
Otaya ti muubaki wawo ohamu tulwa omayi gaali ga fuluka, okajuice kamwe, okandini komeya, uustiki utatu womboloto noshiyimati shimwe (eyapela nenge elemune) oyo yi liwe molweendo lwoowili heyali.
Ehangano lyoNutrifood, opamwe nehangano lyoTrade Vest Holding Group, olya pewa otendela ndjika yuule woomvula ndatu, okuza mu1 Apilili 2024 sigo 31 Maarsa 2027.
Omanyenyeto ngaka kombinga yopatkosa oge ya po sho aavu mboka haya falwa mOmaandaha kehe koshipangelo shaVenduka okuza koshipangelo shaShakati nokugalukila konooli mOmatitatu.
Nonande aavu mboka twa popi nawo kaye na uudhigu nopatkosa ndjoka haya yi nayo kOvenduka, ihe oya ti opatkosa ndjoka haya pewa mokugaluka onshona noonkondo.
Eyooloko enene
Onzo yuuyelele ndjoka ya popi noshikundaneki shoNamibian Sun oya ti ope na eyooloko enene pokati kopatkosa hayi gandjwa koshipangelo shaVenduka noyokoshipangelo shaShakati.
“Okuza kOvenduka, okabaki oha ka kala ka tulwa uustiki utatu womboloto, omayi gaali, ojuice nomeya: uustiki womboloto ihau kala wa gwayekwa sha ombuta nenge ondjema. Poompito dhimwe opwa gwedhwa eyapela nenge elemune, opuwo," gumwe a ti.
"Okuza kOshakati, ohatu pewa oojuice mbali, uundini uyali womeya, oshitata shomboloto, oostiki mbali dhonyama, omayi niiyimati iyali, ombuta nondjema," onzo yuuyelele ya fatulula.
Shi ikolela konzo ndjoka ye tu pe uuyelele, aavu yamwe ohaya mana po opatkosa yawo nomanga inaya thika mOkahandja, naavu oyendji ihaya wapa we okwiilandela sha mondjila sigo ya thiki.
"Ngele ope na ngoka e na oshimaliwa, eeno, oha vulu okwiilandela sha. Ashike yalwe, oya hupila owala mwaashoka haya pewa, kutya nee ombesa oyi tekele mondjila,” onzo yuuyelele ya ti, oya pula woo kutya aavu oya tegelelwa ya lye shike ngele ombesa oya teka nenge iikulya yawo oya pu po.
Iikulya oyindji
Omupopiliko gwehangano lyoCentral Procurement Board of Namibia (CPBN) Johanna Kambala okwa ti kutya shoka sha nyolwa modokumende ooshi: omuvu okwa pumbwa okupewa uundini uyali womeya, iiyimati iyali, uustiki uhetatu womboloto, ooproteina, uupambu wehini uyali, ombuta noshiyimati.
Shi ikolela kuKambala, ehangano lyoNutrifood ohali pula N$119.70 mokabaki kamwe kopatkosa, tali iyutha kwaashoka sha nyolwa momikanda dhopambelewa dhootendela. "Okabaki kopatkosa oka tulwa iikulya mbyoka yi na iitunguthilutu noya pumbiwa komuvi e li molweendo. Uuyelele mbuka owa fatululwa nawa pethimbo lyokuninga omaindilo gokupewa otendela,” Kambala a fatulula.
Okwa yelitha woo kutya nonande ehangano lyoCPBN olyo lya wilike oprosesa ndjika yomambestelo okupitila mOveta yOmambestelo gEpangelo, uuministeli wuundjolowele owu na oshinakugwanithwa okutala ngele ehangano ndjoka lya inekelelwa oshinakugwanithwa shika otali gandja tuu iikulya mbyoka yu uthwa, oku shi talela komwaalu gwawo nokiitungithilutu woo.
Omukuluntuwiliki gwehangano lyoNutrifood Dirk van Schalkwyk okwa lombwele oshikundaneki shoNamibian Sun moshiwike shika kutya hasho oshikando shotango ehangano tali yakula omanyenyeto goludhi nduka.
"Sho twa tameke nokontalaka ndjika muApilili omvula ya zi ko, omanyenyeto oga li ogendji, unene okuza kaavu mboka ya li moombete pethimbo lyelunduluko okuza kokontalaka onkulu okuya kokontalaka ompe," okwa ti.
Etonatelo lya kwata miiti
Okwa koleke kutya opu na omalunduluko lela miikulya, iikulya oya ninga iishona omolwomautho gotendela ompe.
Shi ikolela kuye, monakuziwa, aavu oya li haya pewa iikulya oyindji, ashike kaya li naana yi na iitungithilutu ngaashi yu uthwa paundjolowele.
"Iikulya otashi vulika ya ninga iishona okuyelekanitha noshito moonkontalaka dhonale, ashike otatu vulu owala okugandja shoka sha nyolwa pombapila, nosho tatu gandja ongopatkosa yaavu," okwa ti.
Van Schalkwyk okwa dhenge omuthindo kutya itashi vulika ya gandje iikulya iishona oshoka uubaki mbuka haya longekidha nohaya gandja kaavu ohau talwa manga nawa manga inaaye wu pa aavu.
"Aanambelewa mboka ye li mokombitha ohaya longele epangelo. Ohaya tala kehe okabaki taka zi mpokombitha, onkene itatu vulu okugandja iikulya iishona haambyoka ya nyolwa pombapila," okwa fatulula.
Okwa ti kutya ngele aavu oyu uvite kutya iikulya iishona, Nutrifood ita vulu kuye mwene okulundulula shoka hashi gandjwa e shi gwedhele, oshoka epangelo itali ka gwedha ko kofuto yaashoka sha tokolwa nale mokontalaka.
Van Schalkwyk okwa tsu omukumo aavu ya gumwa koshinima shika opo ya fale omanyenyeto gawo kuuministeli wuundjolowele ngele oye wete kutya iikulya iishona.
Omambesa ga kulupa
Kakele koshikumungu shopatkosa onshona, aahingi yamwe oya lombwele oshikundaneki shoNamibian Sun kutya omambesa ngoka haya hingi oga kulupa – omodela yo2012 – nohaga tekateka olundji.
“Omambesa oga kulupa. Ohaga tekele pokati kOtjiwarongo nOkahandja. Aluhe ombesa oyi na okutekela mondjila. Oshiyemateki, ekwatho ihali ya mbala,” omuhingi gumwe a ti.
Omuhingi oye tuu ngoka okwa dhimbulukwa oshiningwanima shimwe sho ombesa ya teka ookilometa heyali okuza mOkahandja petata lyomugoyi (08:30) gwongula.
Ekwatho olye ke ya konima yoowili mbali, nopomugoyi guusiku, aavu oya shunwa kOvenduka.
Moshiningwanima oshikwawo, omuhingi okwa gandja lopota kutya ombesa oya teka po 08:45, nekwatho olye ke ya owala pohamano yokomatango.
“Onda yile kOshipangelo shepangelo shaTjiwarongo ndi ka kongele aavu iikulya,” omuhingi a ti. “Aantu yamwe oye tu nyanyala. Aanambelewa ohaya dhiladhila kutya ngele omuntu oto ehama, nena nuuluyi woye itu longo mbela.”
Omupopiliko gwuuministeli wuundjolowele Walters Kamaya okwa ti kutya ohaya ningi oonkambadhala mbalambala aluhe ya pingene po iiyenditho mbika iikulu niipe shampa ya kulupa.
“Ngele oshihauto shetu shimwe osha teka, uuministeli ohau kambadhala okulonga oshihauto shoka mbala mbala opo ku yandwe okuya moshipala egandjo lyomayakulo koshigwana,” Kamaya a ti.
[email protected]
Otaya ti muubaki wawo ohamu tulwa omayi gaali ga fuluka, okajuice kamwe, okandini komeya, uustiki utatu womboloto noshiyimati shimwe (eyapela nenge elemune) oyo yi liwe molweendo lwoowili heyali.
Ehangano lyoNutrifood, opamwe nehangano lyoTrade Vest Holding Group, olya pewa otendela ndjika yuule woomvula ndatu, okuza mu1 Apilili 2024 sigo 31 Maarsa 2027.
Omanyenyeto ngaka kombinga yopatkosa oge ya po sho aavu mboka haya falwa mOmaandaha kehe koshipangelo shaVenduka okuza koshipangelo shaShakati nokugalukila konooli mOmatitatu.
Nonande aavu mboka twa popi nawo kaye na uudhigu nopatkosa ndjoka haya yi nayo kOvenduka, ihe oya ti opatkosa ndjoka haya pewa mokugaluka onshona noonkondo.
Eyooloko enene
Onzo yuuyelele ndjoka ya popi noshikundaneki shoNamibian Sun oya ti ope na eyooloko enene pokati kopatkosa hayi gandjwa koshipangelo shaVenduka noyokoshipangelo shaShakati.
“Okuza kOvenduka, okabaki oha ka kala ka tulwa uustiki utatu womboloto, omayi gaali, ojuice nomeya: uustiki womboloto ihau kala wa gwayekwa sha ombuta nenge ondjema. Poompito dhimwe opwa gwedhwa eyapela nenge elemune, opuwo," gumwe a ti.
"Okuza kOshakati, ohatu pewa oojuice mbali, uundini uyali womeya, oshitata shomboloto, oostiki mbali dhonyama, omayi niiyimati iyali, ombuta nondjema," onzo yuuyelele ya fatulula.
Shi ikolela konzo ndjoka ye tu pe uuyelele, aavu yamwe ohaya mana po opatkosa yawo nomanga inaya thika mOkahandja, naavu oyendji ihaya wapa we okwiilandela sha mondjila sigo ya thiki.
"Ngele ope na ngoka e na oshimaliwa, eeno, oha vulu okwiilandela sha. Ashike yalwe, oya hupila owala mwaashoka haya pewa, kutya nee ombesa oyi tekele mondjila,” onzo yuuyelele ya ti, oya pula woo kutya aavu oya tegelelwa ya lye shike ngele ombesa oya teka nenge iikulya yawo oya pu po.
Iikulya oyindji
Omupopiliko gwehangano lyoCentral Procurement Board of Namibia (CPBN) Johanna Kambala okwa ti kutya shoka sha nyolwa modokumende ooshi: omuvu okwa pumbwa okupewa uundini uyali womeya, iiyimati iyali, uustiki uhetatu womboloto, ooproteina, uupambu wehini uyali, ombuta noshiyimati.
Shi ikolela kuKambala, ehangano lyoNutrifood ohali pula N$119.70 mokabaki kamwe kopatkosa, tali iyutha kwaashoka sha nyolwa momikanda dhopambelewa dhootendela. "Okabaki kopatkosa oka tulwa iikulya mbyoka yi na iitunguthilutu noya pumbiwa komuvi e li molweendo. Uuyelele mbuka owa fatululwa nawa pethimbo lyokuninga omaindilo gokupewa otendela,” Kambala a fatulula.
Okwa yelitha woo kutya nonande ehangano lyoCPBN olyo lya wilike oprosesa ndjika yomambestelo okupitila mOveta yOmambestelo gEpangelo, uuministeli wuundjolowele owu na oshinakugwanithwa okutala ngele ehangano ndjoka lya inekelelwa oshinakugwanithwa shika otali gandja tuu iikulya mbyoka yu uthwa, oku shi talela komwaalu gwawo nokiitungithilutu woo.
Omukuluntuwiliki gwehangano lyoNutrifood Dirk van Schalkwyk okwa lombwele oshikundaneki shoNamibian Sun moshiwike shika kutya hasho oshikando shotango ehangano tali yakula omanyenyeto goludhi nduka.
"Sho twa tameke nokontalaka ndjika muApilili omvula ya zi ko, omanyenyeto oga li ogendji, unene okuza kaavu mboka ya li moombete pethimbo lyelunduluko okuza kokontalaka onkulu okuya kokontalaka ompe," okwa ti.
Etonatelo lya kwata miiti
Okwa koleke kutya opu na omalunduluko lela miikulya, iikulya oya ninga iishona omolwomautho gotendela ompe.
Shi ikolela kuye, monakuziwa, aavu oya li haya pewa iikulya oyindji, ashike kaya li naana yi na iitungithilutu ngaashi yu uthwa paundjolowele.
"Iikulya otashi vulika ya ninga iishona okuyelekanitha noshito moonkontalaka dhonale, ashike otatu vulu owala okugandja shoka sha nyolwa pombapila, nosho tatu gandja ongopatkosa yaavu," okwa ti.
Van Schalkwyk okwa dhenge omuthindo kutya itashi vulika ya gandje iikulya iishona oshoka uubaki mbuka haya longekidha nohaya gandja kaavu ohau talwa manga nawa manga inaaye wu pa aavu.
"Aanambelewa mboka ye li mokombitha ohaya longele epangelo. Ohaya tala kehe okabaki taka zi mpokombitha, onkene itatu vulu okugandja iikulya iishona haambyoka ya nyolwa pombapila," okwa fatulula.
Okwa ti kutya ngele aavu oyu uvite kutya iikulya iishona, Nutrifood ita vulu kuye mwene okulundulula shoka hashi gandjwa e shi gwedhele, oshoka epangelo itali ka gwedha ko kofuto yaashoka sha tokolwa nale mokontalaka.
Van Schalkwyk okwa tsu omukumo aavu ya gumwa koshinima shika opo ya fale omanyenyeto gawo kuuministeli wuundjolowele ngele oye wete kutya iikulya iishona.
Omambesa ga kulupa
Kakele koshikumungu shopatkosa onshona, aahingi yamwe oya lombwele oshikundaneki shoNamibian Sun kutya omambesa ngoka haya hingi oga kulupa – omodela yo2012 – nohaga tekateka olundji.
“Omambesa oga kulupa. Ohaga tekele pokati kOtjiwarongo nOkahandja. Aluhe ombesa oyi na okutekela mondjila. Oshiyemateki, ekwatho ihali ya mbala,” omuhingi gumwe a ti.
Omuhingi oye tuu ngoka okwa dhimbulukwa oshiningwanima shimwe sho ombesa ya teka ookilometa heyali okuza mOkahandja petata lyomugoyi (08:30) gwongula.
Ekwatho olye ke ya konima yoowili mbali, nopomugoyi guusiku, aavu oya shunwa kOvenduka.
Moshiningwanima oshikwawo, omuhingi okwa gandja lopota kutya ombesa oya teka po 08:45, nekwatho olye ke ya owala pohamano yokomatango.
“Onda yile kOshipangelo shepangelo shaTjiwarongo ndi ka kongele aavu iikulya,” omuhingi a ti. “Aantu yamwe oye tu nyanyala. Aanambelewa ohaya dhiladhila kutya ngele omuntu oto ehama, nena nuuluyi woye itu longo mbela.”
Omupopiliko gwuuministeli wuundjolowele Walters Kamaya okwa ti kutya ohaya ningi oonkambadhala mbalambala aluhe ya pingene po iiyenditho mbika iikulu niipe shampa ya kulupa.
“Ngele oshihauto shetu shimwe osha teka, uuministeli ohau kambadhala okulonga oshihauto shoka mbala mbala opo ku yandwe okuya moshipala egandjo lyomayakulo koshigwana,” Kamaya a ti.
[email protected]
Comments
Namibian Sun
No comments have been left on this article