Aakwanezimo oya yemata sho Amweelo itaa fumvikwa kepangelo
Aakwanezimo yominista onkulu yiilonga niiyenditho noshilyo nale moMutumba gwoPashigwana Dr Moses Amweelo oya holola okwaauva ombili kwawo konima sho ya lombwelwa kutya opwe ya omalunduluko momafumviko gopapangelo.
Amweelo okwa mana oondjenda dhe ongulohi yOmaandaha mOshipangelo shoPaumwene mOvenduka konima yuuwehame wokaankela, aakwanezimo ye shi koleke.
Okwa si mepipi lyomimvo 73.
Ominista yegameno Frans Kapofi okwa koleke ohela kutya opwe ya omalunduluko momafumviko gopapangelo, opo epangelo li talulule mboka taya ka fumvikwa papangelo.
“Otandi shi koleke kutya oshoshili. Opwe ya omalunduluko momafumviko gopapangelo. Omulandu nguka otagu talululwa,” Kapofi a lombwele oshikundaneki shoNamibian Sun.
Omupambele gwanakusa Amweelo, ngoka a kwatathana noshifo shoNamibian Sun, okwa ti kutya eindilo lyawo, okupitila mongundu tayi pangele yoSwapo, olya tindwa.
Shi ikolela komupambele gwanakusa Amweelo, oya kwatathana noshilyo shOmutumba gwoPashigwana Elifas Dingara e ya kwathe e ya popilike, opo Nakusa Amweelo a fumvikwe kepangelo.
Omukwanezimo gwaNakusa Amweelo okwa gwedha po kutya sho Amushanga ndjai gwoSwapo Sophia Shaningwa e ya okuya popitha, oye mu hololele woo ondjuulukwe yawo.
Nonande ongawo, oya haluka sho ya popi naKapofi, ngoka e ya lombwele kombinga yomalunduluko momafumviko gopapangelo.
Omupambele gwanakusa Amweelo okwa ti wo kutya: “Otatu kala ngiini tatu nyola owala oombilive ngele shoka sha longwa kunakusa oshi shiwike? Otwa tegelela epangelo li fumvike hailwa omukwawo. Ongiini ngele omunenentu gumwe okwa mana oondjenda nena? Naye ita fumvikwa kepangelo?”
Aakwanezimo oya holola woo okwaauva ombili kwawo, sho taya ti aaleli oya ndopa okuholola uukwawo wanankali pamwe naakwanezimo pethimbo ndika lyoshikogo oshiluudhe shoka she ya siikilila.
Oshigwana osha pumbwa okutseyithilwa pambelewa.
Sho a kwatathaniwa naye opo a tye ko sha, Ehangano lyoonakulwa aakulu moNamibia okupitila momupresidente gwalyo Ben Shikongo, okwa lombwele oshikundaneki shoNamibian Sun ohela kutya ye ina tseya sha kombinga yelunduluko momafumviko gopapangelo.
“Kandi na owino mwaashoka. Mongashingeyi omauvauvila owala ndu uvite. Natu si tseyithilwe. Oshigwana nashi tseyithilwe pambelewa. Otandi ka tseyithila ngiini iilyo yehangano lyetu?" okwa pula.
"Otandi ka pula uuyelele kombinga yoshinima shika, nopo ihe tandi ka vula okutseyithila oonakulwa aakulu shoka shi li po. Aantu oya limbililwa; iinima inayi kala owala tayi popiwa kokana,” Shikongo a dhenge omuthindo.
Omafumviko gondilo
Lwopetameko lyomvula yonuumvo, Omuprima Elijah Ngurare okwa konekiwa a holola kutya omafumviko gopapangelo oga longitha oshimaliwa shoomiliona N$38.4 momumvo gwoshimaliwa 2024/2025.
Oomiliona N$2.5 odha longithwa mokudhana nokudhimbulukwa Esiku lyOmapendafule, omanga Esiku lyEmanguluko olya dhanwa koomiliona N$25.6.
Ngurare okwa holola omiyalu ndhoka pethimbo ta popi kombinga yomutengenekwa mwaalu gwOmbelewa yOmuprima, e shi ningile mOmutumba gwoPashigwana.
Epangelo inali holola natango kutya efumviko lyanakusa Omupresidente Hage Geingob olya pula ingapi, Nakusa Hage Geingob okwa mana oondjenda dhe momasiku 4 Febuluali 2024.
Nonande uuyelele kombinga yankene iimaliwa ya longithwa mokulila nakusa Omupresidente Sam Nujoma inau gandjwa natango, oolopota dhimwe otadhi tengeneke kutya oomiliona N$30 sigo oomiliona N$38 odho dha longithwa, sho omudhimba gwe gwa tuka nondhila moshilongo ashihe, moohungidhimbuluko, megameno nomefumviko lyolyene.
Ondjokonona
Nakusa Amweelo omvalele yaKatana mOshitopolwa shaShana. Okwa valwa mo1952, Amweelo okwi ilongele uulongi mOkolidji yaNgwediva noshowo kiiputudhilo yilwe. Konima okwa mono onkatu yuundohotola muunongononi, uundjiniya okupitila moshiputudhilo shoInternational Transport Academy moshilando shaSt Petersburg moRussia.
Sho a zi mOmutumba gwoPashigwana, Amweelo okwa kala omulongi moshiputudhilo shoInternational University of Management noshowo moUniversiti yaNamibia.
Oshifo shoNamibian Sun osha kundana kutya Amweelo gumwe gwomaatungi yEgumbo lyEpangelo. Okwa longa woo miilonga yokulonga ondjila yeshina lyokolutenda ndjoka ya za kOshomeya yu uka kOshikango.
[email protected]
Amweelo okwa mana oondjenda dhe ongulohi yOmaandaha mOshipangelo shoPaumwene mOvenduka konima yuuwehame wokaankela, aakwanezimo ye shi koleke.
Okwa si mepipi lyomimvo 73.
Ominista yegameno Frans Kapofi okwa koleke ohela kutya opwe ya omalunduluko momafumviko gopapangelo, opo epangelo li talulule mboka taya ka fumvikwa papangelo.
“Otandi shi koleke kutya oshoshili. Opwe ya omalunduluko momafumviko gopapangelo. Omulandu nguka otagu talululwa,” Kapofi a lombwele oshikundaneki shoNamibian Sun.
Omupambele gwanakusa Amweelo, ngoka a kwatathana noshifo shoNamibian Sun, okwa ti kutya eindilo lyawo, okupitila mongundu tayi pangele yoSwapo, olya tindwa.
Shi ikolela komupambele gwanakusa Amweelo, oya kwatathana noshilyo shOmutumba gwoPashigwana Elifas Dingara e ya kwathe e ya popilike, opo Nakusa Amweelo a fumvikwe kepangelo.
Omukwanezimo gwaNakusa Amweelo okwa gwedha po kutya sho Amushanga ndjai gwoSwapo Sophia Shaningwa e ya okuya popitha, oye mu hololele woo ondjuulukwe yawo.
Nonande ongawo, oya haluka sho ya popi naKapofi, ngoka e ya lombwele kombinga yomalunduluko momafumviko gopapangelo.
Omupambele gwanakusa Amweelo okwa ti wo kutya: “Otatu kala ngiini tatu nyola owala oombilive ngele shoka sha longwa kunakusa oshi shiwike? Otwa tegelela epangelo li fumvike hailwa omukwawo. Ongiini ngele omunenentu gumwe okwa mana oondjenda nena? Naye ita fumvikwa kepangelo?”
Aakwanezimo oya holola woo okwaauva ombili kwawo, sho taya ti aaleli oya ndopa okuholola uukwawo wanankali pamwe naakwanezimo pethimbo ndika lyoshikogo oshiluudhe shoka she ya siikilila.
Oshigwana osha pumbwa okutseyithilwa pambelewa.
Sho a kwatathaniwa naye opo a tye ko sha, Ehangano lyoonakulwa aakulu moNamibia okupitila momupresidente gwalyo Ben Shikongo, okwa lombwele oshikundaneki shoNamibian Sun ohela kutya ye ina tseya sha kombinga yelunduluko momafumviko gopapangelo.
“Kandi na owino mwaashoka. Mongashingeyi omauvauvila owala ndu uvite. Natu si tseyithilwe. Oshigwana nashi tseyithilwe pambelewa. Otandi ka tseyithila ngiini iilyo yehangano lyetu?" okwa pula.
"Otandi ka pula uuyelele kombinga yoshinima shika, nopo ihe tandi ka vula okutseyithila oonakulwa aakulu shoka shi li po. Aantu oya limbililwa; iinima inayi kala owala tayi popiwa kokana,” Shikongo a dhenge omuthindo.
Omafumviko gondilo
Lwopetameko lyomvula yonuumvo, Omuprima Elijah Ngurare okwa konekiwa a holola kutya omafumviko gopapangelo oga longitha oshimaliwa shoomiliona N$38.4 momumvo gwoshimaliwa 2024/2025.
Oomiliona N$2.5 odha longithwa mokudhana nokudhimbulukwa Esiku lyOmapendafule, omanga Esiku lyEmanguluko olya dhanwa koomiliona N$25.6.
Ngurare okwa holola omiyalu ndhoka pethimbo ta popi kombinga yomutengenekwa mwaalu gwOmbelewa yOmuprima, e shi ningile mOmutumba gwoPashigwana.
Epangelo inali holola natango kutya efumviko lyanakusa Omupresidente Hage Geingob olya pula ingapi, Nakusa Hage Geingob okwa mana oondjenda dhe momasiku 4 Febuluali 2024.
Nonande uuyelele kombinga yankene iimaliwa ya longithwa mokulila nakusa Omupresidente Sam Nujoma inau gandjwa natango, oolopota dhimwe otadhi tengeneke kutya oomiliona N$30 sigo oomiliona N$38 odho dha longithwa, sho omudhimba gwe gwa tuka nondhila moshilongo ashihe, moohungidhimbuluko, megameno nomefumviko lyolyene.
Ondjokonona
Nakusa Amweelo omvalele yaKatana mOshitopolwa shaShana. Okwa valwa mo1952, Amweelo okwi ilongele uulongi mOkolidji yaNgwediva noshowo kiiputudhilo yilwe. Konima okwa mono onkatu yuundohotola muunongononi, uundjiniya okupitila moshiputudhilo shoInternational Transport Academy moshilando shaSt Petersburg moRussia.
Sho a zi mOmutumba gwoPashigwana, Amweelo okwa kala omulongi moshiputudhilo shoInternational University of Management noshowo moUniversiti yaNamibia.
Oshifo shoNamibian Sun osha kundana kutya Amweelo gumwe gwomaatungi yEgumbo lyEpangelo. Okwa longa woo miilonga yokulonga ondjila yeshina lyokolutenda ndjoka ya za kOshomeya yu uka kOshikango.
[email protected]
Comments
Namibian Sun
No comments have been left on this article