Aakwanepangelo ya topoka kombinga yefumviko lyaHawala

Aakwanepangelo oye na omaiuvo ga yooloka kombinga ya ngele Solomon 'Jesus' Hawala, kakukutu komatanga gaakwiita ota pewa efumviko lyuupendafule nenge ahawe, Hawala okwa tseyikila eyono lyuuthemba waakwiita mboka ya li mookamba dhoSwapo moAngola pethimbo lyiita yekondjelomanguluko.Hawala, ngoka a lukwa 'Butcher of Lubango' omolwomahepeko ngoka, okwa mana oondjenda dhe ohela mOwambo mepipi lyoomvula 89.Komanda gwopevi gwEtanga lyOkakulumbwati (OPLANA), Etanga lyAakwiita yoSwapo, Hawala okwa talika ko koyendji kutya oye gumwe gwomaadhaninkandangala ngele tashi ya piita yekondjelomanguluko lyaNamibia.Sho oshilongo sha manguluka mo1990, oku ulikwa a ninge komanda gwomatanga gokolupadhi nolwanima okwa ka ninga kakukutu komatanga gaakwiita moNamibia mo2000, a yi peha lyaDimo Hamaambo. Hawala okwa yi moshipundi shuukuluntu mo2006 nokwa landulwa ku Martin Shalli.OnakuziwaKAakwaswapo nokaakwanepangelo, Hawala otadhi dhimbulukiwa ongomukondjelimanguluko nomulumentu ngoka ta lundililwa ehepeko lyaakwiita aakwawo.Aakwanepangelo oya lombwele oshikundaneki shoNamibian Sun kutya Presidente Netumbo Nandi-Ndaitwah otashi vulika a kale nuudhigu mokutokola kombinga yefumviko lye.“Omolwonakuziwa yaJesus, omupresidente otashi vulika i ipopile netokolo kombinga yemweneko lyomafumviko gopapangelo ndjoka lya tulwa po, opo ke mu pe efumviko ndjoka,” omukwanepangelo gumwe a fekele. “Ope na woo omapulo golela, okutala konakuziwa ye, Hawala natango ependafule. Oku mu tumbaleka ngaaka otashi ka kala etolokano lyiilalo yiihakanwa ye– oyindji mbyoka yi li momwenyo.”Ohela, aakuluntu oyendji moSwapo oya tindi okutya ko sha sho ya pulwa ya gandje omaiuvo gawo kombinga yanakusa Hawala.Amushanga ndjayi omukulu gwoSwapo Pendukeni Iivula-Ithana, gumwe gomaakiintu yotango ya kondjela emanguluko lyaNamibia, okwa ti ka li naanaa ha longo popepi naHawala, opo e mu hokolole nawa pauyuuki.Omupresidente omukulu Nangolo Mbumba okwa ti natango okwa kunkwa mokuuva onkundana yeso lyaHawala, onkene ita vulu okutya ko sha. Omulanduli gwaHawala muukakukutu komatanga gaakwiita, Shalli, okwa gwedha po: “Onda nika oluhodhi, onkene itandi vulu okutya ko sha. Omaiuvo gandje ngiika ota mu ke gu uva mohungidhimbuluko ye.”Iihakanwa otayi tiEhangano lyaa shi lyontanitho lyedhina Breaking the Wall of Silence (BWS), ndjoka lya thikama po mooluhupe yomahepeko ya li mookamba dhaakwiita yoSwapo, oya ti Swapo nepangelo lye otaya gamene Hawala ka yamukule kombinga yiikulumuna ye.“Monena otu uva nayi, oshoka Hawala ina pulwa nande esiku limwe a hokolole kombinga yiilonga yomilema a longela aakwiita aakwawo kombanda (muupongekwa,)” omunashipundi gwehangano lyoBWS Oiva Hangula a ti.“Okuholama konima yedhiminathanopo – shoka shi li ompinge nooveta dhopashigwana nodhopaigwana – epangelo lyoSwapo olya ndopa moshinakugwanithwa shalyo shokukonakona iimbuluma ya longelwa Aanamibia yaa na ondjo pethimbo lyiita yekondjelomanguluko, ya longelwa omiyonena ndhika komutondimbulu noshowo kuSwapo.”EsimanekoMuMaalitsa 2004, Hawala okwa pelwe ombandi “yuupenda nuufuule” –kOmupresidente Sam Nujoma, omupresidente gwoshilongo pethimbo ndiyaka, a simanekwa pamwe nooyakwawo yalwe omugoyi.“Oohandimwe mbaka ohaya hogololwa nokutumbalekwa omolwiilonga ya longa mekondjelomanguluko nomokuyambula po oshilongo shetu,” Nujoma – ngoka a manene oondjenda dhe muFebuluali nuumvo – osho a tumbulile ngaaka.Hawala andola okwa gwanithwa oomvula 90 momasiku 19 Auguste. Omalongekidho goshituthivalo she oga li gi pyakidhilwa nago, opo ando etyapulo ndika li ka kale pegumbo lye mOhakweenyanga moshitopolwa shaShana.

Aakwanepangelo ya topoka kombinga yefumviko lyaHawala

Comments

Namibian Sun 2025-08-14

Please login to leave a comment

Aakwanepangelo ya topoka kombinga yefumviko lyaHawala

Comments

Namibian Sun 2025-08-14

Please login to leave a comment

Login