Aakalimo yomOutapi ya pewa oonzapo dhuumwene wevi
Ondoolopa yaOutapi oya gwedha komwaalu gwondoolopa ndhoka dha tula miilonga oveta yoFlexible Land Tenure Act, naakalimo 173 yomomalukanda giinyakwi mOutapi ya pewa oonzapo dhuumwene wevi mEtitano.
Oonzapo ndhika odha gandjwa palongelokumwe lyuuministeli womatulululo, uuministeli womapendulopo giilando nomikunda noshowo nElelo lyOndoolopa yaOutapi.
Shi ikolela kuminista gwomatulululo Inge Zamwaani, oonakumona omauwanawa ngaka oya za momalukanda ngaashi O.O Namakalu, Petrus Kalipi, Tulongeni naTutungeni. Oonakupewa oonzapo ndhika ngashingeyi oya talika ko paveta kutya oyo ooyene yooplota nomagumbo gawo.
“Evi lyuunene woohekta 9.4 olya tendwa nokutopolwa mooplota 201, mundhoka ooplota 173 odhomagumbo nomalukalwa,” Zamwaani a ti.
Ooplota 115 dhomooplota 173 odhoomeme, oshinima shoka sha talika ko ongeyokomeho ngele tashi ya kuuthikepamwe mokukala mwene gwehala.
Minista okwa holola woo kutya epangelo olya longitha oshimaliwa hanga shomiliona N$1 mokuninga omahitililokonakono gopetameko, omapekapeko, nomaishanitho opo opoloyeka ndjika yi ye komeho.
Uumwene wevi
Oveta yoFlexible Land Tenure Act yomo2012, oya totwa po nelalakano lyokugandja evi kombiliha noshowo okugandja uuthemba wevi kaakwashigwana mboka ye na iiyemo iishona.
Overall ndjika otayi yambidhidha epangelo mondjodhi yalyo yokutula omalukanda giinyakwi pamuthika gwoshinanena, ngaashi sha tokolwa mOshigongiilonga shoPashigwana Oshitiyali shEvi, notayi kwathele mokugandja ooplota 10 000 omumvo kehe mokwiiyutha komukandauvaneko gwongundu yoSWAPO 2024.
Zaamwani okwi indile ooyene yomahala ngaka ye ga longithe nawa. Okwe ya kunkilile yaa ga landithe po.
Ondoolopa yaOutapi oya wayimine ondoolopa yaShakati noyaGobabis ndhoka hadhi tumbulwa ongoshiholelwa shoondoolopa dha tula miilonga oskema ndjika. Ondoolopa dhilwe ngaashi Ovenduka, Otjiwarongo nOliindili odha tegelelwa dhi ka gandje woo oonzapo dhuumwene wevi.
Oshipopiwa shaZaamwani osha leshwa peha lye komunambelewa pitithi muuministeli wuunamapya, Ndiyakupi Nghituwamata.
Oonzapo ndhika odha gandjwa palongelokumwe lyuuministeli womatulululo, uuministeli womapendulopo giilando nomikunda noshowo nElelo lyOndoolopa yaOutapi.
Shi ikolela kuminista gwomatulululo Inge Zamwaani, oonakumona omauwanawa ngaka oya za momalukanda ngaashi O.O Namakalu, Petrus Kalipi, Tulongeni naTutungeni. Oonakupewa oonzapo ndhika ngashingeyi oya talika ko paveta kutya oyo ooyene yooplota nomagumbo gawo.
“Evi lyuunene woohekta 9.4 olya tendwa nokutopolwa mooplota 201, mundhoka ooplota 173 odhomagumbo nomalukalwa,” Zamwaani a ti.
Ooplota 115 dhomooplota 173 odhoomeme, oshinima shoka sha talika ko ongeyokomeho ngele tashi ya kuuthikepamwe mokukala mwene gwehala.
Minista okwa holola woo kutya epangelo olya longitha oshimaliwa hanga shomiliona N$1 mokuninga omahitililokonakono gopetameko, omapekapeko, nomaishanitho opo opoloyeka ndjika yi ye komeho.
Uumwene wevi
Oveta yoFlexible Land Tenure Act yomo2012, oya totwa po nelalakano lyokugandja evi kombiliha noshowo okugandja uuthemba wevi kaakwashigwana mboka ye na iiyemo iishona.
Overall ndjika otayi yambidhidha epangelo mondjodhi yalyo yokutula omalukanda giinyakwi pamuthika gwoshinanena, ngaashi sha tokolwa mOshigongiilonga shoPashigwana Oshitiyali shEvi, notayi kwathele mokugandja ooplota 10 000 omumvo kehe mokwiiyutha komukandauvaneko gwongundu yoSWAPO 2024.
Zaamwani okwi indile ooyene yomahala ngaka ye ga longithe nawa. Okwe ya kunkilile yaa ga landithe po.
Ondoolopa yaOutapi oya wayimine ondoolopa yaShakati noyaGobabis ndhoka hadhi tumbulwa ongoshiholelwa shoondoolopa dha tula miilonga oskema ndjika. Ondoolopa dhilwe ngaashi Ovenduka, Otjiwarongo nOliindili odha tegelelwa dhi ka gandje woo oonzapo dhuumwene wevi.
Oshipopiwa shaZaamwani osha leshwa peha lye komunambelewa pitithi muuministeli wuunamapya, Ndiyakupi Nghituwamata.
Comments
Namibian Sun
No comments have been left on this article