Oshakati launches facility profiling in informal areas
Elelo lyondoolopa yaShakati olya tseyitha kutya olya tameka nomapekapeko kombinga yonkalo ypmomalukanda giinyakwi, ngoka taga lalakanene okutula pamishangwa uuyelele kombinga yonkalo momalukanda giinyakwi nomayakulo gamo.
Oshinyangadhalwa shika, osha kwatelwa komeho kehangano lyoNamibia Statistics Agency (NSA) mekwatathano nehangano lyoUN-Habitat noshowo UNITAC, osha tamekele momasiku 22 Septemba notashi ka hula momasiku 3 Kotomba 2025.
Momukanda gwa pitithwa mOmaandaha kombelewa yOmunambelewa omukuluntupithi gwondoolopa yaShakati, elelo lyondoolopa olya ti omapekapeko ngaka oga kwatela mo ooskola, uuklinika niipangelo, uupomba womeya, uundjugo, omalusheno nomatala.
Elelo lyondoolopa yaShakati olya fatulula kutya uuyelele mboka tau ka gongelwa otaku ka udhitha omwaka ngoka gu li po momishangwa nomomambo notau ka kwathela mokweeta po omathaneko, okutunga nokugandja omalukalwa, noshowo egandjo lyomayakulo miitopolwa niitopolwa nomoshilongo ashihe koonono.
Elelo olya ti wo kutya oshinyangadhalwa shika otashi iyutha kEthaneko lyoPashigwana Etihamano (NDP6), ndjoka tali lalakanene okuyambula po oondoolopa, okutunga omagumbo,nokulundulula oondoolopa pamutungilo.
Omapekapeko ngaka otaga ka longa nosystema yomagumbo yoNamibia Housing Information System (NHIS) okunkondopeka eagandjaganeko lyomayakulo nokulongela kumwe naayambidhidhi yopaigwana shoka shi li kohi yiilalakanenwa yoSustainable Development Goals (SDG 11).
“Omapekapeko ngaka oga simana kuNamibia oshoka otaga kwathele meukililo iilalaknenwa yoNDP6 noshowo mokuhwepopaleka omathaneko geandjaganeko lyomalukalwa neyambulopo lyondoolopa,” omukanda tagu tseyitha ngaaka.
Aakalimo otaya tsuwa omukumo ya longele kumwe naanambelewa pethimbo lyomapekapeko ngaka.
Oshinyangadhalwa shika, osha kwatelwa komeho kehangano lyoNamibia Statistics Agency (NSA) mekwatathano nehangano lyoUN-Habitat noshowo UNITAC, osha tamekele momasiku 22 Septemba notashi ka hula momasiku 3 Kotomba 2025.
Momukanda gwa pitithwa mOmaandaha kombelewa yOmunambelewa omukuluntupithi gwondoolopa yaShakati, elelo lyondoolopa olya ti omapekapeko ngaka oga kwatela mo ooskola, uuklinika niipangelo, uupomba womeya, uundjugo, omalusheno nomatala.
Elelo lyondoolopa yaShakati olya fatulula kutya uuyelele mboka tau ka gongelwa otaku ka udhitha omwaka ngoka gu li po momishangwa nomomambo notau ka kwathela mokweeta po omathaneko, okutunga nokugandja omalukalwa, noshowo egandjo lyomayakulo miitopolwa niitopolwa nomoshilongo ashihe koonono.
Elelo olya ti wo kutya oshinyangadhalwa shika otashi iyutha kEthaneko lyoPashigwana Etihamano (NDP6), ndjoka tali lalakanene okuyambula po oondoolopa, okutunga omagumbo,nokulundulula oondoolopa pamutungilo.
Omapekapeko ngaka otaga ka longa nosystema yomagumbo yoNamibia Housing Information System (NHIS) okunkondopeka eagandjaganeko lyomayakulo nokulongela kumwe naayambidhidhi yopaigwana shoka shi li kohi yiilalakanenwa yoSustainable Development Goals (SDG 11).
“Omapekapeko ngaka oga simana kuNamibia oshoka otaga kwathele meukililo iilalaknenwa yoNDP6 noshowo mokuhwepopaleka omathaneko geandjaganeko lyomalukalwa neyambulopo lyondoolopa,” omukanda tagu tseyitha ngaaka.
Aakalimo otaya tsuwa omukumo ya longele kumwe naanambelewa pethimbo lyomapekapeko ngaka.
Comments
Namibian Sun
No comments have been left on this article