Kalegetse a lulila mongwedha sigo Omuwa ote ya e mu zimbule kevi

Ompangu yopombanda mOvenduka oya gandja egeelo lya nyaya kegonga komulumentu John Kangumbe Mutirua (24) ngoka a tseyika nawa niipotha oyindji yi na sha nomadhipago osho wo omakwatonkonga. Mu yimwe yomiipotha ye okwa dhipaga aantu yaali osho wo okukwata okanona kokadhona lwaali komimvo omugoyi. Mutirua okwa pewa egeelo a kale mondjedhililo sigo Omuwa ote mu zimbula muuyuni.Omupanguli ta kwathele Makapa Simasiku okwa gandja egeelo lyonkalamwenyo ayihe kuMutirua kiipotha ayihe yomadhipago, ta ti omageelo ngaka otaga otega longelepo oshita.Ompangu oya gandja woo egeelo lyoomvula omulongo nantano kukehe oshipotha shekwatonkonga lyokanona okashona, ta gwedhelwa ko ishewe omageelo ge na sha niipotha yonkambadhalo yedhipago, omuyeka kwa homatiwa, onkambadhala yokukwata onkonga osho wo onkambadhala dhokuya uuyuuki moshipala. Omageelo agehe ngaka otega longele po oshita.MuNovomba omumvogu, okwa li a monika ondjo miipotha omugoye moka mwa kwatelwa iyali yomadhipago, iipotha iyali yoonkambadhala dhedhipago, iipotha iyali yekwatonkonga, onkambaladhala yedhipago, omunyeka kwa homatiwa osho wo okuya uuyuuki moshipala.Iilonga yuudhudhu ya yoolokaMutirua okwa li a mangwa po konima sho a li a kwata koonkondo okanona kokakadhona komimvo omugoyi lwaali momudhingoloko Epako moGobabis momasiku 23 Septemba 2018.Konima ashike yoomvula mbali, uusiku womasiku 31 Kotoba 2020, okwa li a tsu Meno Tjizera omunamimvo omu-19, wo Uusiku owo tuu mbono okwa ka ponokela omulumentu gumwe shoka she mu etele opo a tulwe miipandeko omolwa onkambadhala yedhipago.Okwa li wo a tsu Albertus Maasdorp (37) sigo omeso momasiku 16 Juli 2023 konima sho a li e mu lundile kutya okwa yaka omakumbyatha. Oshikoya shika oshe mu etele opo a mangwe po oshikando oshitiyali molwa iipotha yokudhipaga.Okwa li wo a tsu omulumentu gumwe pethimbo lyiikolokosha mbika shoka she mu pangulitha oshipotha shonkambadhalo yedhipago.Oomutokolihapu Simasiku okwa ti oshinima oshiwanawa okukuthamo omukolokoshi mokati koshigwana. Ta i: “ Ondjokonona yiipotha yaMutirua otayi ulike a tameke okukawata oonkonga omanga e na oomvula omu-16 niilonga ye yuudhudhu oga lundu sho a tameke okulonga iikoya iinene mwa kwatelwa omadhipago, oonkambadhala dhedhipago, nokuyuga aantu kwa homatiwa, shoka tashi holola kutya ke na esimaneko noomwenyo dhaantu naaluhe oha kala i ilongekidha okulongitha omatha nonando ina hindwa”.Omutokolihapu okwa ti wo etokolo lye olya shongwa komikalo dha Mutirua dhoka dhi kenyenekwa, omukeenahenda, ihaa zimine omapuko ge miipotha oyindji,ihaa gandja ombili noonkadhala dhokufadhuka po oveta.rita@nmh-hub.com.na

Kalegetse a lulila mongwedha sigo Omuwa ote ya e mu zimbule kevi

Comments

Namibian Sun 2026-11-03

Please login to leave a comment

Kalegetse a lulila mongwedha sigo Omuwa ote ya e mu zimbule kevi

Comments

Namibian Sun 2026-11-03

Please login to leave a comment

Subscription Required to Access Content ×

Login

Subscription Required to Access Content