Omufekelwa membandameko lyoohahende a pewa obooloha

Omulumentu ta tamanekwa sho a ningi omatilitho ta t iota dhipaga oohahende naapanguli okwa li a pewa ompito yokwiifutila mo mondjedhililo kompangu yomOndangwa shoka sha eta omaipulo omanene.

Etokolo ndika olya ningwa ashike pethimbo oshigwana inaa shi hupula natango edhipango lyomweeti gwiihokolola ngoka a li a dhipangwa omasiku omatalala talala.

Ngoka a li nale omutalelisikola, Levi Vries (62), okwa holoka mompangu ohela.

Okwa li a mangwa po Etitano konima sho a li a igidha mositola kutya: “ Otatu mu dhipaga ne oohahende naapanguli”.

Magestrata Shantell-Antoinette Wanga Harris okwa li a pe Vries ompito yokwiifutila mo noshimaliwa shoo-N$3 000 nokwa tegelelwa a ka holoke mompangu momasiku 14 Maalitsa.

Okukala nuumbanda

Emangululo lyomufekelwa olya uvitha nayi aanashilonga moshikondo shuuyuuki.

Konima ashike yomasiku omashona oshigwana osha li sha paka Justine Shiweda, omweeti gwiihokolola ngoka wo a za mOndangwa nokwa li a dhipagwa konima yeponokelo li nyanyalitha.

muKotoba omvogu, Shiweda okwa li a yahwa nokuponokelwa nuuzigo konima anuwa sho a tindi ombumbo moshipotha shokugandja obooloha.

Okwa mana oondjenda dhe momasiku 7 Febuluali konima sho a kala moshipangelo uule woomwedhi dhontumba.

Eso lye olya thigi aanaanambelewa oyendji yomoompangu ye na omaipulo kombinga yegameno lyawo pethimbo taa longo iilonga yawo.

Aaleli ya pula egameno

Egandjo lyobooloha olya ta li ka ko li li ompinge nomatumbo ga ningwa kaaleli yontumba moshilongo pethimbo lyoosa dhaShiweda.

Pethimbo ta popi pefumviko lyaShiweda omupilima goshilongo Elijah Ngurare, ngoka a li ta popi peha lyomupelesindente Nandi-Ndaitwah okwa holola e ponokelo lye “Ewinayi nolyiipundjamenye”.

Okwa ningi euvaneko kutya epangelo ota li ka gamena aanambelewa moompangu na uudhudhu nomatilitho itaga ka pitikwa onga omukalo gokudhinaa oveta yoshilongo.

Chief Justice Peter Shivute naye wo okwa kunkilile kutya okuponokela omunambelewa gomompangu osho eponokelo lyoveta nuuyuuki.

Omatilitho ogendji ga lopotwa

Ha mOndangwa ashike mwa lopotwa omatilitho ngaka.

Omasiku ha male, omweeti gwiihokolola koGrootfontein naye wo okwa li a taalele omambandameko ga faathana nopolisi oya li ye endelele okumanga po omufekelwa.

Ashike okuna omaipulo ngele oompangu otadhi tala ko tuu oshinima shika shomambandameko neitulemo.

Lwanima omukuluntu gopolisi moshilongo Inspector General Joseph Shikongo okwa uvaneke wo kutya opolisi otayi ka longa nuudhiginini okukaleka aanambelewa mbaka megameno, nonando obooloha yiimaliwa iishona ya pewa Vries oya geyitha oyendji.

Ngoka ta kwathele mombelewa yomweeti gwiiokolola omukuluntu Acting Prosecutor General Martha Imalwa okwa tsu omukumo aaniilonga ye yaa teke omukumo ye ta pula ku nkondopalekwe egameno lyaaniilonga yuuyuuki.