Amupanda okwa hala okulikola iitsa papolotika - Schlettwein
Amupanda okwa popi kutya omusinda ngoka otagu tongola aaniimuna
Ominista yuunamapya oya popi kutya elalakano lyaAmupanda okukondjitha ekalepo lyomusinda omutiligane pampangu, okwiilikolela iitsa mbyoka a ndopa okulikola mopolotika.
Minista yUunamapya, Calle Schlettwein okwa popi ngaaka ta yamukula koshipotha tashi pula ekuthepo lyomusinda omutilagane shoka sha tulwamo komukwateli komeho gwoAffirmative Repositioning (AR), Job Amupanda, ta popi kutya etulemi lyoshipotha shoka oli li woo oshiningilawina.
Momayamukulo ge gopampangu ngoka a ningi oshiwike shika,
Schlettwein okwa popi kutya okwa pitikwa woo okugandja omayamukulo pehala lyepangelo, pehala lyaHahende-ndjai gwepangelo Festus Mbandeka oshowo pehala lyomunambelewa moshikondo shomayakulo guundjolowele wiimuna, Hango Nambinga, mboka ya tothwamo onga aayamukuli moshipotha shoka.
Amupanda okwa tulamo oshipotha momasiku 26 gaMei omvula ya piti, ta pula opo ompangu yi tokole kutya omusinda omutiligane kaguli paveta nopakotampango.
Schlettwein okwa popi kutya Amupanda okwa yi le owina nonyama inayi pya pOshivelo na okwa pula aanambelewa ya kwateko onyama ndjoka opo a vule okukala e na uumbangi moshikumungu shoka.
Minister okwa popi kutya okuza momvula yo 2005 omilandu dha tulwapo okukondolola etaandelo lyomikithi dhiimuna okuza mOnooli okuya mUumbugantu inadhi kala uupyakadhi kuAmupanda.
“Ngashiingeyi konima yoomvula 16, nakutulamo oshipotha opo a hala okusitha ohoni epangelo nokulongitha pambambo ompangu ndjika sho a hala okumona iitsa mbyoka a ndopa okumona mopolitika.”
Schlettwein okwa tsikile kutya kashi li muuwanawa woshigwana okukuthapo omusinda ngoka ngaashi tashi pulwa kuAmupanda, nuuna ompangu yeshi ningi nena otayi idhopo moonkondo dha gandja kompango aatotiveta yepangelo lyaNamibia netopolo lyoonkondo pokati kaatotiveta nompangu ngaashi tashi tothwamo mEkotampango.
Momushangwa gwe gwopamangu, Amupanda okwa popi kutya ekalepo lyomusinda ngoka otali tongola aantu mboka haya kala monooli yomusinda ngoka. Okwa gwedha po kutya ye oku na iimuna monooli momukunda Omaalala na okwiikolelela okuza miindulukomwa yuunamapya nuuniimuna okupalutha ofamili ye.
Okwa tsikile kutya onyama yongushu yooN$1 000 okwe yi kuthwa kuNambinga momasiku 17 gaMei momvula yo 2021 pOshivelo.
Amupanda okwa tsikile kutya omusinda ngoka kagu li pakotampango molwaashoka ogwa tulwapo pethimbo lyuukoloni na inagu tulwapo paveta yaNamibia.
Momayamukulo ge gopampangu ngoka a ningi oshiwike shika,
Schlettwein okwa popi kutya okwa pitikwa woo okugandja omayamukulo pehala lyepangelo, pehala lyaHahende-ndjai gwepangelo Festus Mbandeka oshowo pehala lyomunambelewa moshikondo shomayakulo guundjolowele wiimuna, Hango Nambinga, mboka ya tothwamo onga aayamukuli moshipotha shoka.
Amupanda okwa tulamo oshipotha momasiku 26 gaMei omvula ya piti, ta pula opo ompangu yi tokole kutya omusinda omutiligane kaguli paveta nopakotampango.
Schlettwein okwa popi kutya Amupanda okwa yi le owina nonyama inayi pya pOshivelo na okwa pula aanambelewa ya kwateko onyama ndjoka opo a vule okukala e na uumbangi moshikumungu shoka.
Minister okwa popi kutya okuza momvula yo 2005 omilandu dha tulwapo okukondolola etaandelo lyomikithi dhiimuna okuza mOnooli okuya mUumbugantu inadhi kala uupyakadhi kuAmupanda.
“Ngashiingeyi konima yoomvula 16, nakutulamo oshipotha opo a hala okusitha ohoni epangelo nokulongitha pambambo ompangu ndjika sho a hala okumona iitsa mbyoka a ndopa okumona mopolitika.”
Schlettwein okwa tsikile kutya kashi li muuwanawa woshigwana okukuthapo omusinda ngoka ngaashi tashi pulwa kuAmupanda, nuuna ompangu yeshi ningi nena otayi idhopo moonkondo dha gandja kompango aatotiveta yepangelo lyaNamibia netopolo lyoonkondo pokati kaatotiveta nompangu ngaashi tashi tothwamo mEkotampango.
Momushangwa gwe gwopamangu, Amupanda okwa popi kutya ekalepo lyomusinda ngoka otali tongola aantu mboka haya kala monooli yomusinda ngoka. Okwa gwedha po kutya ye oku na iimuna monooli momukunda Omaalala na okwiikolelela okuza miindulukomwa yuunamapya nuuniimuna okupalutha ofamili ye.
Okwa tsikile kutya onyama yongushu yooN$1 000 okwe yi kuthwa kuNambinga momasiku 17 gaMei momvula yo 2021 pOshivelo.
Amupanda okwa tsikile kutya omusinda ngoka kagu li pakotampango molwaashoka ogwa tulwapo pethimbo lyuukoloni na inagu tulwapo paveta yaNamibia.
Comments
Namibian Sun
No comments have been left on this article