Omupresidente oti indile aaleli yopamuthigululwakalo ya kondjithe omahepekathano gopaukashikekookantu
Oshinakugwanithwa shoPakotampango
Omupresidente Netumbo Nandi-Ndaitwah oti indile omalelo gopamithigululwakalo ga longele kumwe nepangelo mokukondjitha omahepekathano gomomagumbo nomahepeko ga nyanyaleka goomeme nuunona.
Omupresidente Netumbo Nandi-Ndaitwah oti indile omalelo gopamuthigululwakalo ga nyatipale mokukondjitha omahepekathano gopaukashikekookantu miigwana yawo.
Omupresidente pethimbo lyoshituthi shokomumvo shOmagongo nuumvo kOmhedi mOshitopolwa shaHangwena mOlyomakaya, okwa kondema iininingwanima yuukolokoshi yopomathimbo mpaka, mwa kwatelwa edhipago lyuunona wuukadhona womOkahandja nokiitopolwa yilwe, mbyoka a ti kutya ogo omadhindhiliko omawinayi gonkalo taya tsikile okunayipala.
“Omadhipago ga nyanyaleka guunona wetu waa na ondjo womOkahandja – iilonga mbika yuukolokoshi otayi tu teya po ongoshigwana. Natu yi kondjitheni atuheni,” okwa ti.
Omupresidente okwi indile aaleli yopamuthigululwakalo ya hiye iigongi, opo ya kwathe mokukandula po omukundu nguka gwomahepekathano gopaukashikekookantu.
“Ekotampango olya simaneka omalelo getu gopamuthigululwakalo nolya tota po Ongongahangano yOmalelo goPamuthigululwakalo. Onda tumbula metetekelo kutya oshigwana shaa na omuthigululwakalo kashi shi oshigwana. Otashi vulika nomikundu dhimwe ndhoka tu na moNamibia, dhe etwa kokulyatela pevi omuthigululwakalo gwetu,” Nandi-Ndaitwah a ti.
Nandi-Ndaitwah okwa ti kutya sho Aanamibia taya tyapula omithigululwakalo dhawo nuukumwe wawo, naya kondjithe omashongo ngoka taga teya po oshigwana shetu.
“Nosho ngeyi, ongepangelo, otatu indile omalelo getu gopamuthigululwakalo, opo tu longelekumwe mokukondjitha omahepekathano gomomagumbo nomahepeko goomeme nuunona," okwa ti.
"iilonga mbyoka yuudhudhu ohayi tu teya po ongoshigwana, notwa pumbwa tu yi kondjitheni atuheni,” okwa dhenge omuthindo.
"Otandi indile oshigwana ashihe shi longele kumwe nOpolisi yaNamibia yi vudhe mo uumbudhi nuukolokoshi moshigwana shetu. Okukondjitha iimbuluma osho oshinakugwanithwa shakehe gumwe, notwa pumbwa tu longeleni kumwe opo tu kwashilipaleke egameno nuukalinawa wAanamibia ayehe, unenenene wuunona wetu,” okwa gwedha po.
Eyambidhidhathano
Omunashipundi gwelelo lyopamuthigulwakalo gwOndonga, John Walenga, oku uvaneke kutya aaleli yopamuthigululwakalo otaya ka yambidhidha epangelo, ta ti oyi ilongekidha okulongela kumwe nepangelo – momathimbo omawanawa nomawinayi.
"Onda hala okulongitha ompito ndjika ndi uvaneke peha lyomalelo agehe gopamuthigululwakalo moNamibia kutya otatu mu kwashilipaleke kutya ongaaleli yopamuthigululwakalo otu lile po oku mu yakula ngaashi Ekotampango tali ti,” Walenga a ti. “Otse aakalekipo yomuthigululwakalo, notwa pumbwa okukwashilipaleka kutya otatu endele pamwe nethimbo.”
Walenga okwa ti oshituthi shOmagongo osho oshituthi shopamuthigululwakalo sha simana shoka ihashi simaneke owala oomeme – mboka oyo haya kolo oongongo nokulongekidha omagongo – ihe ohaya kwatha meputudho lyaanona.
“Oshituthi shika ohashi kwatha tu putudhe nokupukulula aagundjuka ya ninge aantu yokolela monakuyiwa,” okwa gwedha po.
Omupresidente pethimbo lyoshituthi shokomumvo shOmagongo nuumvo kOmhedi mOshitopolwa shaHangwena mOlyomakaya, okwa kondema iininingwanima yuukolokoshi yopomathimbo mpaka, mwa kwatelwa edhipago lyuunona wuukadhona womOkahandja nokiitopolwa yilwe, mbyoka a ti kutya ogo omadhindhiliko omawinayi gonkalo taya tsikile okunayipala.
“Omadhipago ga nyanyaleka guunona wetu waa na ondjo womOkahandja – iilonga mbika yuukolokoshi otayi tu teya po ongoshigwana. Natu yi kondjitheni atuheni,” okwa ti.
Omupresidente okwi indile aaleli yopamuthigululwakalo ya hiye iigongi, opo ya kwathe mokukandula po omukundu nguka gwomahepekathano gopaukashikekookantu.
“Ekotampango olya simaneka omalelo getu gopamuthigululwakalo nolya tota po Ongongahangano yOmalelo goPamuthigululwakalo. Onda tumbula metetekelo kutya oshigwana shaa na omuthigululwakalo kashi shi oshigwana. Otashi vulika nomikundu dhimwe ndhoka tu na moNamibia, dhe etwa kokulyatela pevi omuthigululwakalo gwetu,” Nandi-Ndaitwah a ti.
Nandi-Ndaitwah okwa ti kutya sho Aanamibia taya tyapula omithigululwakalo dhawo nuukumwe wawo, naya kondjithe omashongo ngoka taga teya po oshigwana shetu.
“Nosho ngeyi, ongepangelo, otatu indile omalelo getu gopamuthigululwakalo, opo tu longelekumwe mokukondjitha omahepekathano gomomagumbo nomahepeko goomeme nuunona," okwa ti.
"iilonga mbyoka yuudhudhu ohayi tu teya po ongoshigwana, notwa pumbwa tu yi kondjitheni atuheni,” okwa dhenge omuthindo.
"Otandi indile oshigwana ashihe shi longele kumwe nOpolisi yaNamibia yi vudhe mo uumbudhi nuukolokoshi moshigwana shetu. Okukondjitha iimbuluma osho oshinakugwanithwa shakehe gumwe, notwa pumbwa tu longeleni kumwe opo tu kwashilipaleke egameno nuukalinawa wAanamibia ayehe, unenenene wuunona wetu,” okwa gwedha po.
Eyambidhidhathano
Omunashipundi gwelelo lyopamuthigulwakalo gwOndonga, John Walenga, oku uvaneke kutya aaleli yopamuthigululwakalo otaya ka yambidhidha epangelo, ta ti oyi ilongekidha okulongela kumwe nepangelo – momathimbo omawanawa nomawinayi.
"Onda hala okulongitha ompito ndjika ndi uvaneke peha lyomalelo agehe gopamuthigululwakalo moNamibia kutya otatu mu kwashilipaleke kutya ongaaleli yopamuthigululwakalo otu lile po oku mu yakula ngaashi Ekotampango tali ti,” Walenga a ti. “Otse aakalekipo yomuthigululwakalo, notwa pumbwa okukwashilipaleka kutya otatu endele pamwe nethimbo.”
Walenga okwa ti oshituthi shOmagongo osho oshituthi shopamuthigululwakalo sha simana shoka ihashi simaneke owala oomeme – mboka oyo haya kolo oongongo nokulongekidha omagongo – ihe ohaya kwatha meputudho lyaanona.
“Oshituthi shika ohashi kwatha tu putudhe nokupukulula aagundjuka ya ninge aantu yokolela monakuyiwa,” okwa gwedha po.
Comments
Namibian Sun
No comments have been left on this article