Okakomisi kEtendululo lyOongamba otashi vulika ka indile ka silwe ohenda natango

Konima yokugwedhelwa ko oomwedhi mbali muAuguste kOmupresidente Nangolo Mbumba opo ka manithe oshinakugwanithwa shako, Okakomisi ke na sha netendululo lyoongamba ota ka dhiladhila ka indile ka gwedhelwe ko ethimbo, oshoka inaka mana natango olopota yako.Shika osha kolekwa komunashipundi gwokakomisi, omupanguli moshipundi shevululuko Petrus Unengu.“Olopota inayi pwa natango,” Unengu a lombwele Namibian Sun ohela. “Eeno [otatu ka indila tu gwedhelwe ko natango ethimbo]. Itandi vulu wo okutengeneka kutya uunake tatu ka mana olopota ndjika.”Mu Apilili, Mbumba okwa gwedhele ko okakomisi oomwedhi ndatu, opo ka mane olopota ndyoka tayi ka kwatha Okakomisi kOmahogololo moNamibia (ECN) opo ka shangithe aahogololi. Kakele, mu Auguste, konima sho omasiku ga pu ko natango, okakomisi haka – opamwe nomunambelewa omukuluntu gwomahogololo Petrus Shaama, omukuluntupithi gwEhangano lyOmayalulo moNamibia Alex Shimuafeni nomukonakononi ndjai gwiikwamatungo (Surveyor-General) Ndilipunye Shanyengana – oya li moshigongi nOmupresidente Mbumba kEgumbo lyEpangelo molwa olopota ndjoka ya lata.Konima yoshigongi shoka shokEgumbo lyEpangelo, omupopiliko gwombelewa yomupresidente Alfredo Hengari okwa tseyithile iikundaneki kutya Mbumba okwa gwedhela ko okakomisi ethimbo sigo 30 Septemba. Oonkambadhala dhilwe ohela opo Hengari a tye ko sha odha hulile muunyengwi.Oonkundathana dhiifundjaq Okakomisi ka pewa oshinakugwanithwa shokuutha omadhina noongamba dhiitopolwa, dhiikandjohogololo nodhoondooloppa nomikunda.Nesiku lyomahogololo moNamibia lya hedha popepi, olopota ndjika otayi ka kwatha Okakomisi kOmahogololo moNamibia shi na sha niipambele yoongamba dhiikandjohogololo nodhiitopolwa. Kakele, Hengari muAuguste okwa ti olopota ndyoka ya tegelelwa koyendji itayi gumu sha komahogololo twa taalela.Namibian Sun mu Juni okwa kundanekele kutya ookamunsela oyendji yiikandjohogololo oya shunithwa ko koshigwana, opo ya ye moonkundathana dholela dha pamba oshinyangadhalwa shi ipyakidhilwa nasho shetendululo lyoongamba konima sho okakomisi haka ka pewa oolopota inadhi ihwa po anuwa dha za moonkundathana noshigwana.MOshitopolwa shaKhomas, moka koshikandjohogololo shoka shi na aakalimo aashona yomwaalu gwo22 000, anuwa kamunsela gumwe okwa gandja olopota ndjoka yi na owala aakuthimbinga 71 oyo ya kutha ombinga moonkundathana, noyo ashike oopelesenda 0.3%.Aakwashigwana miitopolwa oyindji ngaashi Zambezi, Erongo naKhomas oya nyenyeta oshoka oongoloneya nookamunsela yiikandjohogolololo oya gandja omathaneko gomalundulukk ihe inamu kwatelwa omadhiladhilo gawo (goshigwana). Oolopota ndhika inaadhi ihwa po dha za kiitopolwa odho anuwa dha kateke olopota yOkakomisi kEtendululo lyOongamba.kenya@namibiansun.com

Okakomisi kEtendululo lyOongamba otashi vulika ka indile ka silwe ohenda natango

Comments

Namibian Sun 2025-05-02

Please login to leave a comment

Okakomisi kEtendululo lyOongamba otashi vulika ka indile ka silwe ohenda natango

Comments

Namibian Sun 2025-05-02

Please login to leave a comment

Login