Elongululo lyEtoolinga lyomeya mOngwediva otali hala okupwa okulongwa
Etoolinga lyomeya enene mOndoolopa yaNgwediva, oshikwatelwa shomeya sha simana shoka sha kwathelwa Aangwediva uule woomvula dhomilongo nomilongo, otali hala okupwa okulongululwa. Otali lalakanene okunkondopeka eagandjaganeko lyomeya mondoolopa.
Omupopiliko gwelelo lyondoolopa yaNgwediva Ottilie Shingenge okwa ti opoloyeka ndjika yongushu yoomiliona N$ 5,3 oyo oshitopolwa shoonkambadhala dhamuni okuhwepopaleka egandjo lyomayakulo nokulongulula omatungo ga simana.
Shingenge okwa ti shampa opoloyeka ya pu, etoolinga lyomeya ndika lya longululwa olya tegelelwa li ka indjipaleke omeya haga pungulwa, okuhwepopaleka eandjaganeko lyomeya nawa, nokukwashilipaleka kutya aakalimo otaya mono omeya ethimbo kehe.
“Elongululo ndika otali holola eitulomo lyamuni mokukaleka po egandjo lyomayakulo ga simana nomokuninga omapungulolongitho momatungo ga kola,” okwa ti.
Oopoloyeka dhilwe
Shingenge okwa ti momumvo gwoshimaliwa 2024/2025, elelo lyondoolopa olya tula miilonga ontengenekwamwaalu yoomiliona N$53 dha nuninwa okutunga omatungo nokuthikitha omayakulo koshigwana.
Okwa ti shika otashi lalakanene okuhwepopaleka okukalamwenyo kwaakalimo yomOngwediva omanga tashi yambidhidha woo ekoko lyondoolopa nehomokomeho lyawo.
Oopoloyeka odhindji odha pu okulongwa pamutengenekwamwaalu nguka, mwa kwatelwa okuthaneka nokuthanekulula omalukanda goExtensions 13 nElyambala (N$217 391), okuthanekulula olukanda lwoExtension 2 (N$86 957), okumbestela iilongitho yakadhimamulilo yongushu N$173 913, oshiluku 4 shokutunga okapale komaudhano (oomiliona N$4.3), okutula mo iiyakulitho mokapale kokolukanda lwoExtension 14, noshowo okulanda iilongitho yuungomba, iipoleki yomoombelewa noshowo okutula mo omalamba gapoKrismesa mondoolopa ayihe.
Oopoloyeka dhimwe ndhoka dhi ipyakidhilwa nadho nodha tumbulwa kuShingenge ongaashi okutula mo ominino dhomeya nodhomeya gohanya kolukanda lwEfidi Extension 1, Extension 12, nokolukanda lwaMatando.
Okulongulula epandaanda lyaAbraham Nyambali (okwa longwa oopelesenda 5%); ominino dhokutondoka omeya gomvula moExtension 11 (kwa longwa oopelesenda 55%); okutula mo uuthano woCCTV mondoolopa ayihe yaNgwediva (okwa longwa oopelesenda 60%); nokutungulula omatala gaNgwediva (okwa longwa oopelesenda 30%).
“Okutala kwomumvo gwoshimaliwa 2025/2026, ondoolopa oya dhiladhila oku ka tula miilonga oopoloyeka ngaashi, okaalita kondoolopa taka thanekululwa netotopo lyomalukanda omape, okutula mo uupomba momalukanda hau tekwa nuukalata, okutula mo ominino dhomeya noongodhi dhomalusheno, okuthanekulula omatsakaneno goondjila oonene, iilonga tayi tsikile kondjila yaAbraham Nyambali ndjoka tayi longululwa nokugwedhela ominino dhokutondoka omeya gomvula nogohanya,” okwa ti.
Omupopiliko gwelelo lyondoolopa yaNgwediva Ottilie Shingenge okwa ti opoloyeka ndjika yongushu yoomiliona N$ 5,3 oyo oshitopolwa shoonkambadhala dhamuni okuhwepopaleka egandjo lyomayakulo nokulongulula omatungo ga simana.
Shingenge okwa ti shampa opoloyeka ya pu, etoolinga lyomeya ndika lya longululwa olya tegelelwa li ka indjipaleke omeya haga pungulwa, okuhwepopaleka eandjaganeko lyomeya nawa, nokukwashilipaleka kutya aakalimo otaya mono omeya ethimbo kehe.
“Elongululo ndika otali holola eitulomo lyamuni mokukaleka po egandjo lyomayakulo ga simana nomokuninga omapungulolongitho momatungo ga kola,” okwa ti.
Oopoloyeka dhilwe
Shingenge okwa ti momumvo gwoshimaliwa 2024/2025, elelo lyondoolopa olya tula miilonga ontengenekwamwaalu yoomiliona N$53 dha nuninwa okutunga omatungo nokuthikitha omayakulo koshigwana.
Okwa ti shika otashi lalakanene okuhwepopaleka okukalamwenyo kwaakalimo yomOngwediva omanga tashi yambidhidha woo ekoko lyondoolopa nehomokomeho lyawo.
Oopoloyeka odhindji odha pu okulongwa pamutengenekwamwaalu nguka, mwa kwatelwa okuthaneka nokuthanekulula omalukanda goExtensions 13 nElyambala (N$217 391), okuthanekulula olukanda lwoExtension 2 (N$86 957), okumbestela iilongitho yakadhimamulilo yongushu N$173 913, oshiluku 4 shokutunga okapale komaudhano (oomiliona N$4.3), okutula mo iiyakulitho mokapale kokolukanda lwoExtension 14, noshowo okulanda iilongitho yuungomba, iipoleki yomoombelewa noshowo okutula mo omalamba gapoKrismesa mondoolopa ayihe.
Oopoloyeka dhimwe ndhoka dhi ipyakidhilwa nadho nodha tumbulwa kuShingenge ongaashi okutula mo ominino dhomeya nodhomeya gohanya kolukanda lwEfidi Extension 1, Extension 12, nokolukanda lwaMatando.
Okulongulula epandaanda lyaAbraham Nyambali (okwa longwa oopelesenda 5%); ominino dhokutondoka omeya gomvula moExtension 11 (kwa longwa oopelesenda 55%); okutula mo uuthano woCCTV mondoolopa ayihe yaNgwediva (okwa longwa oopelesenda 60%); nokutungulula omatala gaNgwediva (okwa longwa oopelesenda 30%).
“Okutala kwomumvo gwoshimaliwa 2025/2026, ondoolopa oya dhiladhila oku ka tula miilonga oopoloyeka ngaashi, okaalita kondoolopa taka thanekululwa netotopo lyomalukanda omape, okutula mo uupomba momalukanda hau tekwa nuukalata, okutula mo ominino dhomeya noongodhi dhomalusheno, okuthanekulula omatsakaneno goondjila oonene, iilonga tayi tsikile kondjila yaAbraham Nyambali ndjoka tayi longululwa nokugwedhela ominino dhokutondoka omeya gomvula nogohanya,” okwa ti.
Comments
Namibian Sun
No comments have been left on this article